15
सु परमप्रभु नु बाक्ने चाप्बा ङा?
दाऊद आ कुम्सो। भजन संग्रह २४:२-६; यसैया ३३:१४-१६
1 परमप्रभु यावे, इन बाक्तीकेमी सु बाक्ने चाप्बा ङा? इन डांडाम सु बाक्चा ताइबा ङा? उपदेसक ४:१७
2 सुमी रिम्शो पना पन बाक्शा, ठीक गेय ला पाइबा नु आ थुं नेल्लेमी थमा लोव़ ला पाइबा,
3 सुमी अरु आन लोव़ मपाइबा, आ नेक्था ङा मुर आन कली काइ मरिम्शो मपथु, शुक्शी मपाइबा,
4 सुमी परमप्रभु आ अरेशो मटीब आन कली महिक्थु, परमप्रभु यावे कली मान पा हिंब आन कली चहिं हिक्ना हिक्न बाक्बा, कसम जशा, श्येत दुम्मेनु यो, आ कसम जशो मप्रोंइथु बाक्बा,
5 सुमी क्येट जेर गेशा, चाइक्ब मताक्बा, सुमी दोस मताइब कली श्येत गेचा कली घूस मजाइबा, मोदेंशो मुर गेना हना यो महिम्सीथु, परमप्रभु यावे आ बाक्तीकेम बाक्चा ताइब। प्रस्थान २२:२४; ब्यवस्था २३:२०-२१