11
ⵛⴶⵢⵓⵏ ⵛⵏ ⵙⵏⵜⵜ
1 ⵜⵤⵔ ⵜⵓⴾⴼⵗ ⴶⵀⵍ ⵏ⵿ⵜⵍⵏ⵿ⵜ ⵍⵏ ⴹⵜⵀⵔⴾ ⵜⵙ ⵜⵜⴶⵓ ⵜⴾⵜ⵰ ⵜⵓⵏⵢ «ⵏ⵿ⴾⵔ ⵜⴾⵜⵗ ⴹⴶ ⵏⵍⵗⵀⴹⴰ ⵏⵎⵛⵏⴰ ⴹⵎⵌⵎⵔ ⵓⵏ ⵜⴾⵜⵓⵏ ⵜⵈⵙⵀⴰ ⵓⵏ ⴹⵗⵙ ⵗⵀⴹⵏⵏ⵰
2 ⵎⵛⵏ ⵗⵔⵗⵔ ⵓⴰ ⵗⵍⵢⵏ ⴹⴶ ⵓⵏ ⵍⵗⵀⴹⴰ ⵢⵢ ⵙⴶⵏⴰ ⵜⵓⵔ⵿ⵜⴾⵜⴰ ⴼⵍⵙ ⵜⵓⴾⴼⴰ ⵢⵢⵜⴹⵏ ⵓⵏ ⵓⵔ ⵏⴾⵙⴹ ⵎⵛⵏⴰ⵰ ⵢⵜⴹⵏ ⵓⵏ ⴹⵢ ⴹ ⴶⵏ ⴾⵤⵜ ⵜⵎⵔⵓⵏ ⵏ⵿ⵜⵍⵜ ⴹⵙⵏⵜⵜ ⵜⴹⵢⵤⴹⵢⵤⵏ ⵗⵔⵎ ⵓⴰ ⵤⴹⴶⵏ ⴹⵢ⵰
3 ⵎⵔⵏ ⴹⵏⵙⴶⵍⴰ ⵙⵏⵜⵜ ⵜⴶⵢⵓⵏ ⵎⵙⵏⵏ ⵏⵀⵜⵏⵏ ⵍⵙⵏⵏ ⵛⵀⴹⵗ ⵏ⵿ⵜⴼⵢⵓⵜ⵰ ⵏⵀⵜⵏ ⵓⵏ ⴹ ⵎⵍⵏ ⵙⵍⵏ ⴹⵤⵤⵀⵜ ⵎⵍⵢ ⵂⵔ ⴶⵏ ⴶⵎ ⵏⵤⵍ ⴹⵙⵏⵜⵜ ⵜⵎⴹ ⴹⵙⴹⵙⵜ ⵜⵎⵔⵓⵏ⵰
4 ⵛⴶⵢⵓⵏ ⵛⵏ ⵙⵏⵜⵜⵏ ⵎⵙⵏⵜ ⵛⵏ ⵛⴾⵏ ⵏ⵿ⵤⵢⵜⵏ ⴹⵙⵏⵜⵜ ⴼⵜⵍⵜⵏ ⵛⵏ ⵤⴾⵜⵏⵏ ⴹⵜ ⵎⵍⵢ ⵏⴹⵏⵜ⵰
5 ⵙ ⵔⴰ ⵓⴹⵏ ⴶⵢ ⵢⵙⵏⵜ ⵜⴾⵎⴰ ⴹⵜⴶⵎⴹ ⵜⵎ⵿ⵙⵢ ⵙ ⵎⵓⵏⵙⵏⵜ ⵜⵙⵔⴾⵎⵜⵓ⵰ ⵓⵍⴰ ⵓⴰ ⵔⵏ ⴶⵢ ⵢⵙⵏⵜ ⵜⴾⵎⴰ ⵎⴾⵏ ⴹⵗ ⵙ ⵜⵤⵀⴰ⵰
6 ⵏⵀⵜⵏ ⵓⵏ ⵛⵏⵏ ⵎⵙⵏⵏ ⵛⴶⵢⵓⵏⵏ ⵍⵏ ⴼⵔⴶⵜ ⵏⴶⴹⵍ ⵢⴾⵏⴾ ⵓⵜ ⴹⵗ ⵤⵎⵏ ⵓⵏ ⴹⵗ ⵎⵍⵏ ⵙⵍⵏ ⵓⵏ ⴹⵤⵤⵀⵜ ⵎⵍⵢ⵰ ⵍⵏ ⴼⵔⴶⵜ ⵏⵙⵎⵜⵢ ⵏⵎⵏ ⵆⵍⵏ ⵤⵏⵢ⵰ ⴼⵔⴶⵏ ⴹⵗ ⴹⵓⵢⵏ ⵙⴹⵏⵜ ⵤⵏⴼⵏ ⴶⵜⵏⵏ ⵏⵍⵀⵍⵜⵏ ⴾⵜ ⵔⵏ ⵓⵏ⵰»
7 ⵎⵛⵏ ⵙ ⵗⵔⴹⵏ ⵜⴶⵢⴰ ⵜⴰ ⵜⴶⵏ ⴹⵏ ⴹⵔⵙⵏ ⵎⴶⵔ ⵎⴹⵔ ⵙⴾⵙⴹⵏ ⵓⴰ ⴹⵤⴶⵎⴹⵏ ⵗⵗⵢ ⵓⵔ ⵏⵍⴰ ⴹⵔ ⵔⵏⵏ ⵏ⵿ⵗⵏ ⴾⵔⵤ⵰
8 ⵛⵎⵈⵙⵏⵙⵏ ⴹ ⵏ⵿ⵙⵏⵜ ⴼⵍ ⵜⵔⵢⵜ ⴹⵗ ⵗⵔⵎ ⵤⵓⵔⵏ ⵓⴰ ⴹⵗ ⵜⵓⵜⵢⵜⵢ ⵎⵍⵏⵙⵏ⵰ ⵗⵔⵎ ⵓⵏ ⵜⵓⵏⵙ «ⵙⴹⵎ» ⴹ «ⵎⵙⵔ» ⵎⵙ ⵓⵏ ⵜⴹⴶⵏ⵿ⵜ ⵙ ⵙⵏⴼⵍ ⵎⵛⵏⴰ ⵓⴰ ⵜⴹⵤⵢⵏ⵰
9 ⴹⵙ ⵏⵢⵜⴹⵏ ⵏ⵿ⵜⵎⵜⵓⵏ ⴾⵍ ⴹⵜⵓⵛⵜⵏ ⴾⵍ ⴹⵓⵍⵏ ⴾⵍ ⴹⴾⵍⵏ ⴾⵍ ⴹ ⴶⵏ ⴾⵔⴹ ⴹⵏ ⴹⴶⵏⴰ ⵂⵏⵢⵏ ⵛⵎⵈⵙⴰ ⵏⵏⵀⵜⵏ ⵓⵏ ⵛⵏ ⵏ ⴶⴹⵍⵏⵙⵏ ⴹⵗ ⴹⵏ⵿ⵜⵓⵏⵀⵍⵏ⵰
10 ⵀⵏⵙⵏ ⵙⴹⵓⵜ ⵢⵜⴹⵏ ⵏⴹⵏⵜ ⴾⵍ ⵂⵔ ⵙ ⴾⵏⵏ ⵙⴹⵢ ⵜⵏⵎⴶⵏ ⵛⵏⴼⵙ ⴶⵔⵙⵏ ⴹ ⵤⵗⵤⵀ ⴶⵏ ⴹⵙⵏⴶⵏⵜ ⵜⴶⵢⵓⵏ ⵛⵏ ⵙⵏⵜⵜⵏ⵰
11 ⵎⵛⵏ ⴹⴼⵔ ⴾⵔⴹ ⴹⵏ ⴹⴶⵏⴰ ⵓⵏ ⴶⴰ ⵎⵛⵏⴰ ⵏ⵿ⴼⵙ ⵏ⵿ⵜⵎⴹⵔ⵿ⵜ ⴹⵗ ⵏⵀⵜⵏ ⵓⵏ ⵀⴰ ⴹⵏ ⴹⵔⵏ⵿ⴹⵓ ⵀⴹⴹⵏ⵰ ⵜⴶⵤ ⵜⵙⴰ ⵙⴾⵙⴹⵜ ⵢⵜⴹⵏ ⵓⵏ ⵜⵏⵏⵢⵏⵏ⵰
12 ⵙⵍⵏ ⴹⵗ ⵌⵏⵓⵏ ⵢⵎⵙⵍⵢ ⵙⵂⵏ ⴶⵏⵓ ⵢⵏⵀⵜⵏ ⵓⵏ ⵛⵏ «ⴶⵤⵢⵜⴹⵓ ⵙⴰ ⴹⴰ⵰» ⴶⵤⵢⵏ ⵙ ⵌⵏⵓⵏ ⵂⵏ ⴶⵏⵓⵏ ⵂⵏⵢⵏ⵿ⵜⵏ ⵤⵏ⵿ⴶⵏⵙⵏ⵰
13 ⵎⵤⵢ ⵓⵏ ⴹⴰ ⴹⵗ ⴶⴰ ⵎⴹⵍ ⵏⴶⵢⵏⴶⵢ ⵍⵀⵙⵏ ⵜⵀⵔⵌⵜ ⵜⵤⵏ⵿ⵜ ⵜⵏ ⵎⵔⵓⵜ ⵏⵗⵔⵎ ⵏ ⵜⵤⵔ ⵀⴰ ⵙⴰ ⴶⵎ ⵏⵓⴹⵏ ⴹⵗ ⵂⵍⴾ ⵓⴰ ⴶⵏ ⴹⵏ⵰ ⵓⵏ ⴹⵔⴶⵏⵏ ⴹⵗ ⵓⵏ ⵜⴶⵤⵜⵏ ⵜⵙⴰ ⵙⴾⵙⴹⵜ ⵙⵗⵎⵔⵏ ⵎⵛⵏⴰ ⴹⵢ ⵏⵎⵍⵢ ⵏ⵿ⵌⵏⵓⵏ⵰
14 ⴾⵢ ⵍⵓⵀⴰ ⵓⵏ ⵛⵏ ⵎⵔⵏ ⵓⵏ ⴾⵔⴹ ⵤⵢⴹⵓ ⵜⵔⵎⴹ⵰
ⵏⵙⵗ ⵏⵙⴾ ⵓⵏ ⵙⴰ
15 ⵏ⵿ⵙⵗ ⵏ⵿ⴶⵍⵙ ⵓⵏ ⵙⴰ ⵙⴾ ⵓⴰ ⵜⴼ⵰ ⵜⵓⵙⵍⴰ ⵢ ⵎⵙⵍⵏ ⵤⵓⵔⵏⵏ ⴹⵗ ⵌⵏⵓⵏ⵰ ⵎⵙⵍⵏ ⵓⵏ ⴹⵏ ⴶⵏⵏ
«ⵎⵔⴹⴰ ⵜⵔⵏⴰ ⵜⵏ ⵜⵤⵔ⵿ⵜ ⵢⴹⵏⵜ
ⵛⵏ ⵎⵍⵏⵏⴰ ⵎⵛⵏⴰ
ⴹ ⵍⵎⵙⵈⵏⵜ⵰
ⴹ ⵆⵍ ⵎⵏⴾⵍ ⵂⵔ ⴼⵓ⵰»
16 ⵏ⵿ⴾⵔⵏ ⵎⵗⵔⵏ ⵓⵏ ⵙⵏⵜⵜ ⵜⵎⵔⵓⵏ ⴹⴾⵤ ⵆⵎⵏⵏ ⴼⵍ ⵜⵈⵓⵏⵙⵏ ⴹⵜ ⵎⵛⵏⴰ ⴼⵜⵆⵏ ⴹⵗ ⵎⴹⵍ ⵙⵌⴹⵏ ⵗⵀⴹⵏ ⵎⵛⵏⴰ⵰
17 ⴹ ⴶⵏⵏ
«ⵏⴶⴹⵢⴾ ⵎⵍⵢ
ⴾⵢ ⵎⵙⵏ ⵎⵛⵏⴰ ⴹⵢ ⵏⵎⵍⵢ ⵏ⵿ⵜⵔⵏⴰ ⴾⵍ
ⴾⵢ ⵜⵍⵏ ⵎⵔⴹⴰ
ⵜⵍⵆⵓ ⴹⵗ ⴾⵍⴰ ⴹⴰ⵰
ⵏⴶⴹⵢⴾ ⴹ ⵛⵛⵗⵍ ⵜⴶⵗ ⵜⵔⵏⵏⴾ ⵤⵓⵔⵜ
ⵢ ⴹ ⵜⵙⵀⴹⴹⴰ ⵜⵗⵎⵔⵏⴾ
18 ⵛⵎⵜⵓⵏ ⵏⴹⵏⵜ ⴶⵤⵜⵏⵜ ⵍⵂⵎ ⵍⵀⵙⵏ
ⵎⵛⵏ ⵎⵔⴹⴰ ⵍⵂⵎ ⵓⴰ ⵏⴾ ⴹⵓⴹⵏ⵰
ⵍⵓⵆ ⵓⵏ ⵛⵔⵗⴰ ⵏⵎⵜⵏ ⴹⵙⵏ⵰
ⵍⵓⵆ ⵓⴹⵓ ⵓⴰ ⴹⵗ ⵤⴰ ⵜⵔⵤⵎⵗ ⵢⴾⵍⵏⴾ
ⴰ ⵜⵏⵎⵙⵏ ⵏⵀⵜⵏ
ⵜⴾⴼⵆⵏ ⵔⵤⵏⵙⵏ
ⵏ⵿ⵜⵏⵢ ⴹⵎⵤⴹⴶⵏ ⴾⵍ
ⴹ ⵢⵜⴹⵏ ⴾⵍ ⵓⵏ ⵎⴾⵙⴹⵏⴾ
ⴶⵔ ⵓⵏ ⵎⵤⵔⵏ ⵓⵍⴰ ⵓⵏ ⵜⵏⵓⵔⵏⵎⵙ⵰
ⵍⵓⵆ ⵓⴹⵓ ⵓⵏ ⵂⵍⴾ ⵏⵓⵏ ⵂⵍⴾⵏⵏ ⴹⵏⵜ⵰»
19 ⵜⵤⵔ ⵏⵍⵎ ⵂⵏ ⵏⵍⵗⵀⴹⴰ ⵏⵎⵛⵏⴰ ⵓⴰ ⵂⵏ ⵌⵏⵓⵏ ⵏⴼⵍⵍⴹⵓ ⴹⵗⵙ ⵙⵏ⵿ⴹⵆ ⵓⵏ ⵔⴾⵓⵍ ⵏ⵿ⵜⵙⵆ⵰ ⴹⴼⵔ ⵓⵏ ⴶⵏ ⵙⵎⵏ ⵎⵍⵏ⵿ⵜⵓ ⵎⵙⵍⵏ ⴹⴶⴶⵏ ⴹⵏⴶⵢⵏⴶⵢ ⵏⵎⴹⵍ ⴹⴶⵔⵤⵏ ⵍⵀⵙⵏⵏ⵰