122
यरूसलेम आ पर्बम पुंइशो
लां ङा कुम्सो। दाऊद आ कुम्सो।
1 मेकोपुकीमी आं कली “परमप्रभु यावे आ खिं लय” देंतेक्म। मिनु गो ग्येरसाक्यी। भजन संग्रह २६:८; इजीकीएल ४८:३५
2 गोपुकीमी “यरूसलेम, इ ठेयब लाप्चोपुकीमी राप्शो बाक्नीकी” देंतक।
3 यरूसलेम रिम्शो पा सेल्शो सहर बाक्ब। मेकेर खिं नेक्नेक्था बाक्नीम।
4 मिनु इस्राएल आ थर थर ङा मुरपुकी परमप्रभु यावे आ मुर दुम्तीके मेकेर लाइनीम। परमप्रभु यावेमी इस्राएली आन कली दोपा अरेवा, मोपा मेकोपुकीमी मेकेर लशा “गे रिम्शो पाइब बाक्नीनी” दे आ नें ठेयब सेल्नीम।
5 मेकेर निसाफ पाइब आन नित्तीक बाक्नीम। मेकेर दाऊद आ चच युइ आन नित्तीके बाक्नीम।
6 यरूसलेम कली “रिम्शो दुम्ल” दे आसीक गेने। मिनु “यरूसलेम, इ कली दाक्बपुकी रिम्शो दुम्मल। जकरिया ४:७
7 इ गारो आगामी थुं नाइश्शा बाक्तीक दुम्ल। इ गारो ङा लाइश्शो खिंमी मारेइ श्येत मदुम्ल” देनीन।
8 मिनु गो आं लोक्ब नु आं वारच आन पर्बम “इ आगामी थुं नाइश्शा बाक्तीक दुम्ल।
9 मिनु परमप्रभु यावे, आंइ परमप्रभु आ खिं आ पर्बम इन कली रिम्शो दुम्शो तचा दाक्नुङ” देंती।