110
⌊Lod⌋ akó Oya Alearrón King
Darrü ⌊Deibidün⌋ Wórr
1 Lod God igó bóktanórr kürü Lodódó wagó,
“Ma ae mórra ini wirri pabodó, kürü tutul tangdó,
kókó ka sab marüka nidi bóka bamgündako,
ka sab ibü inzan ninünümo, marü wapór nisab ngón ngagón klamóm.”
2 Lod sab marü kingan arüng mókyene Zaeongab.
Ma sab wirri pam namulo; marüka nidi bóka bamgündako, ma sab ibü aodógab balngomól namulo!
3 Marü gazirr pama sab wata ubi bain kwarile
marü gazirr ngürr nóma semrrale.
Amaka glesa aupda irrbi, sab marü küsil pama inzan togobe marüka, gyabi wi agótórrón mórrkenyórrpükü.
4 Lod ⌊arüng alkamül-koke bóktan⌋ kuri ingrinürr
ó wa sab koke alkamüle:
“Ma metat ⌊prristla⌋,
wata Melkizedekzan yarilürr.”
5 Lod marü tutul tangdó asine marü tangamtinüm.
Oya wirri ngürsila ne ngürrdü simige, sab ngibürr king memokan ekrrale.
6 Wa sab bwób-bwób pamkolpam zaz nirre, gazirr pokodü pamkolpamab büdül murua sab barüme.
Wa sab ini tüpan singüldü pam blaman memokan baem napórre.
7 Wa sab kwat-kwat aróbdó nae enóle,
da wa sab wapór igósidi karrkukus nürtümüle akó singül ugón kwit ine.