Nambas
Waeuwa uawa
Buka ema ebowa Nambas wane ituiena, ipawa buka ema nepa uduudu 4 bautawa bedewe dianedia, Israel apanawa dambu 12 bedeuwo sorodia wisiamone oteiena umanau wade. Do buka ema bedewe dianedia, Israel apanawa sala makowa bedewe ena 38 waimoiena umanawa wade ita do mo dima dewasaie ita ambi wadi Sainaiwa nomone antone Kanaan bolawa enentudenawo wimoiena umanawa wade.
6
Aron sau euda Israel apanawa osouwo itude
22 Iawe God Moses mampe wane wanase,
23 “Aron ita me obampa mona do ema epe diamoa, E sau euda Israel apanawa osouwo itune ema epe waa,
24 ‘Iawe God sau euda e osolawo itupie
ita oniadewasalempa.
25 Iawe God e manlawo oiwawalepie
ita nuaparewa sauwa euda manlawo itupi.
26 Iawe God namba manlawosapi
ita wanwan euda obasa enalepi.
27 Mo ne ebonawo Israel apanawa osouwo sau euda itumpo, ne do saisaisape sau euda mo osouwo itupa.’ ”