3
ⵜⴶⵓⵜ ⵛⵓⵜⵔⵓⵏ
1 ⵎⵔⴹⴰ ⵎⴹⵔⵢⵏⵏⴰ ⵜⵏ⵿ⵙⵢⵜⵏⵗⵏ ⵎⵛⵏⴰ ⴼⵍ ⴹ ⵓⵤⵓⵤ ⵓⵍ ⵏⵎⵍⵢ ⵜⵓⴶⵙ ⵙⵗⵎⵔ ⵓⴰ ⴹⵙⵜⵓⴶⵏ ⵗⵔⵓⵏ⵰
2 ⴶⵎⵢⵜ ⵏ⵿ⵜⴰ ⴹⴰ ⴹⵗ ⵎⵛⵏⴰ ⴹⵏⵗⴶⵤⵏ ⴹⵗ ⵤⵏ⵿ⴶⴰ ⴹⵏⵤⵍⵎ ⴼⵍⵙ ⵓⵔⴶⵗ ⵢⵜⴹⵏ ⴾⵍ ⵜⴼⵏⵏ ⵤⴶⵤⵏ⵰
3 ⵎⵛⵏ ⵎⵍⵢ ⵍⵗⴹⵍ ⵎⵙ ⵏ⵿ⵜⴰ ⴾⵓⵏ⵿ⵤⵙⵙⵂⵏ ⴶⵤⴾⵓⵏ ⴹⵗ ⵀⵍⵙ⵰
4 ⵏⴶⴰ ⵜⵎⴰ ⵙⵙⵎ ⵏⵎⵍⵢ ⵙ ⵜⵜⵎⵤⵍⵎ ⵓⵙ ⴾⵓⵏⵎⵔ ⵜⴶⵍⵎ ⴹⵗ ⵜⵜⵎⵤⵍⵎ⵿ⵜⵓ⵰
5 ⵙⴹⴶⵜ ⵎⵍⵢ ⵓⵍⵏⵓⵏ ⵙⴰ ⵙⵔ ⵜⵔⴰ ⵏⵎⵛⵏⴰ ⴹⵤⵎⵔⵜ ⵜⴰ ⵂⴾⵓ ⵍⵎⵙⵈ⵰
ⵀⵜⵓ ⵜⵆⵍⵜ ⵢⵜⴹⵏ ⵓⵏ ⵎⵙⵏ⵿ⴹⴹ
6 ⵎⴹⵔⵢⵏⵏⴰ ⵏⵎⵔⴾⵓⵏ ⴼⵍ ⴹⵎ ⵏⵎⵍⵏⵏⴰ ⵗⵢⵙⴰ ⵍⵎⵙⵈ ⵙⴹ ⵜⵏⵎⴶⴶⵎ ⴹⵎⵤⴶⵤⵏ ⴾⵍ ⵓⵏ ⵎⵙⵏ⵿ⴹⴹ ⵓⵔ ⵍⴾⵎⵏ ⵢⵓⴰ ⵜⵏⵙⵙⵗⵔⴰ⵰
7 ⴾⵓⵏⵢ ⵎⵏⵓⵏ ⵜⵙⵏⵎ ⵓⵍⵏ ⵙ ⵎⴾⵏ ⴹ ⵜⵜⴶⵎ ⵓⴰ ⵏⵜⴶ⵰ ⵂⵔⵓⴰ ⵗⵔⵓⵏ ⵏⵍⴰ ⵓⵔ ⵏⵎⵙ ⵎⵙⵏ⵿ⴹⴹ⵰
8 ⵓⵔ ⵏⴶⵎⵢ ⴹⵗ ⵓⵍⵢⵏ ⴹⵗⵓⵏ ⴹⵏⵗⵛⵜⵛⵓ ⵀⵏⵏ ⴾⵍⵔ ⵏⵔⴹⴰ ⵙⵏⵢ ⵏⵔⴾⵏⵢ ⴹⴹⵤ ⵍⵀⵙⵏ ⵏⵛⵗⵍ ⵂⴹ ⵤⵍ ⴼⵍ ⴹ ⵓⵔ ⵏⵆⵍ ⵤⴾ ⵢ ⵓⵍⵢⵏ ⴹⵗⵓⵏ⵰
9 ⵓⵔ ⴹⵏⵙⵙⴶⴰ ⴹⵢ ⵀⴰ ⵏ⵿ⵜⵍⴰ ⵏⵍⵈⵆ ⵏ⵿ⴹⵏⵜⵍⵍⵎ ⴾⵍⴰ ⵔ ⵏⴶⵢ ⴼⵍ ⴹⵓⵏⵆⵍ ⵍⵎⵙⵍ⵰
10 ⵂⵔⵓⴰ ⴾⵓⵏⵂⴰ ⵏⵎⵔⴾⵓⵏ ⵙⵙ ⵓⴰ ⴶⵢⵏ ⵙⵛⵗⵍ ⴹ ⵓⵔ ⵜⵛⵓ⵰
11 ⵎⵔⵏ ⵎⵔⴹⴰ ⵏⵙⵍⴰ ⵙ ⵂⵏ⵿ⴾⵓⵏ ⵢⵜⴹⵏ ⴶⵍⵏⵏ ⵙ ⵜⵎⵌⵍⴹⵜ ⵓⵔ ⵜⵏⵂⴰ ⵔ ⴶⵤ ⵏ⵿ⵜⵗⵓⵛⵓⵏ ⵜⵏⵓⵔⵏⵆⵍ⵰
12 ⵢⵜⴹⵏ ⵓⵏ ⴹⵢ ⵏⵎⵔ⵿ⵜⵏ ⵏⴶⵎⵢ ⴹⵗⵙⵏ ⴹⵗ ⵙⵙⵎ ⵏⵎⵍⵢ ⵗⵢⵙⴰ ⵍⵎⵙⵈ ⴹ ⴶⵏ ⵛⵗⵍⵏⵙⵏ ⵙ ⵜⵏⴶⵔⵜ ⴼⵍ ⴹ ⵜⵛⵏ ⴹⵗ ⵛⵗⵍ ⵏ⵿ⴼⵙⵏⵙⵏ⵰
13 ⵎⵔⵏ ⴾⵓⵏⵢ ⵎⴹⵔⵢⵏⵏⴰ ⴹ ⵓⵔ ⵜⴹⵤⵎ ⴶⵢ ⵏⵓⴰ ⵍⵗⵏ⵰
14 ⴾⴹ ⵂⵓⵏ ⵓⴹⵏ ⵓⵔ ⵏⵍⴾⵎ ⵢⵓⴰ ⵏⵏⴰ ⴹⵗ ⵛⵔⵓⵜ ⵜⴰ ⵙⵏⵜⵓ ⵜⵓⵔ⵿ⵜⵎⵍ ⵜⵙⵆ ⵓⵍⵢⵜ ⴶⵔⵓⵏ ⴹⵔⵙ ⴼⵍ ⴹ ⴾⵔⴾⴹ⵰
15 ⴹⵔ ⴶⴰ ⴹⵢ ⴹⴰ ⴹⵙⵓⵔ⵿ⵜⴶⵎ ⴹⴼ ⵏⵤⵏ⵿ⴶⵓ ⵜⴶⵜⵙ ⵏⵙⵈⴰ ⵓⴰ ⵤⴰ ⵜⴶⵎ ⵢⵎⴹⵔⵢⵏⵓⵏ⵰
ⵛⵓⵜⵔⵓⵏ ⴹⵙⵍⵎⵏ
16 ⴾⴼⵜⴾⵓⵏ ⵎⵍⵢ ⵏⵍⵈⵔ ⵏ⵿ⵜⴰ ⵎⵏⵜ ⵍⵈⵔ ⴼⵓ ⴹⵗ ⵔⵜ ⴾⵍ ⵍⵍⵓⵏ ⴾⵜⵏⵓⵏ⵰
17 ⴼⵙ ⵓⵏⵏ ⵎⵏⵏ ⴾⵜⵀⵏ ⵓⴰ ⵛⵂⵍⵓⵏ ⴹⵏⴶⵎⴹⵏⵏ ⵀⵍⵙ⵰ ⵓⴰ ⴹⴰ ⵎⵙⵏ ⵌⵓⵍ ⵏⵛⵔⵏⵏ ⴾⵍ⵰ ⵎⴾ ⵓⴰ ⴹⴰ ⵙ ⵜⵏⵜⴾⵜⵀⴰ⵰
18 ⵎⵛⵏⴰ ⵢⴰ ⵜⴾⴼⵆⵓⵏ ⵔⵈⵎⵜ ⵏⵎⵍⵏⵏⴰ ⵗⵢⵙⴰ ⵍⵎⵙⵈ⵰