Ierimaia
Waeuwa uawa
Ierimaia ipa peroweta da debama Ierusalem bedewe wandie Iawe God aiawa wadie apanawa diamodie. Me apanawa god da wawontoio baiwa God matangelamopia umanawa wadie nuaitumodie.
1
Iawe God Ierimaia apasadia me perowetawa segalepi
4 Ema ipa Iawe God gagalowa ne mainawo wade,
5 “Ne mai e inaa bupa bedewe dewaepona walamawe atenepona dia, ne bauta e atenena,
e mai muitapona walamawe ne bauta e sonabaena,
ne e sonabaene awowaena perowetana segaite
uwa daitada apanawa mampo gagaloitona baiwa.”
6 Ne epe etane wanaase, “Aio, Warere Iawe God, ne oto sanaa ita do mai gagalo atenteapona!”
7 Iawe God ne sipoanene wanase, “E mai waase, ‘Ne oto sanaa!’ E ideita bola daineawo waaubaepa rua aitaa ita ne aia moaawo itupo waa.
8 Ne ipa e do ita oniaepa, sa baiwa apana sa mai sauitaa, dia.” Iawe God epe wane ne dianen.
9 Ita Iawe God witapa aubene ne moana wadene dianene wanase,
“Ne aiana e moawo itudina!
10 Ande ne e sonabaene muka eneedina
uwa daitada apanawa warereu do mampo gagaloitaa.
Mo isiwa e boaubamoa
ita isiwa ampuiamoa,
isiwa e tokokomoe ita kadimoa
ita mo isiwa e wadamowo enapu ita isiwa ammowo inintopu.”
17 Iawe God ne dianene wanase,
“E imaitaa! Enawie gagalo uduudu ne dieepo rua wae diamoa.
E mai mo sauitaa, naita e mo sauitaa ne e dewaepo saidaitaa mo mampo!
18 Ande ne e dewaeno mukamukaua segaiten,
bola debama gonaawa debama dauma enedia rua,
ita unsia ba bela badowa irama mampe dewalala rua segaiten.
E apana uduudu Iuda tawowa bedewe waimoia gagaloa mampe amboitumona,
sa ipa warere, uwaula apanawa,
pirisi ita apana uduudu mampo epe dewasaa.
19 Mo e onaa enapu,
tane mai kasawogantopue nanauepua rua, dia,
ipawa ne ipa e do ita oniaepa.”
Iawe God epe wane ne dianen.