al-Zobur 12
Ebadot-bondegi forisaloḳor lagi: shur ‘Sheminit’.
Hozrot Daudor mizmor.
1 O Mabud, zane basaukka, oḳon ar nai kunu ashik bonda,
adom zatir maze hok kunu zon tukaia miler na.
2 Forteḳe-u eḳe-oinne misa mat mate,
ḳali fam-foṭṭi mare ar munafiki kore.
3 O Mabud, fam-foṭṭi marra hokkol ṭuṭ ḳaṭia falao,
boṛai-beṭagiri deḳaorar zifra tumi kaṭilao.
4 Tara ḳoy, “Zitimu nichchit amrar zifrar bole,
ar ḳegu oibo saloḳdar nizor ṭuṭ taḳte?”
5 “Gorib-dukir zulum dekia ami Mabud ubaimu,
nirufayor dilor ḳandon ami nichchit hunimu.
Shay-shantie din ḳaṭaito zara dile-zane sae,
tarar asha ḳormu furon ami Allae.”
6 Mabudor zobano to kunu ḳad nai,
ḳosṭi-fattoro zela rufa oy zasai,
shatbaror aguindi saf ḳora rufa,
tan zoban ḳaṭi nikut-nikad ola.
7 O Mabud, tumi nichchoy amrar bae saibae,
ola manshor at taki siroḳal basaibae.
8 Naforman-bojjate zebla sairobaedi gure,
adom zatir maze obola ḳarafi ḳam baṛe.