149
Tahsan Chate Jousen Yahweh Pakai Vahchoijun
1 Yahweh Pakai chu thangvah'un! Yahweh Pakai vahchoina lathah sauvin. Tahsan chate kikhopna ah avahchoila sauvin.
2 O Israel nasempa chunga kipah'in, O Jerusalem mipite, na lengpau chungah kipah'un.
3 Khongpi gintoh semjang saito thon lampum pum'in Aminchu vahchoijun,
4 Ajeh chu amite chungah akipah'in, mi nun nem te chu jana lallukhuh akhupeh tai.
5 Pathen Pathen chate chu hitobang jana achanjeh'un, jankhovah'in avahchoila sauhen,
6 Akhut'in chemjam hemtah kichoiyu henlang, akamsunguuvah kipah tah'in Pathen Pathen thangvah la sauhen.
7 Chitin namtin ho chunga aphulah theina diuleh, namtin chunga engbolna apeh theina diuvin,
8 alengteu thihkhao kola akihen'uva, chuleh alamkaiteu thihkhaova akikan theina diuvin,
9 achung uva thu kitanna dungjuiya akitohdohna dingin. Hiche hi Pathen Pathen chate chan loupitah achannao chu ahi. Yahweh Pakai chu thangvah'in umhen!