50
Iawe God nolawa dewala aia etepie rualepi
4 Warere Iawe God ne waeuwanen ambi gagalonteape,
apana insaisau oauarau wasaumopa baiwa.
Tadinaida uduudu me wadamesanedie asina wadediaubede,
apana waeuwa atowe wandia dewawa rua me dima waeuwanedia etape atenteapa baiwa.
5 Warere Iawe God ne mainawo sabamo gagaloleno etane atenten,
ita ne me aiawa mai dabuasape epona,
ne mai me adiananasapona, dia.
6 Ne adina wanamono epeiena,
ita sainana wanamono korona bowiantoiena.
Ne naina mai weregasapona,
tane sabamosano wasineane seseineiena.
7 Tane Warere Iawe God ne saunen,
ema baiwa ne mai ituaisiidanteapona.
Sa baiwa ne insaisana badosadina,
ne insene atenten ando mai malanteapa.
8 God ipa ne tainawoido,
ita me ne mai wawuna da donsapona wasabamoa wade.
Winleno ane kotu bolawa osowe kotuntata,
mida ne wawuna donsana umanawa wade?
Me mainawoido wimpie wapidewalepio etapa.
9 Warere Iawe God ne saunede,
tauma mida ne kadina ewena wawuwa dianepi?
Ne wakadisana waia apanawa kadi donsapu,
gara tontawa lalaa adapuiasaio kadileidia rua.