150
Poriyen ya Pangino-on
1 Poriyen moyoy Pangino-on.
Poriyen ya Diyos ha bali na. Poriyen ya ha pinakamatag-ay ya dogal ya ginawà na ha kapangyariyan na.
2 Poriyen ya banà ha gawgawà nay makapangyariyan; poriyen ya simpri ha masyadoy karangalan na.
3 Mamatnoy nin trompita, alpa, boy lira ha pamomori kona.
4 Ha pamomori simpri kona ay mamatnoy nin pandirita, tomalek, boy mamatnoy nin alpa boy plawta.
5 Manggamit nin gatsing ha pamomori kona; ipakakhaw ya paggatsing ha pamomori kona.
6 Dayi, hay Pangino-on ay poriyen nin kaganawan ma-in inawawen.
Poriyen moyoy Pangino-on.