2
श्येत फाल्चा माल्नीम
1 आं तौ, गे ख्रीस्त येसुमी बाक्शो शिशी मिम्शा, बोल्यो दुम्शा बाक्को। एफिसी ६:१०
2 गो शुश मुर आन ङोंइती इ कली नेंपाइश्शो लोव़ रिम्शो थमा सुइक्ब आन कली शेंदीमी। मेकोपुकीमी यो अरु आन कली शेंने चाप्नीम।
3 ख्रीस्त येसु आ रिम्शो सिपाही खोदेंशो दुम्शा, श्येत फलो। २तिमोथी १:८; २तिमोथी ४:५
4 लडाइ पाइब सिपाहीपुकीमी खिं ङा गेय मपाइनीम। मारदे हना आन ठेयब मुरपुकीम देंशो ला पाइनीमी।
5 दोरतीक दोरबमी हेंथे पा दोरत हना, ग्राने मचाप्ब। २तिमोथी ४:८; १कोरिन्थी ९:२४-२७
6 सुमी रूम शुश गेय पाइबा, मेको आ बाली नाली आ ङोंइती ङा जाइब दुम्चा माल्ब।
7 आं देंशो नेल्ल मिम्तो। मारदे हना प्रभुमी नेल्ल कली रुप्तीक थुं गेब।
8 येसु ख्रीस्त कली मिम्तो। मेको दाऊद आ खिं रे जाक्शा, बेक्शो रे सेंसाक्व। आं शेंशो ग्येरपाइक्ब लोव़ मेकोन बाक्ब। १कोरिन्थी १५:४,२०; रोमी १:३
9 मेको ग्येरपाइक्ब लोव़ शेंतीके, गो मरिम्शो पाइब खोदेंशो पा साङलोम पाइक्चा पुंइसीशा श्येत जाइनुङ। तन्न परमप्रभु यावे आ लोव़ दा मपांइसीशो बाक्ब। फिलिप्पी १:१२-१४
10 मोपतीके गो योव़शो मुर आन कली मिम्शा, श्येत नेल्ल फाल्नुङ। मोपा मेकोपुकीमी ख्रीस्त येसुमी पाप रे प्रोंइशो दुम्शा, गेना हना यो परमप्रभु यावे आ छेङछेङमी ब्रोंइशा बाक्चा तामेक्ल। कलस्सी १:२४
11 मुरुमी मेको लोव़ कली थमा सुइक्ने चाप्नीम “गोपुकी मेको नु बेक्तय हना यो, मेको नु ब्रोंइनय। २कोरिन्थी ४:११
12 गोपुकीमी श्येत फाल्तय हना, मेको नु हुकुम पाइनय। गोपुकीमी ‘मेको कली मतुइक्नुङ’ देंतय हना, मेकोमी यो ‘मतुइक्नुङ’ देंब। मत्ती १०:३३
13 गोपुकीमी थमा सुइक्चा प्रोंइतय हना यो, मेकोमी मप्रोंइब। मारदे हना ‘गो परमप्रभु यावे आ तौ मनङ’ देंने मचाप्ब” देंत। गन्ती २३:१९; भजन संग्रह ८९:३१-३४; रोमी ३:३-४; तीतस १:२
मजिचा दे शेंशो
14 एको लोव़ मेको आन कली फ्रुक्पाइक्मी। परमप्रभु यावे आ ङोंइती मेको आन कली “लोव़ आ पर्बम मजिने” दे माइक्मी। मारदे हना मेको मरिम्शो दुम्ब, नेंबपुकी यो वाम ग्याम दुम्नीम। १तिमोथी ६:४; तीतस ३:९
15 गे परमप्रभु यावे आ ङोंइती रिम्शो गेय पाइब दुम्चा कली बल पावो। थमा शेंतीके रिम्शो पा शेंचा कली काइ मुने पचा ममाल्नेवे। १तिमोथी ४:६; तीतस २:७-८
16 जाम्शा लाइब लोव़ पाइब रे ङोन बाक्को। मारदे हना मेकोपुकीमी मुर आन कली परमप्रभु यावे रे ङोन दुम्पाइक्नीम। १तिमोथी ४:७
17 मेको आन लोव़ राक्शो गार खोदेंशो बाक्ब। हीमेनेयस नु फिलेतस मेको आन दातेमी बाक्नीस। १तिमोथी १:२०
18 मेको निक्शीमी थमा शेंतीक प्रोंइशा, मुर आन सेंचा नुप्शो बाक्त दे शेंनीस। मोपा का निक्शी आन थमा सुइक्तीके बेक्पाइक्ताक्से।
19 तन्न परमप्रभु यावे आ थमा शेंतीके मब्रेत्चा ङा जग खोदेंशो बाक्ब। प्रभुमी आ मुर आन कली तुइक्ब। मिनु प्रभु कली तुइक्ब मुरपुकी मरिम्शो पचा रे ङोन बाक्चा माल्नीम। मेको थोव़शो छाप खोदेंशो बाक्ब। गन्ती १६:५; मत्ती ७:२२-२३; यूहन्ना १०:१४,२७
20 ठेयब खिंमी सुन नु चांदी के बोसपुकी ला ममाइ, तन्न शी नु खप के यो बाक्नीम। का निक्शी रिम्शो गेय कली बाक्नीम, का निक्शी मरिम्शो गेय कली बाक्नीम।
21 सु आ मरिम्शो पशो शोव़शा माफ ताइबा, मेको रिम्शो गेय ङा बोस खोदेंशो दुम्ब। आ होव़प कली जिम्मा गेंसीशो नु मेको रिम्शो गेय पचा कली रिम्शो बाक्ब।
22 ठिटी ठिटा आन दला दाक्स रे ङोन बाक्को। रिम्शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्चा, दाक्चा नु थुं नाइक्चा ला मिम्तो। १तिमोथी ४:१२; १तिमोथी ६:११; हिब्रू १२:१४
23 हिक्सी मङाम्शो लोव़ पाइब नु काम मलाप्चा ङा लोव़ पा जितीके रे ङोन बाक्को। मेको जिचा पोक्ब ला बाक्नीम दे तुइक्नेवे। १तिमोथी ४:७
24 प्रभु आ गेय पाइबमी जिचा मदुम्ब। नेल्ल आन कली रिम्शो पाइब दुम्चा माल्ब। रुप्पाइश्शा शेंबमी मुर आन मरिम्शो पतीके फाल्चा माल्ब। तीतस १:७-९
25 जिचा पोक्ब आन कली रिम्शो लोव़मी ठीक सेल्चा माल्ब। परमप्रभु यावेमी मेको आन कली आ गे लेप्पाइश्शा, थमा शेंतीके तुइक्पाइक्ब कों?
26 सैतानमी मेको आन कली ग्याइश्शा, आ दाक्शो पपदानु, मेको रे प्रोक्मल।