61
Pathen Pathen In Eihong Jinge Tia David Kinepna
Semjang to thoa sah dia David labol
1 O Pathen Pathen ka kana neingaipeh in! Ka taona hi ngai in!
2 Lungsung lunghemnan eilonkhum tenglehiset kol kimvel a kon'in panpi ngaichan ka hin kou e. Hoidoh na songpi sang chung'ah neipuitou in,
3 ajeh chu nangma hi ka kiselna mun olna pen chu na hi, ka melmate'n ahin phahjoulouna kulpi chu nangma na hi.
4 Na mun theng'a tonsot'in neichensah in hilai chu na lha limnoi kiselna chu ahi.
5 O Pathen Pathen ka kitepna chu nei jahpehtai, nangma gingte chan dia na gonpeh na goulona mun chu neipeh ahitai.
6 Lengpa hinkho hi kum tamtah pehben! Khangkit geiin jong hinghoi in!
7 Pathen Pathen hoidam na achun vai hom jing hen. Na mi ngailutna longlou le na kitahna chun kaihoi jing hen.
8 Hiteng chuleh nitina ka kitepna suh bulhit ingkating tonsot'in na min thangvah jing tang e.