52
دّ حَاشِ
عَلَ شَ سّرِيّ
1 دَوُدَ شَ لْننِ بّيتِ بّيتِبَيٍ شَ مَنفّ بّ.
2 مَسٍنيِ نَن يَ دٌوٍفٍ عٍدٌنكَ شَ قٍ رَ، نَشَن عَ قَلَ سْلُ بّ عَ دَوُدَ نَ عَشِمٍلٍكِ شْنيِ.
3 عِ عِ يّتّ عِفبٌمَ قٍ كٌبِ رَبَقٍ رَ مُنقٍ رَ؟
عَلَ شَ هِننّ بُمَ نّ عَبَدَن.
4 عِ دّ لُمَ عَلْ قِنّ نَشَن قٍ حَاشِ رَبَمَ.
يَنقَنتٍ نَن عِ رَ.
5 قٍ حَاشِ رَقَن عِ مَ دَنفِقٍ قٍ قَنيِ رَ.
وُلٍ رَقَن عِ مَ دَنفِقٍ نْندِ رَ.
حّنفِ رَتٍ.
6 عِ وْيّن شُي شَاحّ، عِ دّ مُ قَن.
7 نَ كُي عَلَ قَمَ عِ رَهَلَكِدٍ تّمُي بِرِن.
عَ عِ سُشُمَ نّ، عَ عِ كٍرِ عِ شَ بَنشِ كُي، عَ عِ كٍرِ دُنِحَ مَ.
حّنفِ رَتٍ.
8 تِنشِنتْي نَشٍيٍ قِندِ مَ سٍيدٍيٍ رَ
عٍ قَمَ يٍلٍدٍ نَ كَنيِ مَ يِ كِ نّ،
9 «وٌ نَ مِشِ مَتٌ،
نَشَن مُ نُ عَ شَشِلِ تِشِ عَلَ رَ.
عَ نَشَ لَ عَ شَ نَاقُلِ رَ،
عَ عَ يّتّ كَنتَ عَ شَ يَنقَنتٍيَ رَ.
10 كْنْ، ﭑ تَن نَشَن لَشِ عَلَ شَ هِننّ رَ،
ﭑ مَ قٍ بِرِن نَ سْونّيَقٍ
عَلْ عٌلِوِ وُرِ تٌقَنيِ نَشَن نَ عَلَ شْنيِ.»
11 ﭑ عِ تَنتُمَ نّ عَبَدَن عِ شَ وَلِ شَ قٍ رَ.
ﭑ شَشِلِ تِشِ عِ شِلِ قَنيِ نَن نَ عِ شَ دَنشَنِيَتْييٍ تَفِ،
بَرِ مَ عِ قَن.