عِسِرَيِلَكَيٍ شَ تَرُشُي سّبّشِ كِتَابُي فبٍفبٍ نَن كُي. عَ قْلْمَ تَوُرٍتَ مُنسَ نَن مَ. عِسِرَيِلَ كُنتِفِيٍ، عَننَبِ عِبُرَهِمَ، عَننَبِ عِسِيَفَ، عَننَبِ يَشُبَ، نُن عَ شَ دِ قُ نُن قِرِنيِيٍ، عٍ بِرِن شَ تَرُشُي تٌمَ تَوُرٍتَ مُنسَ كِتَابُي سِنفٍ نَن كُي، نَشَن شِلِ «قٍ قْلْ قْلّ.» نَ كِتَابُي رَحْنيِ عَ مَسٍنمَ وٌن بّ عِسِرَيِلَكَيٍ مِسِرَ بْشِ لِ كِ نَشّ.

تَوُرٍتَ مُنسَ كِتَابُي قِرِن ندٍ، نَشَن شِلِ «عِسِرَيِلَكَيٍ شَ يّتّ سْتْي،» عَ قْلْمَ عَننَبِ مُنسَ شَ تَرُشُي نَن مَ. عَلَ نَشَ عَ رَفِرِ عَ شَ بَرِ مِسِرَ بْشِ مَ، عَلَكٌ عَ شَ عِسِرَيِلَ حَمَ رَ مِنِ كٌنيِيَ كُي.

عِسِرَيِلَكَيٍ تٌ شُلُنيُمِ بَا عِفِرِ عَلَ شَ كَابَنَكٌي سَابُي رَ، عٍ نَشَ سٌ فبٍنفبٍرٍنيِ مَ. عَلَ نُ وَ مَ عٍ شَنِنقٍ كَنَان بْشِ نَن مَ، عَ دّننَشّ لَايِدِ قِقٍ رَ عِسِرَيِلَكَيٍ مَ. تَوُرٍتَ مُنسَ كِتَابُي سَشَن ندٍ، عَ نَانِ ندٍ، نُن عَ سُولِ ندٍ نَ بِيَاسِ شَ قٍ مَسٍنمَ. عِسِرَيِلَ حَمَ نَشَ بُ فبٍنفبٍرٍنيِ مَ حّ تٌنفٌ نَانِ بٍينُن عٍ شَ كَنَان بْشِ لِ. عٍ بُ نَا عٍ شَ دَنشَنِيَتَرٍحَ نَن مَ قٍ رَ.

عٍ تٌ كٍلِ يُرُدّن شُرٍ عِفِرِدٍ، عٍ شَ سٌ كَنَان بْشِ مَ، عَلَتَلَ نَشَ عَ مَسٍن عِسِرَيِلَكَيٍ بّ عَ يٌسُوٍ شَ قِندِ عٍ شَ يَرٍرَتِ رَ عَننَبِ مُنسَ حْشْي رَ. عَننَبِ يٌسُوٍ نَشَ عٍ رَفِرِ يُرُدّن شُرٍ رَ عَلَ شَ كَابَنَكٌي رَ، عَلْ عَننَبِ مُنسَ عٍ رَفِرِ شُلُنيُمِ بَا رَ كِ نَشّ.

نَ دَنفِ شَنبِ، يٌسُوٍ نَشَ عٍ شُن تِ كَنَان بْشِ رَ، عٍ شَ فٍرٍ سٌ عَلَكٌ عٍ شَ نَ بْشِ سْتْ. عَلَ نُ وَ مَ نَ قِقٍ عٍ مَ عَ شَ شَنُنتٍيَ نُن عَ شَ سَاتّ نَن مَ قٍ رَ. نَ كُي، عَ نَشَ عٍ مَلِ نَ فٍرٍيٍ كُي، هَن كَنَانكَيٍ بِرِن نَشَ فَاشُ عٍ يَ رَ. عِسِرَيِلَ بْنسْي قُ نُن قِرِنيِ بِرِن نَشَ عٍ فبٍ بْشِ سْتْ عَلَ نَشَن قِ عٍ مَ عٍ كّ رَ.

نَ تَرُشُي بِرِن سّبّشِ يِ كِتَابُي كُي، كٍلِقٍ حَمَ يُرُدّن عِفِرِ تّمُي نَشّ، هَن عٍ نَشَ نْ كَنَان بْشِ بِرِن نَ. نَ كُي وٌن عَلَ سّنبّ تٌمَ نّ عَ قَنيِ رَ. عَ شَ حَمَ رَقَن عَ مَ. عَ لَايِدِ يٌ تٌنفٌ عٍ بّ، عَ نَ رَكَمَلِمَ نّ سّنبّ نُن شَنُنتٍيَ رَ. نَ بِرِن قِندِ مَ مِسَالِ قَنيِ نَن نَ وٌن بّ. شَ وٌن قَن قِندِ عَلَ شَ مِشِيٍ رَ، عَ وٌن مَلِمَ وٌن مَ دُنِحّءِفِرِ كُي عَ سّنبّ رَ، عَلْ عَ عَ لَايِدِ وٌن بّ كِ نَشّ.

عَلَ شَ وٌن مَلِ عَلَكٌ وٌن شَ نَ مَسٍنيِ قَهَامُ، وٌن مَن شَ لَ عَ رَ. عَمِنَ.