al-Zobur 2
1 Hokkol zatie ḳene ostir oia sillaira,
kior lagi manshe behuda fondi korer?
2 Zogotor bashsha oḳol bigṛi gelo,
raza oḳol ekkano dola oilo,
Mabudor birudde ar tan al-Mosir birudde.
3 Era dola oia ḳoilo, ao,
siṛia falai tarar ḍanḍa-beṛi,
tarar bandon kulia shadin boni.
4 Arshe-azimor kursit boia Mabude ashoin,
tain itare loia moshkora ḳoroin.
5 Tan gorom deḳaia befana lagaiba,
ar gusae aguin oia otare ḳoiba,
6 ami shoyong amar bashshare boail ḳorsi,
amar fobitro Sion faṛor ufre.
7 Ar hou bashshae ḳoira,
ami kali Mabudor ou hukum zanai,
tain amare ḳoisoin, tumi to amar fut,
aiz-u ami tumar bafor laḳan oilam.
8 Tumi amar gese sao,
saile zogotor hokkol zati tumar-u oibo,
duniar hesh matar doḳol-o faibae,
9 tumi luar laṭi dia itare bangibae,
maṭir fatilor laḳan surmar ḳorbae.
10 O raza oḳol, shoṭik aḳol ḳaṭao,
zogotor shashok oḳol, hushiar ro,
11 dilor ḍor-ḳofe Mabudor ebadot ḳoro,
ḳafi ḳafi
12 tan kudroti ḳodomo suma deo,
tain to sokur foloke gusae zolia uṭoin,
gusae tan gozob nazil ḳorle,
tumra maz-foto aḳta-u binash oibae.
Tara-u to boṛo ḳofali,
zera tan sayat asroy loin.