114
इस्राएलीपुकी इजीप्त रे ब्रोंइशो
1 इस्राएली इजीप्त रे ब्रोंइशा जाक्मानु, याकूब आ खिं ङा मुर अर्को जात ङा लोव़ ब्वाक्तीक रे ग्रूशा जाक्मानु, प्रस्थान १२:४१
2 यहूदा परमप्रभु आ बाक्तीक नु इस्राएल आ राज्य दुम्त।
3 मोदेंशो दुम्शो तशा समुन्द्र प्रोक्त। यर्दन खोला दूली पा शाइक्त। प्रस्थान १४:२१-२२; यहोसु ३:१३,१६
4 डांडा बोका खोदेंशो पा प्रेक्तेक्म। पहाड भेडा खोदेंशो पा प्रेक्तेक्म।
5 समुन्द्र, गे मारदे प्रोक्ङे? यर्दन खोला, मारदे दूली गे शांइसे? यहोसु ४:२३-२४
6 डांडा गे मारदे बोका खोदेंशो पा प्रेक्नी? पहाड गे मारदे भेडा खोदेंशो पा प्रेक्नी?
7 रागी, परमप्रभु आ ङोंइती ख्रिंख्रि पावो। याकूब आ परमप्रभु आ ङोंइती ख्रिंख्रि पावो। प्रस्थान १९:१८
8 मेकोमी सेरथे फुल्लु कली फाइश्शा, ब्वाक्कु देम्तीके सेल्तु। मिनु शेराल फुल्लु फाइश्शा, ब्वाक्कु बुक्तीके सेल्तु। प्रस्थान १७:६