2
Žuda borey kaŋ willi kate ngi gandaa ra
(Nehemi 7)
1 Gandaa zamnaroo kaŋ ti Žuda, nga borey kaŋ Babiloŋ kokoyoo Nebukanezar nʼi dii ka koy nda ey Babiloŋ, borey din hun tamtaray, wey kaŋ willi kate i ra Žerizalem, nda wey kaŋ koy Žuda gandaa ra ti wey. Boro foo kul goro nga koyraa ra.
2 I willi kate Zorobabel bande, nda Yešuwa, nda Nehemiya, nda Seraya, nda Relaya, nda Mardoše, nda Bilšaŋ, nda Mispar, nda Bigway, nda Rehum, nda Baana. Izirayel jamaa arey hinnaa ne ti woo:
3 Paroš hayroo hinnaa ti: boro zenber hinka nda zangu nda woyye cindi hinka (2.172).
4 Šefatiya hayroo hinnaa ti: boro zangu hinza nda woyye cindi hinka (372).
5 Ara hayroo hinnaa ti: boro zangu iyye nda woyye cindi guu (775).
6 Pahat-Mowab borey kaŋ hun Yešuwa nda Žowab hayroo ra hinnaa ti: boro zenber hinka nda zangu yaaha nda iwoy cindi hinka (2.812).
7 Elam hayroo hinnaa ti: boro zenber foo nda zangu hinka nda woyguu cindi taaci (1.254).
8 Zattu hayroo hinnaa ti: boro zangu yagga nda woytaaci cindi guu (945).
9 Zakkay hayroo hinnaa ti: boro zangu iyye nda woydu (760).
10 Bani hayroo hinnaa ti: boro zangu iddu nda woytaaci cindi hinka (642).
11 Bebay hayroo hinnaa ti: boro zangu iddu nda waranka cindi hinza (623).
12 Azgad hayroo hinnaa ti: boro zenber foo nda zangu hinka nda waranka cindi hinka (1.222)
13 Adonikam hayroo hinnaa ti: boro zangu iddu nda woydu cindi iddu (666).
14 Bigway hayroo hinnaa ti: boro zenber hinka nda woyguu cindi iddu (2.056).
15 Adin hayroo hinnaa ti: boro zangu taaci nda woyguu cindi taaci (454).
16 Ater hayroo kaŋ hun Yezekiyas ga hinnaa ti: boro woyyagga cindi yaaha (98).
17 Besay hayroo hinnaa ti: boro zangu hinza nda waranka cindi hinza (323).
18 Yora hayroo hinnaa ti: boro zangu nda iwoy cindi hinka (112).
19 Hašum hayroo hinnaa ti: boro zangu hinka nda waranka cindi hinza (223).
20 Gibbar hayroo hinnaa ti: boro woyyagga cindi guu (95).
21 Betelehem koyraa borey hinnaa ti: boro zangu nda waranka cindi hinza (123).
22 Netofa koyraa borey hinnaa ti: boro woyguu cindi iddu (56).
23 Anatot koyraa borey hinnaa ti: boro zangu nda waranka cindi yaaha (128).
24 Azmawet koyraa borey hinnaa ti: boro woytaaci cindi hinka (42).
25 Kiryat-Arim, nda Kefira, nda Berot koyrawey borey hinnaa ti: boro zangu iyye nda woytaaci cindi hinza (743).
26 Rama nda Geba koyrawey borey hinnaa ti: boro zangu iddu nda waranka cindi foo (621).
27 Mikmas koyraa borey hinnaa ti: boro zangu nda waranka cindi hinka (122).
28 Betel nda Ayi koyrawey borey hinnaa ti: boro zangu hinka nda waranka cindi hinza (223).
29 Nebo koyraa borey hinnaa ti: boro woyguu cindi hinka (52).
30 Magbiš koyraa borey hinnaa ti: boro zangu nda woyguu cindi iddu (156).
31 Elam faa hayroo hinnaa ti: boro zenber foo nda zangu hinka nda woyguu cindi taaci (1.254).
32 Harim hayroo hinnaa ti: boro zangu hinza nda waranka (320).
33 Lod, nda Hadid, nda Ono koyrawey borey hinnaa ti: boro zangu iyye nda waranka cindi guu (725).
34 Žeriko koyraa borey hinnaa ti: boro zangu hinza nda woytaaci cindi guu (345).
35 Sena koyraa borey hinnaa ti: boro zenber hinza nda zangu iddu nda waranza (3.630).
36 Sargari juwalkey ra, wey kaŋ ti Yedaya hayroo kaŋ hun Yešuwa ga hinnaa ti: boro zangu yagga nda woyye cindi hinza (973).
37 Imer hayroo hinnaa ti: boro zenber foo nda woyguu cindi hinka (1.052).
38 Pašehur hayroo hinnaa ti: boro zenber foo nda zangu hinka nda woytaaci cindi iyye (1.247).
39 Harim hayroo hinnaa ti: boro zenber foo nda iwoy cindi iyye (1.017).
40 Lewi borey ra, wey kaŋ ti Yešuwa nda Kadmiyel hayrey kaŋ hun Hodawiya hugoo borey ga hinnaa ti: boro woyye cindi taaci (74).
41 Donkey ra, Asaf hayroo hinnaa ti: boro zangu nda waranka cindi yaaha (128).
42 Hugu mee lakkalkey ra, Šalum hayroo, nda Ater hayroo, nda Talmoŋ hayroo, nda Akub hayroo, nda Hatita hayroo, nda Šobay hayroo, ngi hayrey kul cere ra hinnaa ti: boro zangu nda waranza cindi yagga (139).
43 Irkoy hugoo goykey ti: Siha hayroo, nda Hasufa hayroo, nda Tabawot hayroo,
44 nda Keros hayroo, nda Siyaha hayroo, nda Padoŋ hayroo,
45 nda Lebana hayroo, nda Hagaba hayroo, nda Akub hayroo,
46 nda Hagab hayroo, nda Šamlay hayroo, nda Hanaŋ hayroo,
47 nda Gidel hayroo, nda Gahar hayroo, nda Reya hayroo,
48 nda Resin hayroo, nda Nekoda hayroo, nda Gazam hayroo,
49 nda Uza hayroo, nda Paseya hayroo, nda Besay hayroo,
50 nda Asna hayroo, nda Mewunim hayroo, nda Nefušim hayroo,
51 nda Bakbuk hayroo, nda Hakufa hayroo, nda Harhur hayroo,
52 nda Baslut hayroo, nda Mehida hayroo, nda Harša hayroo,
53 nda Barkos hayroo, nda Sisera hayroo, nda Tama hayroo,
54 nda Nesiya hayroo, nda Hatifa hayroo.
55 Sulaymaana goykey hayrey ti: Sotay hayroo, nda Soferet hayroo, nda Peruda hayroo,
56 nda Yaala hayroo, nda Darkoŋ hayroo, nda Gidel hayroo,
57 nda Šefatiya hayroo, nda Hatil hayroo, nda Pokeret-Sebayim hayroo, nda Ami hayroo.
58 Irkoy hugoo goykey nda Sulaymaana goykey hayroo kul cere ra manʼti kala boro zangu hinza nda woyyagga cindi hinka (392).
59 Borey ne kaŋ kaa ka hun Tel-Mela, nda Tel-Harša, nda Kerub-Adan, nda Imer, i mana hin ka ngi hugey borey har, i mana hin ka ngi assiloo har ka cebe kaŋ Izirayel boroyaŋ ti ngi.
60 I manʼti kala Delaya hayroo, nda Tobiya hayroo, nda Nekoda hayroo, i kul cere ra manʼti kala boro zangu iddu nda woyguu cindi hinka (652).
61 Sargari juwalkey hayroo mo ra, boroyaŋ mana hin ka ngi assiloo har, borey ti: Hobaya hayroo, nda Hakos hayroo, nda Barzilay hayroo. Barzilay ka hiiji Galad boraa Barzilay ize woyey ra, woo se ngi maaɲoo huru a ga.
62 I na ngi taarikey ceeci kaŋ ga borey har kaŋ ga i hun, amma i mana duu ey. I nʼi dii boroyaŋ kaŋ ga žiibi, i si yee koyne ka hin ka sargari juwalyan goyoo tee.
63 Goforneroo nee i se kaŋ i masi hayey ŋaa kaŋ ga hanse ka henan hala sargari juwalkaw ma kaa kaŋ ga alkurraa goy jinawey kaŋ ti Urim nda Tumim ka gunandi ka dii.
64 Jamaa kul cere ra manʼti kala boro zenber woytaaci cindi hinka nda zangu hinza nda woydu (42.360)
65 kaŋ ra ngi baɲɲey nda ngi koŋŋey sii, kaŋyaŋ ti boro zenber iyye nda zangu hinza nda waranza cindi iyye (7.337). Donkaw aru boro nda woy boro zangu hinka (200) goo i ra.
66 I goo nda bari zangu iyye nda waranza cindi iddu (736), nda lanbaana zangu hinka nda woytaaci cindi guu (245),
67 nda yoo zangu taaci nda waranza cindi guu (435), nda farka zenber iddu nda zangu iyye nda waranka (6.720).
68 Hugu boŋ fooyaŋ, waatoo kaŋ i too Abadantaa hugoo do Žerizalem, i na gomniyaŋ kaa nda ngi boŋ Irkoy hugoo se, hala a ma cinandi nga nongu jinaa kaŋ ra a cindi ra.
69 I na ngi hinagoo noo hala hugoo ma cinandi, wura tamma boŋ zenber woydu cindi foo (61.000), nda nzorfu kaaray kilo zenber hinka nda zangu guu (2.500), nda sargari juwalkaw bankaaray zangu (100).
70 Sargari juwalkey, nda Lewi borey, nda jamaa jere foo, nda donkey, nda hugu mee lakkalkey, nda Irkoy hugoo goykey koy goro ngi koyrawey ra. Takaa woo nda Izirayel kul goro ngi koyrawey ra.