16
पावल राङ सिलास ङ्याबो तिमोथि ढुल
1 पावल डर्बि राङ लुस्त्राला याङ लेप्सोङ। हतिया तिमोथि मिन क्याक्याइबि लोब्टु झि याङ धु। खो हिछे किङान यहुदि पुमो झिकि पिजा हिना। हिन्नाङ ख्युइ आके ग्रिकयि हिना।
2 लुस्त्रा राङ आइकोनियनयि भाइतेबाला ख्युइ मिन चलि च्युच्युङा धु।
3 खोला पावलयि ङ्याबो खेरयापयि सम क्याइसोङ। हति साला त्योएङान यहुदिबे चाला पावलयि खोला खेरते खतना क्याइसोङ। चिचालानाना ख्युइ आके ग्रिक हिना नाङान हतिबा पोरोला छ्या होतो।
4 तेहि हतिबा भजारयि लामतेबे लाम्ला हतिबे यरुश्लेमयि लोब्टुतेबा राङ एल्डरतेबे क्याक्याइबि थाकच्योएतेबा हतिबाला ङ्यानरो कि नाइरे स्येसोङ।
5 हति च्वरा क्याइरे चर्च हिछेला क्योङबो हुन राङ टाँगाला फेलकिन राङ पुइसोङ।
त्रोआसला पावलयि दर्शन
6 पवित्र आत्माने एशियाला वचन टाइक्ये कियाप मेता ति हतिबा फ्रिगिया राङ गलातियायि छेत्रतेबे लाम्ला पुइसोङ।
7 माइसियायि साँधला लेप्छारते हतिबे बिथानिया यहला ढोयापयि विचार क्याइसोङ। हिन्नाङ येशुयि आत्मायि हतिबाला ढोरु माच्युसोङ।
8 तेहि माइसियायि लाम्ला हतिबा त्रोआसला पुइसोङ।
9 छाम्मु पावलला दर्शन च्युङसोङ माकेडोनियायि मि झि लँरे खोला स्युवा क्याकिन राङ धु। “माकेडोनिया सअ, राङ ङेला रुवा कि।”
10 जब खोला धि दर्शन खुँरे, हतितुइनाराङ माकेडोनियाला ढोयाप तयार च्युङसोङ। ङि धि थाकच्योए क्याइरे कि ख्योएला लोन ल टाइक्ये कितु कजसुबायि हुला क्ये ताताङा धु।
फिलिप्पिला लिडियायि सम घ्युघ्युरा
11 तेहि हु त्रोआसने डुङगाला स्योन्दे थारका सामोथ्राके यहला पुइसोङ, राङ ङाइटोतेबा नियापोलिस लेप्छारसोङ,
12 राङ हतिने फिलिप्पिला लेप्छारसोङ, काङते माकेडोनियायि ङोधो भजार राङ रोमि सा याङ धु। हु धि भजारला ङिन रेन ताते।
13 ता ङालसुइ ङिनला भजारयि कोने फिला चाङबोयि नेमुला पुइसोङ, चिचालानाना हतिया मोनलाम क्यासि सा होतो नाइरे ङि छोए क्याक्याइबा होतो, राङ हतिया ङे ताते राङ झोम्दे ताताति पुमोतेबा ङ्याबो ताम नाला छेलदे।
14 तेहि थिआटिरा भजारला त्योएङान, बैजनी कोहिलायि छोङ क्याङान लिडिया मिन क्याक्याइबि कजसुबायि भक्ता पुमोति ङि ताम ङ्यानसोङ। पावलयि नानाइबि ताम ल क्याइरे ङ्योन नाइरे प्रभुयि ख्युइ सम पेसोङ।
15 जब खो राङ ख्युइ खिमयि पोरोयि बप्तिस्मा च्युङदे, तेहि ख्युइ ङेला स्युवा क्यापसोङ, “तेम्बारे ख्युइ ङाला प्रभुयि हिछे किङान ठानि कि ना ङाहि खिमला लेप्ते त्योए।” राङ ख्युइ ङेला कर माक्याइसोङ।
पावल राङ सिलास झयालला
16 जब ङे मोनलाम क्यायापयि खिमला ढुन ताताता होतो, तेहि लाक्पा ताङान आत्मा होएता यक्मुवा पुमो झि ङ्याबो ङे ठेसोङ, काङ हति लाक्पा ताइरे हति ताक्पोतेबे चाला लेइराङ कमाइ किनलो।
17 हति पावल राङ ङि च्येच्येला लेप्सोङ, राङ जु नेन राङ क्ये तोनसोङ, “धि मितेबा पोरोले छेया कजसुबायि स्यापच्यितेबा ना। हतिबे खेला मुक्तियि लामयि घोषाणा किन।”
18 हति लेइराङ ङिन थु हति च्वरा राङ क्याइसोङ। तेहि पावलयि छेरते फरक्याला लक्ते हति ढेला नाइसोङ, “येशु ख्रिष्टयि मिनला ख्योएला ङा हति मिने थोनयापयि आदेश तेरच्याइ।” तेहि हति ढेते हति भेलाला राङ हतिने थोन्सोङ।
19 हिन्नाङ हति ताक्पोतेबे हतिबे कमाइयि आशा माच्युङा थोङा राङ पावल राङ सिलासला सुङदे भजारयि चोकला आङकिङानतेबे तेहा ढुकिन राङ खेरसोङ।
20 तेहि हतिबाला भजारयि हाकिमतेबे तेहा ख्योरे नाइसोङ, “धि मितेबा यहुदि ना, धि मितेबे ङि भजारला घलघल क्याइसोङ।
21 धिबे धि च्वरा धि च्वरा लुलाम लोबिन्दु काङते हु रोमिला ग्रहण कियाप वा पालाना कियाप न्याय कियाप लायकयि माच्युङसोङ।”
22 तेहि मियि तुमतेबा ढिक्ते ख्युइ थोला लक्ते छेलतु लेप्सोङ। भजारयि हाकिमतेबे टिम्सोङ, राङ कोहिला रालदे टिम्सोङ, राङ हतिबाला पेरका क्यायापयि आदेश पिन्सोङ।
23 हतिबे खोला लेइराङ पेरका क्याप छारते च्येला हतिबाला झ्याल्ला च्युसोङ, राङ झ्याल्ला च्युसोङ, राङ ज्यालयि हाकिमला धि झ्यालयि हाकिमला कैदिबाला कडा मिता क्यापते भोरयाप आदेश पिन्सोङ।
24 धि च्वरा आदेश खुरे ख्युइ हतिबाला झ्यालयि नाङयि भागला हतिबे काङबाला ठिँगुरो क्यापते पोरसोङ।
25 हिन्नाङ छान फेना माला पावल राङ सिलास मोनलाम क्याकिन राङ कजसुबायि भजन लेनिन ताताता धु, राङ कैदितेबे सो ङ्यानिन त्येतु।
26 तेहि हो:प्तामेला साघुल छेया झि पुइसोङ, राङ झ्यालयि झतेबा घुलसोङ, राङ कोतेबा पोरो पेसोङ, राङ पोरोयि तातामातेबा पोरो पेसोङ।
27 झ्यालयि हाकिम मिलामने ङिसेसोङ राङ कोतेबा पेपिया थोङदे कैदितेबा पोरो टोइ छारते नोइबा च्युङदे ख्युइ रेँ राङला सो च्याइ नाइरे विचारयि रेँ तोरबालि तोनसोङ।
28 हिन्नाङ पावलयि क्ये छेयायि जु नेन राङ क्ये तोनसोङ, “ख्युइ ख्योए राङला च्याङ नोक्सानि माके, चिचालानाना ङे पोरो ङिहा राङ होतो।”
29 तेहि बत्ति लाँरे खो फारिन राङ नाङला लेप्सोङ, राङ झिटायि धारिन पावल राङ सिलासयि धुनला ताङला खोल्बु क्यापते त्येसोङ।
30 हतिबाला फिला ख्योरे ख्युइ नाइसोङ, “गुरुज्यु, थारथोनयापला ङाहि च्हि कि कोयिन?”
31 तेहि हतिबे नाइसोङ, “प्रभु येशु ख्रिष्टयि हिछे कि, राङ ख्योएला थारथोनयाप ना ख्योए राङ ख्युइ प्येरा।”
32 हतिबे खोला राङ ख्युइ खिमला होएता पोरोला प्रभुयि वचन स्येसोङ।
33 तेहि छाम्मुयि हति भेलाला राङ हतिबे खोला खेरते मा टुइसोङ। तेहि मो राङ मुइ प्येरायि हतितुइनाराङ बप्तिस्मा खेरसोङ।
34 हति च्येला हतिबाला खेरते हतिबे धुनला ङ्योपा खेरसोङ, राङ कजसुबाला हिछे क्याइसोङ नाङानयि ताम ख्युइ प्येरा पोरो ङ्याबो खो लेइराङ अन्नद च्युङसोङ।
35 हिन्नाङ साल्बो च्युङ छारते भजारयि हाकिमतेबा सिपाहितेबाला धि आदेश पिन्दे नाइसोङ, “हति मिबाला तोङ।”
36 तेहि झ्यालयि हाकिमयि पावलयि धि तामतेबा स्येसोङ, “भजारयि हाकिमतेबे खेला तोङयापयि आदेश पिन्सोङ। हतिचाला ता थोन्दे शान्ति ङ्याबो ढो।”
37 हिन्नाङ पावलयि हतिबाला नाइसोङ, “हु रोमि मितेबाला घोलो राङ मासोइबा हतिबे मितेबे धुनला क्यापसोङ, राङ झ्यालला याङ च्युसोङ, राङ ता ङेला फा:ला धोनिन्दु? धि हुवा मिधु। हतिबा सह राङ ङेला तोन्दे खेर।”
38 हति सिपाहिबे हाकिमतेबाला धि तामतेबा स्येसोङ। हतिबाता रोमियि मि हिना नाङान थोइरे हतिबा झिसोङ।
39 हतिबा लेप्ते हतिबा ङ्याबो माप ल्हँ, राङ हतिबाला फिला खेरसोङ राङ भजार ताङदे ढोयापयि स्युवा क्यापसोङ।
40 हतिबा झ्यालने फिला थोन्दे ढुइतुइना लिडियायि खिमला पुइसोङ, राङ भाइतेबा ङ्याबो ठे छारते च्येला हतिबाला समस्यु पिन्दे बिदा च्युङसोङ।