122
Jerusalem’a Chamna Umna Dia David Taona
David in Sagol kengkhai la asem
1 Pakai hou in ah cheuhite tia kakom a asei u chun keima kakipahlheh jengin ahi.
2 Vo Jerusalem tuhin keiho nakelkot sung langah kadingtao ve.
3 Jerusalem hi dettah’a kisa khopi ahin appal jonghi detchetna kigenbitna ahi.
4 Pakai mite Israel phungho jousen hicheahi kintheng bolla ahungnao ahi. Israelte chonna daan dungjui a Pakai kom a thangvahna pedinga ahungnao ahi.
5 Hichea hin lengte thutanna laltouna hochu aum in David chilhah ho laltouna ahi.
6 Jerusale a cham lenna din taovun, hiche khopi ngailu jouse khangtouhen.
7 Vo Jerusalem, nakulpi sunga chamleng hen chuleh nakhopi sung khangtou hen.
8 Kainsung mite leh kagol kapaite khohsahna in keiman Jerusalem ah “Nanga chamna umhen” kati.
9 Pakai ipathen’u insung khohsahna’in, O Jerusalem nang dinga aphapen chu kahol ahi.