១ បក់ ពឿ អ្យិល កូត័ កា ប៉្រ័ះ ប៊កកាតយ័ លូ ប៉្រគ័ ពួយ ប៉្រ័ះ បក់ ណោះ ចឹង ទី សារ សាណុក សាវ៉ាក តាទឹច ហង ។ ២ ណោះ អន់ដីស ចឹង ទី សាណា សា ឡឹង ង៉ារ ឡាក់ អន់ដីស ប៉្រគ័ លូ អន់ដីស ចឹង ទី សារ រ៉គ់ លូ សាណុក សាវ៉ាក ដេល ។ ៣ កាម៉ាញ់ អន់ដីស អ្វៃ ពឹង ហី អ៊ែ ពៀប ឡាក់ តើម អង់ កាច ទី ប៉្លៃ អៀង កាប៉ាច់ គន កាម៉ាក័ អន់ដីស អន់ឌែ ពៀក ឡាក់ ប៉្លៃ អូលេវ ពូ ចៃគ ពឹង គ្រេ ។ ៤ មួត បក់ អ្យិល កូត័ កាប៉្រ័ះ អន់ឌែ ចឹង ទី សារ ដាគ់ នីណោ័ះ ហង ។ ៥ ប៉រ់ ប៉្រ័ះ ប៊កកាតយ័ អន់ សារ ដាគ់ លូ សារ សាវ៉ាក កា មួត អ្វៃ ពឹង ប៉ានឹម សីយ៉ូន លូ មួត អ្វៃ ពឹង មឿង យេរូសាឡឹម រ៉ាប់ ដារ់ លើយ ឡុច អាញុ អន់ឌែ ។ ៦ អន់ដីស ចឹង ប៉ប័ សោ អន់ដីស លូ ទី សារ សាវ៉ាក ដេល ។