al-Zobur 36
Ebadot-bondegi forisaloḳor lagi: Mabudor bonda Hozrot Daudor mizmor.
1 Naformanor ḳarafir befare,
Mabudor kalam faise amar dile,
tarar sokut Allar ḍor-ḳof naire.
2 Tara nizor souke deḳe nizor bahaduri,
nizore ginnae na oforad ḳam ḳori.
3 Sol-soturi karafie bora tarar mukor ḳota,
aḳol ḳaṭai sola, nek kam taki roy horia.
4 Bisnat hutia tara ku-ḳamor danda ḳore,
bod ḳam na saṛia mondo fote sole.
5 Ogo Mabud tumar doya-mayae asman soilaise,
tumar hok-halali megor ḳalnit lagi gese.
6 Faṛ-forbotor laḳan usa forezgari tumar,
goin doriar laḳan tumar hok bisar,
Mabude-u basao to shob manush ar zanuar.
7 Ogo Alla tumar maya-momota moha mulloban,
adom zatie asroy fae tumar ḍaḳnar sayat.
8 Tumar goror don-samanae tarar feṭ bori zae,
tumar omrit fanie tarar tirash miṭae.
9 Tumar maze ase zindegi-fanir indara,
tumar nure-u to deki nur amra.
10 Tumare zara sine tarare tumi bilai deo tumar doya-maya,
shorol dilor manshe fae tumar maya-momota.
11 Ohonkari zone zanu fao na baṛae amar bae,
naformanor ate zanu amare na ḳedae.
12 Deḳrae ni naformani zetae ḳorse ita to leṭi gese,
uṭito farer na tara, falai disoin itare.