1 ﭑ تَن ثْلُ، ﭑ وَ مَ وٌ رَ سِقٍ عَلَ شَ مِشِ سُفَندِشِ شَ دِحّ نُن عَ شَ قَنيِ نَن سَابُي رَ. وٌ نَشّ عَ ﭑ سّنبّ مُ فبٌ ﭑ نَ وٌ يَ مَ تّمُي نَشّ، قٌ ﭑ نَ مَكُيَ وٌ رَ، ﭑ قَ وْيّن شْرْشْي قَلَ وٌ بّ. 2 ﭑ بَرَ وٌ مَيَندِ، وٌ نَشَ عَ نِيَ ﭑ مَ وْيّنيِ شَ شْرْشْ ﭑ قَ تّمُي وٌ يِرٍ. ندٍيٍ حْشْ عَ مَ مُشُ نَ حّرّقٍ عَدَ مَ كِ نَن تُن مَ. ﭑ وْيّنمَ عَ شْرْشْي رَ نَ مِشِيٍ نَن بّ.

3 عَدَ مَدِ نَن مُشُ رَ، كْنْ مُشُ مُ فٍرٍ سٌمَ عَدَ مَ كِ شَ مَ. 4 مُشُ مُ فٍرٍ سٌمَ عَدَ مَدِ شَ فٍرٍ سٌسٍيٍ شَ رَ. مُشُ فٍرٍ سٌمَ عَلَ شَ فٍرٍ سٌسٍيٍ نَن نَ نَشٍيٍ نْمَ سٍنتَنّ سّنبّيٍ كَنَدٍ. مُشُ مَحْشُنيِ بِرِن شُن نَكَنَمَ نّ 5 نَشَن عَلَ شَ قٍ كٌلٌنيِ مَتَندِ مَ يّتّ عِفبٌحَ كُي. مَحْشُنيِ بِرِن شَ لُ عَلَ شَ مِشِ سُفَندِشِ شَ يَامَرِ بُن مَ. 6 وٌ نَ وٌ شَ بَتُي رَكَمَلِ، نَشَن نَ تٌندِ نَ رَ، مُشُ قَمَ نّ نَ كَنيِ حَشَنكَتَدٍ.

7 وٌ شَ نَ قٍ مَتٌ عَ قَنيِ رَ. شَ مِشِ لَ عَ رَ عَ قِندِشِ عَلَ شَ مِشِ سُفَندِشِ نَن فبٍ رَ، عَ شَ عَ كٌلٌن مُشُ تَن قَن نَ نَ كِ نّ. 8 ﭑ مُ يَافِمَ وْيّنيِ شُنفبٍ قَلَقٍ رَ وٌ بّ مَرِفِ شَ يَامَرِ شَ قٍ رَ، عَ نَشَن قِشِ ﭑ مَ عَلَكٌ ﭑ شَ وٌ مَلِ سّنبّ سْتْدٍ. عَ مُ ﭑ شّيشِ وٌ شُن نَكَنَدٍ شّ. 9 ﭑ مُ قِندِشِ مِشِ شَ رَ نَشَن نْمَ وٌ مَفَاشُدٍ ﭑ مَ سّبّلِ رَ، عَلْ وٌ عَ مَحْشُنشِ كِ نَشّ. 10 ندٍيٍ عَ قَلَمَ، «عَ شَ بَتَاشّيٍ سّنبّ فبٌ، عٍ شْرْشْ، كْنْ عَ فُندِ يَتِ نَ قَ، عَ سّنبّ مُ فبٌ، عَ شَ مَسٍنيِ يُسِ يٌ مُ نَ.» 11 نَ كَنيِيٍ شَ عَ كٌلٌن مُشُ نَشَن قَلَمَ مُشُ شَ بَتَاشّيٍ كُي، مُشُ قَمَ نّ نَ بِرِن نَكَمَلِدٍ مُشُ قَ تّمُي.

12 مُشُ مُ سُو سَمَ مُشُ يّتّ مِسَالِدٍ يّتّ عِفبٌي رَ. مُشُ مُ وَ مَ مُشُ يّتّ مَنِيَقٍ عٍ رَ. عٍ نَ عٍ يّتّ عِفبٌ عٍ يّتّ شَ مَحْشُنيِ رَ، عٍ بَرَ فّ عٍ شَ لْننِتَرٍحَ مَسٍندٍ. 13 مُشُ مُ وَ مَ مُشُ يّتّ شَ قٍ قَلَقٍ هَن ثٌن! عَلَ يَامَرِ نَشَن قِشِ مُشُ مَ مِشِيٍ بّ مُشُ نَشٍيٍ شَرَنمَ، مُشُ نَ نَن قَلَمَ وٌ بّ. 14 عَ مُ لُشِ عَلْ مُشُ مُ سِفَ وٌ يِرٍ. مُشُ سِنفٍ نَن وٌ لِشِ عَلَ شَ مِشِ سُفَندِشِ شَ شِبَارُ قَنيِ رَ. 15 مُشُ مُ مَتْشْي قٍنمَ هَن عَ دَنفِ عَ عِ مِشِ فبّتّيٍ شَ وَلِيٍ شَ قٍ رَ، قٌ وَلِ نَشَن سٌشِ مُشُ تَن يِ رَ. مُشُ وَ مَ نَشَن شْن، وٌ شَ دَنشَنِيَ شُن شَ مَسَ، مُشُ شَ وَلِ شَ فبٌ وٌ يَ مَ. 16 نَ كِ مُشُ نْمَ نّ عَلَ شَ شِبَارُ قَنيِ مَسٍندٍ يِرٍ فبّتّ نَشٍيٍ دَنفِ وٌ رَ. مُشُ مُ مَتْشْي قٍنمَ مِشِ فبّتّيٍ شَ وَلِ قْشِيٍ رَ. 17 شَ مِشِ وَ عَ يّتّ مَتْشْقٍ، مَرِفِ وَلِ نَشَن نَبَشِ عَ شَ دُنِحّءِفِرِ كُي، عَ شَ عَ يّتّ مَتْشْ مَرِفِ شَ قٍ نّ عِ. 18 بَرِ مَ يّتّ مَتْشْي شَ مُ رَقَن مَرِفِ مَ، قٌ مَرِفِ يّتّ نَشَن مَتْشْمَ.