al-Zobur 121
Hojo zaora kafelar ḳaoali
1 Ami souk tulia faṛ-forbotor bae saimu,
amar shae-shaijjo kuai taki aibo?
2 Hou Mabudor ges taki-u amar shaijjo aibo,
zein asman-zomin foyda ḳorsoin.
3 Tumar faore tain fisla ḳaite dita nae,
tumar basaneala to gumaita nae.
4 Mono rakio, Boni Israilre zein basain,
tain gumaita nae, ungaita-o nae.
5 Mabud-u tumar hefazotḳari, tumar asroy saya,
tumar ḍain ato doria tain asoin ḳaṛa.
6 Dinor balae shuruze ar raitor balae sande,
kunutae-u tumar ḳeti korto nae.
7 Hokkol nomunar bifod taki Mabude-u basaiba,
tain-u tumar zanor hefazot ḳorba.
8 Tumar sola-firar shomoy goro-baire Mabude-u basaiba,
oḳon taki zuge zuge hor-hamesha.