रोमियों की किताब प्रेरित पौलुस लमसम 54-58 साल मैं ईसु के पैदा होन के बाद लिखी रहै। पौलुस अभैले रोम को दौरा नाय करी रहै, तभईये बौ जौ चिट्ठी मसीहियन कै निर्देस देन के ताहीं यहूदि और गैर-यहूदि कै पनारी। बौ कुरिन्थ सहर से चिट्ठी लिखी रहै, जहाँपै बौ, पहले रहेत रहै। पौलुस जहे ताहीं लिखी ताकी सबै देस ईसु मसीह मैं बिस्वास और आग्या पालन कर सकैं। 16:26

रोमियों की किताब हर जघा और हर समय मसीहियन के ताहीं भौत जरूरी किताब है, काहैकि पौलुस सपा-सपा और अच्छे तरीका से समझाथै कि आपन ईसु मसीह के उद्धार के बारे मैं बताए सकथैं। पौलुस ईसु मसीह के सुसमाचार कै पुराने नियम से भी जोड़ी। कई विद्वानन को कहनो है कि किताब मैं सबसे जरूरी किताब है जो कहथै, 1:16“मोकै सुसमाचार से कोई सरम नाय है, काहैकि जौ सबन के ताहीं परमेस्वर की सक्ति है जो मानथै: पहले यहूदि के ताहीं, फिर गैर यहूदि के ताहीं।” रोमियों को पहलो भाग1–12 गहरो धर्मसास्त्र है और दुसरो भाग13–15 मैं मसीह हुई जिंदगी के ताहीं निरे आग्या पालन के निर्देस हैं।