al-Zobur 118
1 Allar shukria zanao, tain to bala,
siroḳal zari tan doya-maya.
2 Boni Israile ḳouk,
siroḳal zari tan doya-maya.
3 Harunor silsilae ḳouk,
siroḳal zari tan doya-maya.
4 Mabudor ashike ḳouk,
siroḳal zari tan doya-maya.
5 Mabudre ḍakilam ami foṛia bifodo,
tain uddar ḳori more nila kula moydano.
6 Mabud to amar fokke, ami ḍoraitam nae,
adome amar kita ḳorto?
7 Mabud amar fokke, tain-u amar shohae,
dushmonor behal dosha deḳaiba Allae.
8 Adomor ufre borosha ḳora taki,
Mabudor sayat asroy loa bala.
9 Boṛolukor ufre borosha ḳora taki,
Mabudor sayat asroy loa bala.
10 Hoḳol deshe mili berilisil amare,
Mabudor name ami shesh ḳorilisi tarare.
11 Hasau tara more berilisil sairobae,
Mabudor name ami shesh ḳorilisi tarare.
12 Bingulor falor laḳan amare berisil,
hukna bon-jonglar laḳan zolia uṭsil tara,
Mabudor name ami shesh ḳorilisi tarare.
13 Zure zure dakka marsil ami zanu foṛi zai,
oile Mabud-u amar shohae oila.
14 Mabud-u amar bol, amar kushir git,
amare basanir ufae tan ato nichchit.
15 Forezgaror goro goro zuddor zoyor gan,
Mabudor kudroti ate ḳorsoin azob ḳam.
16 Mabudor ḍain at ufre tulchoin tain,
Mabudor kudroti ate ḳorsoin azob ḳam.
17 Ami to mortam nae, zinda roimu,
Mabude zeta ḳorsoin hoḳolre zanaimu.
18 Mabude amare ḳoṭin shaza disoin,
oile moronor ato more nahi shofisoin.
19 Amar lagi kulia deo Allar goror duar,
bitre hamaia shukria Mabudor zanai.
20 Ita to shoyong Mabudor duar,
ḳali forezgar oḳol ono hamae.
21 Tumar shukria zanai amar abdar hunae,
tumar ato-u nichchit amare basanir ufae.
22 Beḳama ḳoia falai disil raz mestorinte ze fattor,
oḳṭa dia-u ian kuṭi oilo tan goror.
23 Mabud nize-u i kam ḳoraila,
dekia to amrar taijjubi lager.
24 Iṭa to hou din Mabudor banail din,
ao kushi kori furti kori shobe ou din.
25 Minoti kori go Mabud basao amrare,
minoti kori tumi kamiab ḳoro amrare.
26 Mabudor name zein aira tan tarif ouk,
Mabudor goro taki koi tumrar ufre borkot lamouk.
27 Alla-u to Mabud, amrare disoin nur,
idor kurbanir foshu doṛidi bandia ano,
kurbani kanar hing oḳol-o ogu bandia raḳo.
28 Tumi-u amar Alla, tumar shukria zanai,
tumi-u amar Alla, tumar gunogan gai.
29 Allar shukria zanao, tain-u to bala,
siroḳal zari tan doya-maya.