12
मरिम्शो पाइब आन पर्बम लोव़
कुम्सो पपाइक्ब कली ८ ओटा तार पाइश्शो ताप्तीके ताप्शा पतीके दाऊद आ कुम्सो।
1 परमप्रभु यावे, वारच पाइक्की। इन लां खोइक्ब जाम्शा लाम्तेक्म। मुर आन दातेमी इन कली थमा सुइक्बपुकी यो मबाक्नीम।
2 नेल्लेमी आन नेक्था ङा मुर नु जोल ला पमुइनीम। चिप्लो लोव़ पाइब थुं निक्शी पाइश्शो ला बाक्नीम।
3 परमप्रभु यावेमी, मिलो शिलो पाइब नु ठेयब लेश्शो लोव़ पाइब नेल्ल आन कली क्याम्दल।
4 मोदेंशो ठेयब लेश्शो लोव़ पाइबपुकीमी “आंइ लोव़मीन ग्रानीकी। गो जोक्ब तुइक्ब बाक्नीकी। आंइ प्रभु सु बाक्बा ङा?” देंनीम। भजन संग्रह ७३:८-९; अय्युब २१:१४-१५
5 परमप्रभु यावेमी “गो प्रुङग आन कली दिप्शो ताता। श्येत जाइब आन ङाक्शो नेंता। मोपतीके गो मुल बोक्नुङ, मेको आन कली श्येत मजतीकेम वोइक्नुङ” देंब।
6 परमप्रभु यावे आ लोव़ थमा बाक्ब। मेको ७ खेयप यपाइश्शो क्येख चांदी खोदेंशो बाक्ब।
7 परमप्रभु यावे, गे इन मुर आन कली कोव़शा, आंइ कली मरिम्शो पाला ङा मुर रे प्रोंइकी।
8 मारदे हना मुर आन दातेमी इन अरेशो मपाइब शुश दुम्शा, मरिम्शो पाइबपुकी तेइ तेइ ब्रशो बाक्नीम।