1 عٍلِيَ تِسِبٍكَ، نَشَن قِندِ فَلَدِ بْشِ مِشِ ندٍ رَ نَشَ عَ قَلَ مَنفّ عَكَبُ بّ، «ﭑ شَ عَ قَلَ عِ بّ عِسِرَيِلَ مَرِفِ عَلَتَلَ شِلِ رَ، ﭑ نَشَن نَبَتُمَ، تٌوقَرٍ تُنّ نُن شِنِ يٌ مُ قَمَ، قٌ ﭑ عَلَ مَشَندِ.» 2 عَلَتَلَ يِ نَن مَسٍن عَننَبِ عٍلِيَ بّ، 3 عَ نَشّ، «كٍلِ بٍ، عِ شَ سِفَ سٌفٍتٍدٍ بِرِ رَ، عِ سَ عِ نْشُن كٍرِتِ شُرٍ يِرٍ. 4 عِ شُرٍ يٍ نَن مِنمَ، ﭑ دٌنسٍ رَ سَنبَمَ نّ عِ مَ شَشَيٍ سَابُي رَ.»

5 عَ نَشَ سِفَ، عَ عَ رَبَ عَلْ عَلَتَلَ عَ قَلَ عَ بّ كِ نَشّ، عَ سَ سَبَتِ كٍرِتِ شُرٍ يِرٍ يُرُدّن سٌفٍتٍدٍ بِرِ. 6 شَشَيٍ نُ قَمَ تَامِ نُن سُبٍ رَ عَ شْن مَ فّيسّفّ نُن نُنمَرٍ. عَ نُ شُرٍ يٍ نَن مِنمَ. 7 كْنْ تّمُي ندٍ تٌ دَنفِ، نَ شُرٍ نَشَ شْرِ، بَرِ مَ تُنّ مُ نُ قَمَ نَ بْشِ مَ نَ وَشَتِ.

8 نَ تّمُي عَلَتَلَ نَشَ عَ مَسٍن عَ بّ، عَ نَشّ، 9 «كٍلِ، عِ شَ سِفَ سَرٍثٍتَ نَشَن نَ سِدْن بْشِ مَ. عِ شَ لُ نَا. ﭑ بَرَ يَامَرِ قِ كَاحّ فِنّ ندٍ مَ، عَ شَ عِ بَلٌ.» 10 عَ نَشَ كٍلِ، عَ سِفَ سَرٍثٍتَ. عَ تٌ سٌ نَ تَا كُي، عَ نَشَ كَاحّ فِنّ ندٍ تٌ، عَ يٍفٍ مَتٌنفٌقٍ. عَ نَشَ نَ فِنّ شِلِ، عَ عَ قَلَ عَ بّ، «يَندِ، ﭑ كِ يٍ رَ ﭑ شَ عَ مِن.» 11 فِنّ تٌ نُ سِفَقٍ يٍ قْشْ رَ عَ بّ، عَ مَن نَشَ عَ شِلِ، عَ عَ قَلَ عَ بّ، «يَندِ، عِ شَ قَ تَامِ شُنتُنيِ قَن نَ ﭑ بّ.»

12 فِنّ نَشَ عَ يَابِ، «ﭑ شَ عَ قَلَ عِ بّ عِ مَرِفِ عَلَتَلَ شِلِ رَ، تَامِ يٌ مُ نَ ﭑ يِ رَ، قٌ قَرِن ثْوتِ يَ كٍرٍن، عَ نُن تُرٍ دٌندٌرٌنتِ كُندِ كُي. ﭑ نَ يٍفٍ دِ مَتٌنفٌقٍ نَ نَن مَ، ﭑ شَ سَ نَ يَءِلَن ﭑ تَن نُن ﭑ مَ دِ بّ. مُشُ نَ فّ نَ دٌندٍ، مُشُ قَمَ قَشَدٍ نّ.»

13 عٍلِيَ نَشَ عَ قَلَ عَ بّ، «هَلِ عِ مُ فَاشُ، سَ عَ رَبَ عَلْ ﭑ عَ قَلَشِ عِ بّ كِ نَشّ. كْنْ عِ نَشَن نَبَمَ، عِ شَ ﭑ مَ تَامِ نَن سِنفٍ يَءِلَن، عِ قَ عَ رَ. نَ دَنفِ شَنبِ، عِ شَ عِ فبٍ نُن عِ شَ دِ فبٍ يَءِلَن. 14 عِسِرَيِلَ مَرِفِ عَلَتَلَ عَ مَسٍن نّ، ‹قَرِن مُ حْنمَ ثْوتِ كُي، تُرٍ مُ حْنمَ كُندِ كُي، بٍينُن عَلَتَلَ تُنّ رَقَمَ بْشِ مَ تّمُي نَشّ.›»

15 نَ كُي فِنّ نَشَ سِفَ، عَ عَ رَبَ عَلْ عَلَتَلَ عَ يَمَرِشِ كِ نَشّ عَننَبِ عٍلِيَ سَابُي رَ. نَ وَشَتِ بُن مَ بَلٌي نُ نَ عَ تَن، عَ شَ دِ، نُن عَننَبِ عٍلِيَ يِ. 16 قَرِن مُ نُ حْنمَ ثْوتِ كُي، تُرٍ مُ نُ حْنمَ كُندِ كُي عَلْ عَلَتَلَ عَ مَسٍن كِ نَشّ عَننَبِ عٍلِيَ سَابُي رَ.

17 نَ قٍيٍ تٌ دَنفِ، نَ كَاحّ فِنّ شَ دِ نَشَ قُرَ. نَ قُرٍ سّنبّ نَشَ فبٌ، هَن عَ حّنفِ نَشَ حْن عَ قَتٍ عِ. 18 فِنّ نَشَ عَ قَلَ عَننَبِ عٍلِيَ بّ، «مُنسٍ نَ وٌن تَفِ، عِ تَن عَلَ شَ مِشِ؟ عِ قَشِ نّ ﭑ شْنيِ عِ شَ قَ ﭑ نَتُ ﭑ مَ يُنُبِيٍ رَ، عِ مَن شَ ﭑ مَ دِ قَشَ؟» 19 عٍلِيَ نَشَ عَ يَابِ، «عِ شَ دِ سٌ ﭑ يِ رَ.» عَ نَشَ دِ مّدِ تٌنفٌ عَ نفَ يِ رَ، عَ عَ شَنِن عَ شَ كٌنكٌي كُي نَشَن نُ نَ بَنشِ كُي كٌورٍ كْن نَ. عَ تٌ عَ سَ سَدٍ مَ، 20 عَ نَشَ عَلَتَلَ مَشَندِ عَ بّ، عَ نَشّ، «ﭑ مَرِفِ عَلَتَلَ، عِ وَ مَ ﭑ يَتِفِ كَاحّ فِنّ تْورْقٍ يِ كِ نّ، عَ شَ دِ شَ قَشَ؟» 21 عَ نَشَ عَ يّتّ عِتَلَ دِ مّدِ قَتٍ قَرِ سَنيَ سَشَن، عَ عَلَتَلَ مَشَندِ مَ عَ قَلَقٍ رَ، «ﭑ مَرِفِ عَلَتَلَ، ﭑ بَرَ عِ مَشَندِ، عِ شَ يِ دِ حّنفِ رَفبِلٍن عَ قَتٍ عِ.» 22 عَلَتَلَ نَشَ عَننَبِ عٍلِيَ شَ مَشَندِ سُشُ، دِ مّدِ حّنفِ نَشَ فبِلٍن عَ قَتٍ عِ. 23 عٍلِيَ نَشَ عَ تٌنفٌ، عَ فٌرٌ عَ رَ عَ نفَ شْن، عَ عَ قَلَ عَ بّ، «عِ شَ دِ مَتٌ، عَ كِسِشِ.» 24 فِنّ نَشَ عَ قَلَ عٍلِيَ بّ، «يَكْسِ ﭑ بَرَ عَ كٌلٌن عَ عَلَ شَ مِشِ نَن عِ رَ، نَشَن عَلَتَلَ شَ مَسٍنيِ تِنشِنشِ مَسٍنمَ.»