១២៤
១ ផានែវ ប៉្រ័ះ ប៊កកាតយ័ អូ អ្វៃ គែង ពិន អុះ
អន់ សុនសាត អ៊ីស្រាអ៊ែល រ៉ះ ពិ ផា
២ ផានែវ ប៉្រ័ះ ប៊កកាតយ័ អូ អ្វៃ គែង ពិន អុះ
ណោះ មួត តាម៉ឺរ ចឹង អ្យូវ តាកូះ លូ ពិន ឡូត។
៣ ប៉ាគ់ អន់ឌែ ទី កាំឡាំង អៀង ឡឹង ពិន
អន់ឌែ ចឹង ប៉្រគ័ កា ពិន ទិឌូ អា
ពៀប ឡាក់ កា អន់ឌែ ឡាវ៉ាន័ ពិន ឡូត។
៤ ពិន ចឹង កេះ ពៀប ឡាក់ កា ពិន ឡង់ ទៀក សាឡីគ សាឡាយ
ទៀក ចឹង ប៉ាន់ ដោង ពិន ប៉ាគ់ ចារ ជ្រុ។
៥ ទឹប ចឹង ទី ទៀក កា តិរ អន់ ពិន ឡប់ ឡូត ដេល។
៦ ហះកា អាញ់ ប៉ានេ កា ប៉្រ័ះ ប៊កកាតយ័
អ៊ែ អូ មប អន់ ពិន ទី ពឹង តី តាម៉ឺរ ពិន ហ៊ែក សា ណោះ អុះ។
៧ ពិន រ៉ាវ៉ាច់ ឡឹង អន់ឌែ ឡាក់ សៃម រ៉ាវ៉ាច់ ឡឹង សាទួង បក់ ម៉ាន។
៨ សារ ប៉្រ័ះ តង័ ពិន ញន កា ពិន ម៉ឹង កា សិច ប៉្រ័ះ ប៊កកាតយ័
ឡាក់ ប៉្រ័ះ ប៉ាំងកើត តេះ លូ ប៉្លៃង។ (គែ កេះៗ)