26
Izirayel alkabiilawey kabuyan hinkantoo
1 Bonaa woo banda ga, Abadantaa nee Musa nda sargari juwalkaa Haruna izʼaroo kaŋ ti Eleyazar se:
2 «Wa Izirayel borey jamaa kul kabu, wey kaŋ goo nda jiiri waranka (20) nda ka žigi, hugu ka koy hugu, kaŋyaŋ ga hin ka koy wongu Izirayel se.»
3 Musa nda sargari juwalkaa Eleyazar šelaŋ Izirayel borey se Mowab ganganey ra, Žurdeŋ isaa jere, Žeriko tenje, ka nee i se:
4 «Wey kaŋ goo nda jiiri waranka (20) nda ka žigi ma kabandi, sanda takaa kaŋ nda Abadantaa na Musa yaamar.» Izirayel borey kaŋ fatta Misira gandaa ra ti:
5 Rubeŋ ti Izirayel ize jinaa. Rubeŋ hayroo ti: Hanok, nga ga Hanok borey alaayan beeroo hun. Palu, nga ga Palu borey alaayan beeroo hun.
6 Hesroŋ, nga ga Hesroŋ borey alaayan beeroo hun. Karmi, nga ga Karmi borey alaayan beeroo hun.
7 Wey ti Rubeŋ borey alaayan beerey. Borey kaŋ kabandi i ra manʼti kala boro zenber woytaaci cindi hinza nda zangu iyye nda waranza (43.730).
8 Palu hayroo ti Eliyab.
9 Eliyab hayroo ti Nemuwel, nda Dataŋ, nda Abiram. Dataŋ woo da, nda Abiram woo da ti borey kaŋ se jamaa ciya i ma tee ngi se jineboro. I waafaku nda Kora borey ka yenje Musa nda Haruna bande waatoo kaŋ Kora borey yenje Abadantaa bande.
10 Laboo na nga miɲoo feeri ka ngi nda Kora gon waatoo kaŋ Kora jamaa ga buu. Nuunaa na boro zangu hinka nda woyguu (250) ton kʼi tee boosu. I tee tammaasa.
11 Woo kul, Kora izey mana buu.
12 Simewoŋ hayroo, alaayan beeri ka koy alaayan beeri ti: Nemuwel, nga ga Nemuwel borey alaayan beeroo hun. Yamin, nga ga Yamin borey alaayan beeroo hun. Yakin, nga ga Yakin borey alaayan beeroo hun.
13 Zera, nga ga Zera borey alaayan beeroo hun. Sawul, nga ga Sawul borey alaayan beeroo hun.
14 Wey ti Simewoŋ borey alaayan beerey, i manʼti kala boro zenber waranka cindi hinka nda zangu hinka (22.200).
15 Gad hayroo, alaayan beeri ka koy alaayan beeri ti: Sefoŋ, nga ga Sefoŋ borey alaayan beeroo hun. Hagi, nga ga Hagi borey alaayan beeroo hun. Šuni, nga ga Šuni borey alaayan beeroo hun.
16 Ozini, nga ga Ozini borey alaayan beeroo hun. Eri, nga ga Eri borey alaayan beeroo hun.
17 Arod, nga ga Arod borey alaayan beeroo hun. Areli, nga ga Areli borey alaayan beeroo hun.
18 Wey ti Gad hayroo alaayan beerey. Borey kaŋ kabandi i ra manʼti kala boro zenber woytaaci nda zangu guu (40.500).
19 Žuda hayroo ti: Er nda Onaŋ, amma Er nda Onaŋ buu Kanaŋ gandaa ra.
20 Žuda hayroo, alaayan beeri ka koy alaayan beeri ti: Šela, nga ga Šela borey alaayan beeroo hun. Peres, nga ga Peres borey alaayan beeroo hun. Zera, nga ga Zera borey alaayan beeroo hun.
21 Peres hayroo ti: Hesroŋ, nga ga Hesroŋ borey alaayan beeroo hun. Hamul, nga ga Hamul borey alaayan beeroo hun.
22 Wey ti Žuda alaayan beerey. Borey kaŋ kabandi i ra manʼti kala boro zenber woyye cindi iddu nda zangu guu (76.500).
23 Isakar hayroo, alaayan beeri ka koy alaayan beeri ti: Tola, nga ga Tola borey alaayan beeroo hun. Puwa, nga ga Puwa borey alaayan beeroo hun.
24 Yašub, nga ga Yašub borey alaayan beeroo hun. Šimroŋ, nga ga Šimroŋ borey alaayan beeroo hun.
25 Wey ti Isakar alaayan beerey. Borey kaŋ kabandi i ra manʼti kala boro zenber woydu cindi taaci nda zangu hinza (64.300).
26 Zabuloŋ hayroo, alaayan beeri ka koy alaayan beeri ti: Sered, nga ga Sered borey alaayan beeroo hun. Eloŋ, nga ga Eloŋ borey alaayan beeroo hun. Yalel, nga ga Yalel borey alaayan beeroo hun.
27 Wey ti Zabuloŋ borey alaayan beerey. Borey kaŋ kabandi i ra manʼti kala boro zenber woydu nda zangu guu (60.500).
28 Isufi hayroo, alaayan beeri ka koy alaayan beeri ti: Manase nda Efrayim.
29 Manase hayroo ti: Makir, nga ga Makir borey alaayan beeroo hun. Makir ka Galad hay. Galad, nga ga Galad borey alaayan beeroo hun.
30 Galad hayroo ti: Yezer, nga ga Yezer borey alaayan beeroo hun. Helek, nga ga Helek borey alaayan beeroo hun.
31 Asriyel, nga ga Asriyel borey alaayan beeroo hun. Šekem, nga ga Šekem borey alaayan beeroo hun.
32 Šemida, nga ga Šemida borey alaayan beeroo hun. Hefer, nga ga Hefer borey alaayan beeroo hun.
33 Selofad kaŋ ti Hefer izʼaru mana duu izʼaruyaŋ, ize woyyaŋ de no a duu. Selofad ize woyey maaɲey ti: Mahila, nda Nowa, nda Hogla, nda Milka, nda Tirsa.
34 Wey ti Manase alaayan beerey. Borey kaŋ kabandi i ra manʼti kala boro zenber woyguu cindi hinka nda zangu iyye (52.700).
35 Efrayim hayroo, alaayan beeri ka koy alaayan beeri ti: Šutela, nga ga Šutela borey alaayan beeroo hun. Beker, nga ga Beker borey alaayan beeroo hun. Tahaŋ, nga ga Tahaŋ borey alaayan beeroo hun.
36 Šutela hayroo ti: Eraŋ, nga ga Eraŋ borey alaayan beeroo hun.
37 Wey ti Efrayim hayroo alaayan beeroo. Borey kaŋ kabandi i ra manʼti kala boro zenber waranza cindi hinka nda zangu guu (32.500). Wey ti Isufi hayroo, alaayan beeri ka koy alaayan beeri.
38 Benžameŋ hayroo, alaayan beeri ka koy alaayan beeri ti: Bela, nga ga Bela borey alaayan beeroo hun. Ašibel, nga ga Ašibel borey alaayan beeroo hun. Ahiram, nga ga Ahiram borey alaayan beeroo hun.
39 Šufam, nga ga Šufam borey alaayan beeroo hun. Hufam, nga ga Hufam borey alaayan beeroo hun.
40 Bela hayroo ti: Ardu nda Namaŋ. Ardu, nga ga Ardu borey alaayan beeroo hun nda Namaŋ kaŋ ga Namaŋ borey alaayan beeroo hun.
41 Wey ti Benžameŋ hayroo, alaayan beeri ka koy alaayan beeri. Borey kaŋ kabandi i ra manʼti kala boro zenber woytaaci cindi guu nda zangu iddu (45.600).
42 Dan hayroo, alaayan beeri ka koy alaayan beeri ti: Šuham, nga ga Šuham borey alaayan beeroo hun. Wey ti Dan alaayan beerey, alaayan beeri ka koy alaayan beeri.
43 Šuham borey alaayan beerey, borey kaŋ kabandi i ra manʼti kala boro zenber woydu cindi taaci nda zangu taaci (64.400).
44 Ašer hayroo, alaayan beeri ka koy alaayan beeri ti: Yimna, nga ga Yimna borey alaayan beeroo hun. Yišwi, nga ga Yišwi borey alaayan beeroo hun. Beriya, nga ga Beriya borey alaayan beeroo hun.
45 Beriya hayroo ti: Heber, nga ga Heber borey alaayan beeroo hun. Malkiyel, nga ga Malkiyel borey alaayan beeroo hun.
46 Ašer ize woyoo maaɲoo ti Sera.
47 Wey ti Ašer hayroo alaayan beerey. Borey kaŋ kabandi i ra manʼti kala boro zenber woyguu cindi hinza nda zangu taaci (53.400).
48 Neftali hayroo, alaayan beeri ka koy alaayan beeri ti: Yasiyel, nga ga Yasiyel borey alaayan beeroo hun. Guni, nga ga Guni borey alaayan beeroo hun.
49 Yeser, nga ga Yeser borey alaayan beeroo hun. Šilem, nga ga Šilem borey alaayan beeroo hun.
50 Wey ti Neftali alaayan beerey, alaayan beeri ka koy alaayan beeri. Borey kaŋ kabandi i ra manʼti kala boro zenber woytaaci cindi guu nda zangu taaci (45.400).
51 Borey kaŋ kabandi Izirayel borey ra manʼti kala boro zenber zangu iddu nda zenber foo nda zangu iyye nda waranza (601.730).
Gandaa zamnaroo takaa cebandi
52 Abadantaa šelaŋ Musa se ka nee:
53 «Alkabiilawey wey game gandaa ga zamnandi ka tee ngi tuboo. Ngi bagawey sii kala borey hinnaa bande.
54 Alkabiila beeri ga duu doo beeri, alkabiila kaccu ga duu doo kaccu. Alkabiila foo kul ga duu doo ka sawa nda nga borey hinnaa kaŋ kabandi.
55 Woo kul, alkurra ma karandi ka gandaa zamna, ngi baabey alkabiila foo kul borey ga duu nga bagaa.
56 Alkurraa kaŋ ga karandi no ma cebe tuboo kaŋ ga nondi alkabiila beerey se nda ikaccey se.»
Lewi alkabiilaa kabuyan hinkantoo
57 Borey kaŋ kabandi Lewi borey ra, alaayan beeri ka koy alaayan beeri ti: Geršoŋ, nga ga Geršoŋ borey alaayan beeroo hun. Kehat, nga ga Kehat borey alaayan beeroo hun. Merari, nga ga Merari borey alaayan beeroo hun.
58 Lewi alaayan beerey ti: Libni borey alaayan beeroo, nda Hebroŋ borey alaayan beeroo, nda Mahili borey alaayan beeroo, nda Muši borey alaayan beeroo, nda Kora borey alaayan beeroo. Kehat ka Amram hay.
59 Amram wandoo maaɲoo ti Žokebed kaŋ ti Lewi ize woy. Lewi manʼa hay kala Misira gandaa ra. A duu Amram se Haruna, nda Musa, nda Maryama ngi woymaa.
60 Izey kaŋ Haruna duu ey ti: Nadab, nda Abihu, nda Eleyazar, nda Itamar.
61 Nadab nda Abihu buu, zama nuune kaŋ si bisa no i nʼa daŋ Abadantaa jine.
62 Borey kaŋ kabandi Lewi borey ra, kʼa dii arey kul kaŋ goo nda handu foo nda ka žigi manʼti kala boro zenber waranka cindi hinza (23.000). I mana kabandi Izirayel borey ra, zama i mana duu tubu Izirayel borey cindey bande.
63 Wey ti borey kaŋ Musa nda sargari juwalkaa Eleyazar nʼi kabu Mowab ganganey ra, Žurdeŋ isaa jere, Žeriko tenje.
64 Boro kul sii borey wey ra kaŋ Musa nda sargari juwalkaa Haruna nʼa kabu waatoo kaŋ i na Izirayel borey kabu Sinay saajoo ra.
65 Zama Abadantaa nka nee: «I ga buu saajoo ra.» Boro kul mana cindi i ra nda manʼti Yefune izʼaroo Kaleb, nda Nun izʼaroo Žozuwe hinne.