5
El rollo y el Cordero
1 Ngaa ni̱ guiniꞌīnj sisi̱ nicaj si nne rian chrun xila sa̱ꞌ daj ꞌngo̱ yanj libro ne̱ꞌ chrej raꞌa sa̱ꞌaj. Ni̱ hua ni̱ca nu̱n letra xiráj yanj daj. Ni̱ hua ni̱ca nu̱n letra riqui yanj daj nej. Ni̱ hua ránj sa̱ꞌ ichij sello duꞌua yanj daj.
2 Ni̱ guiniꞌīnj ꞌngo̱ ángel nucuaj. Ni̱ nachínj snanꞌanj ángel daj. Ni̱ gaꞌmi nucuaj-áꞌ gataj-áꞌ:
―Ni̱ u̱n sin huin si sa̱ꞌ sisi̱ ga̱ꞌne sello hua ránj duꞌua yanj libro daj, ngaa ni̱ na̱guraj duꞌua rumi yanj daj únj. ―Daj gataj ángel daj.
3 Sani̱ ni̱ a̱ ꞌngo̱ si mán xataꞌ nga̱ si mán rian yoꞌój nej, si mán riqui yoꞌój nej, si̱ gaꞌue naguraj rian yanj libro daj, ni̱ gui̱niꞌi da̱j hua rian yanj da mánj.
4 Ngaa ni̱ gaco ni̱nꞌ ruhuāj xiꞌí si nun nariꞌ ni sij ꞌngo̱ si hua sa̱ꞌ na̱ꞌni ni̱ꞌyaj duꞌua da̱j hua yanj daj.
5 Ngaa ni̱ gataj ꞌngo̱ dugüiꞌ ni tsínj huin achij gunūnj:
―Si̱ gacó re̱ꞌ ga̱ mánj. Daj si tsínj huin xiꞌninꞌ gu̱ꞌnaj Judá huin daꞌni̱ siꞌni̱ rey David, ni̱ guiꞌyaj gana sij. Ni̱ gu̱ꞌnaj sij sigueꞌej. Ni̱ xiꞌí daj ga̱ꞌue ga̱ꞌne sij ichij sello nu̱n duꞌua yanj libro, ni̱ na̱guraꞌ sij libro daj.
6 Ngaa ni̱ guiniꞌīnj niquinꞌ ꞌngo̱ xachij ꞌni̱j da̱ni rian niquinꞌ chrun xila sa̱ꞌ daj nga̱ aninꞌ ga̱nꞌanj xucu hua ni̱ꞌnaꞌ. Ni̱ niquinꞌ xuj da̱ni ni tsínj huin achij. Ni̱ rúnꞌ huin sisi̱ hua dagahuiꞌ ni sij xachij ꞌni̱j daj. Ni̱ hua ichij si-cúj xuj nga̱ ichij rundij rian xuj huin ichij Espíritu Santo ꞌna̱ꞌ rian Yanꞌanj. Ni̱ gaꞌníj Yanꞌanj ichij Espíritu Santo ganꞌanj ni̱nꞌ ga̱chraꞌ chruhua xungüi̱.
7 Ngaa ni̱ gaꞌna̱ꞌ xachij ꞌni̱j daj. Ni̱ guidaꞌa xuj yanj libro raꞌa sa̱ꞌ si nne rian chrun xila sa̱ꞌ daj.
8 Ni̱ ngaa guidaꞌa xuj yanj daj, ngaa ni̱ ganiquinꞌ ráj da̱coj aninꞌ ga̱nꞌanj xucu hua ni̱ꞌnaꞌ daj nga̱ ico̱ ga̱nꞌanj ni tsínj huin achij rian xachij ꞌni̱j daj. Ni̱ nicaj daranꞌ ni sij yánꞌanj nu̱n gaꞌi̱ yaꞌa̱. Ni̱ nicaj ni sij cu̱ huin oro. Ni̱ daꞌ gara ni sij siquíj chruhua ni cu̱ daj. Ni̱ siquíj daj huin ni nuguanꞌ achínj jniꞌyaj ni ngüi̱ hua sa̱ꞌ rian Yanꞌanj.
9 Ni̱ aráj ni sij chraꞌ na̱ca nan rian xachij ꞌni̱j daj:
Hué re̱ꞌ huin tsínj sa̱ꞌ ga̱ꞌue gui̱daꞌa yanj.
Ni̱ ga̱ꞌue na̱ꞌnij re̱ꞌ duꞌua yanj daj rian nu̱n ichij sello.
Daj si hué re̱ꞌ dagahuiꞌ ni sij.
Ni̱ naruꞌué re̱ꞌ si-tun manꞌán re̱ꞌ xiꞌí si-ga̱quinꞌ ni ngüi̱.
10 Ni̱ guiꞌyáj re̱ꞌ sisi̱ gui̱nicaj sun ni sij ga̱huin ni sij rey.
Ni̱ guiꞌyáj re̱ꞌ sisi̱ ga̱huin ni sij chrej rian Yanꞌanj.
Ni̱ gui̱nicaj sun ni sij chruhua xungüi̱ ga̱ꞌnaꞌ.
Hué daj gara ni sij rian xachij ꞌni̱j daj.
11 Ngaa ni̱ guiniꞌīnj. Ni̱ gunūnj si-na̱ne nico ni ángel mán ganica̱j xiꞌníj chrun xila sa̱ꞌ daj nga̱ aninꞌ ga̱nꞌanj si hua ni̱ꞌnaꞌ nga̱ ni tsínj huin achij nej. Ni̱ ma̱n millón millón ni ángel.
12 Ni̱ gaꞌmi nucuaj ni ángel gataj-áꞌ:
Sa̱ꞌ ni̱nꞌ ruhua huin xachij ꞌni̱j dagahuiꞌ ni sij.
Ni̱ duguꞌna̱j huin sisi̱ gui̱nicaj ni̱nꞌ sij sun.
Ni̱ gui̱nicaj sij daranꞌ rasu̱n sa̱ꞌ.
Ni̱ ga̱huin chru̱n ni̱nꞌ ruhua sij.
Ni̱ na̱huin raꞌa sij daranꞌ fuerza.
Ni̱ gui̱nun yanꞌanj ni ngüi̱ sij.
Ni̱ ga̱ꞌmi sa̱ꞌ ni sij xiꞌí sij.
Ni̱ ga̱ꞌmi ꞌueé ni sij xiꞌí sij nej.
Hué daj garáj sa̱ꞌ ni ángel daj xiꞌí xachij ꞌni̱j daj.
13 Ngaa ni̱ gunūnj si gaꞌmi daranꞌ si guiꞌyaj Yanꞌanj huin si ma̱n ne̱ꞌ xataꞌ nga̱ si ma̱n rian yoꞌój nej, si ma̱n ne̱ꞌ riqui yoꞌój, si ma̱n chruhua nnee yanꞌanj nej. Ni̱ gataj daranꞌanj:
Ni̱ganj ga̱ꞌmi sa̱ꞌ daranꞌ néꞌ rian si nne rian chrun xila sa̱ꞌ nga̱ rian xachij ꞌni̱j.
Ni̱ ni̱ganj gui̱nun yanꞌanj néꞌ rian nu̱ngüej sij.
Ni̱ ni̱ganj ga̱ ꞌueé rian nu̱ngüej sij, gui̱ꞌyaj néꞌ.
Ni̱ hué daj ga̱ fuerza rian nu̱ngüej sij ni̱ganj, gui̱ꞌyaj néꞌ nej.
Daj gataj daranꞌ ni sij.
14 Ngaa ni̱:
―Amén. ―Gataj aninꞌ ga̱nꞌanj xucu hua ni̱ꞌnaꞌ.
Ngaa ni̱ ganiquinꞌ ráj da̱coj ico̱ ga̱nꞌanj ni tsínj huin achij rian Yanꞌanj. Ni̱ Yanꞌanj huin si ga̱ne ni̱ganj.