15
Ecihugo ca Yûda n’olubibi lwâco
1 Ecigole canacihêka omulala gwa Yûda n’amûko gâgwo omu cihugo c’Edomi, kuhika oku irungu lya Sini olunda lw’e mukondwè, oku buzinda bw’ecihugo ca Kanâni ebuzûka-zûba.
2 Olubibi lwâbo, lw’e mukondwè lwàli kurhenga oku buzinda bw’enyanja y’Omunyu, oku mushosho gudwîrhe gwalola e mukondwè;
3 gwanashubiharhûla eyo munda e mukondwè, gwagera oku irango lya Akrabimi, gwagera aha Sini, gwasôkera e mukondwè gwa Kadeshi-Barnea, kandi gwagera aha Hesroni, gwasôkera olunda lw’Adari gwagolonjokera e Karaka:
4 Gwashubigendigera aha Asemoni, gwaharhûla kuhika oku mugezi gw’e Mîsiri; olwo lubibi lwagendihwêra omu nyanja. Lwaba lubibi lwinyu olwo e mukondwè.
5 Olubibi lw’ebuzûka-zûba yali enyanja y’omunyu kuhika oku Yordani.
6 Olwo lubibi lwanacigera e Bet-Hogla, lwagera e mwênè ya Beti-ha-Araba, kuhika oku ibuye lya Bohana, mugala wa Rubeni.
7 Olubibi lwanacisôkera e Debiri, kurhenga oku kabanda ka Akori, lwagolonjokera emwênè olunda lwa Gilgala, olubà aha ishiriza ly’omurhezi gw’Adumimi, olunda lw’e mukondwè lw’omugezi. Olubibi lwanacigera hôfi n’amîshi g’Eyin-Shemeshi, lwagendihekera aha Eyin-Rogeli.
8 Olubibi lwanacisôka, lwagendiyisha omu kabanda ka Bene-Hinomi, kuhika olunda lw’emukondwè lw’entondo y’Abayebuseni, eri aha Yeruzalemu; kandi olubibi lwanacisôkera oku ntondo eri hôfi na kabanda Hinomi ebuzûka-zûba, n’oku buzinda bw’emwênè gw’akabanda k’abà-Refayimi.
9 Kurhenga oku irhwêrhwè ly’entondo, olubibi lwalikûla kuhika ah’iriba ly’amîshi ga Neftoaha, lwagendija oku ngo z’entondo y’Efroni; olubibi lwalikûla lwajà olunda lw’e Baala, oli aha Kiryati-Yearimi.
10 Kurhenga e Baala olubibi lwagera ebuzika-zûba bw’entondo ya Seyiri, lwagendirhulukana olundi lunda lw’emwênè, oku ntondo Yearimi yo enaligi Kesaloni, lwabungulukira e Bet-Shemeshi, kandi lwagera e Timna.
11 Olubibi lwahikira ebuzinda buli emwênè gw’Ekroni; olubibi lwanacija e Shikaroni, lwagera oku ntondo ya Baala lwanacihika aha Yabneeli; kandi olubibi lwacihonda omu nyanja.
12 Olubibi lw’ebuzika-zûba lwàli kurhenga ebwa nyanja Nnene n’ecihugo câyo. Kwo zàli zigezire enyunda zoshi ntyo, embibi za bene Yûda nk’oku amûko gâbo ganali.
Kalebu ahâbwa Hebroni
13 Banacihà Kalebu, mugala wa Yefunè, oluhande lw’ishwa, omu karhî ka bene Yûda, nk’oku Nyakasane anali arhegesire Yozwè: ahâbwa olugo lw’Arba, îshe wa Anaki, n’olwo lugo luderhwa Hebroni.
14 Kalebu anacihulusamwo bene Anaki oku banali basharhu, Sheshayi, Ahimani na Talmayi, boshi iburha ly’Anaki.
15 Kurhenga aho asôka arhabâlira abantu b’e Debiri, mîra aderhagwa mpu Kiryat-Seferi.
16 Kalebu anaciderha erhi: «Omuntu wankanampimira Kiryat-Seferi, akamumpisako, nanayishimuhà mwâli wâni Aksa, ashube mukâge».
17 Otnieli, mugala wa Kenazi, mwene wâbo Kalebu, anarhôla lulya lugo, naye Kalebu anacimuhà omwâli Aksa mpu abè mukâge.
18 Erhi oyo munyere ayisha, ibà Otnieli amushumika mpu ahûne îshe ishwa. Olya munyere anacishonôka oku ntondo yâge, Kalebu anacimudôsa erhi:
19 «Bici oli?» Olya munyere anacishuza, erhi: «Ompè nâni, onjire nshobôle emwâwe, bulya ecihugo ca Nêgebu wampaga licîbêrîre irungu lyône; ompè nâni amaliba g’amîshi». Anacimuhà iriba ly’enyanya n’iriba ly’idako.
20 Kwo kashambala k’omulala gwa bene Yûda ako nk’oku amûko gâbo ganali.
Engo za bene Yûda
21 Engo zàli oku buzinda bw’omulala gwa bene Yûda, ebwa lubibi lwa Edomu, omu Nêgebu, ali: Kabuseli, Ederi na Yaguri,
22 Kînâ, Dimona,
23 Adeada Kedeshi Hasori na Itina
24 Zifu Telemu Bealoti
25 Hasori Mpyâhya n’engo za Hesroni,
26 Amâmi, Shema, Molada, Kesili, Horma,
27 Hasari-Gada, Heshimoni, Beti-Peleti,
28 Hasari-Shuali, Bersheba n’ebishagala byâge.
29 Baala, Iyimi, Esemi,
30 Eltoladi, Kesili, Horma,
31 Siklagi, Madmana, Sansana,
32 Lebaoti, Shilihima, Eyin-Rimoni: zoshi baguma zàli ngo makumi abiri na mwenda n’ebishagala byâzo.
33 Omu Shefela, mwâli: Eshtaoli, Sorea, Ashna,
34 Zonoha, Eyin-Ganimi, Tapuaha, Enama,
35 Yaramuti, Adulami, Soko, Azeka,
36 Shaaraimi, Aditayimi, Ha-Gedera na Gederotayimi: byoshi haguma: zàli ngo ikumi n’ini n’ebishagala byâzo.
37 Senani, Hadasha, Migdala-Gadi,
38 Dileani, Mispe, Yokiteli,
39 Lakishi, Boskati, Egloni,
40 Kaboni, Lahamasi, Kitilishi,
41 Gederoti, Bet-Dagoni, Naama na Makeda: zoshi haguma zàli ngo ikumi na ndarhu n’ebishagala byâzo.
42 Libna, Eteri. Ashana,
43 Yifitahi, Ashina, Nesibi,
44 Keila, Akzibu, na Maresha: zoshi haguma zàli: ngo mwenda na ebishagala byâzo:
45 Ekroni, baguma n’emirhundu yâge n’ebishagala byâge,
46 kurhenga e Ekroni kujà ebwa nyanja, lunda lwa Ashdodi n’ezindi ngo z’omu marhambi haguma n’ebishagala byâzo;
47 Ashidoti, emirhundu yâge n’ebisbagala byâge, kuhika oku mugezi gw’e Mîsiri, n’oku nyanja nnene, lwo luli lubibi.
48 Omu ntondo: Shamiri, Yatiri, Soko,
49 Dana, Kiriyat-Saana, yerigi Debiri, Anabu,
50 Eshtemo, Animi,
51 Gosheni, Holoni, na Gilo: zoshi haguma zàli ngo ikumi na luguma n’ebishagala byâzo.
52 Araba, Duma/Ruma, Esheani,
53 Yanumu, Bet-Tapuahi, Afeka,
54 Humuta, Kiryat-Arba, yerigi Hebroni na Siori: Ngo ikumi n’ebishagala byâzo.
55 Maoni, Karmeli, Zifi, Yuta, Izreeli,
56 Yokideami, Zonoha,
57 Hakayini, Gibea, na Timuna, ngo ikumi n’ebishagala byâzo.
58 Haluhuli, Bet-Suri, Gedori, Maarati, Beti-Anoti, Eltekoni,
59 Zirigi ngo ndarhu n’ebishagala byâzo.
60 Kiryati-Bali, yerigi Kiryat-Yarimi na Ha-Raba: ngo ibiri n’ebishagala byâzo.
61 Omu irungu mwâli: Beti-Ha-Araba, Midini, Sekaka.
62 Nibshana, Ir-HaMelahi na Eyin-Gedi: ngo ndarhu n’ebishagala byâzo.
63 Bene Yûda barhahashaga okulibirhakwo abanya-Yebusi, abayûbakaga aha Yeruzalemu na ntyo; abanya-Yebuseni bayûbaka aha Yeruzalemu haguma na bene Yûda kuhika ene.