133
(Kanta ni Dabid ya angkantawen mintras ampako ha bali nin Diyos)
Hay kahampatan nin mipapatel ha Pangino-on ya ma-in pamimimiha
1 Anyaynan kahampatan boy kagandawan nin makit ya mipapatel ha Pangino-on ya ampilalamo ya ma-in pagmimiha!
2 Hay ka-alimbawa-an nin ombayroy pamilalamo ay bilang ha mabangoh boy ma-alagà ya asitin olibo ya imbollog ha olo ni Aron ya ka-ona-onawan nin pinakamatag-ay ya parì. Habayto ay nandawey ha balbah na palakon kowilyo nin baro na.
3 Hay ka-alimbawa-an et nin ombayroy pamilalamo ay bilang simpri ha deyang ha bakil nin Hirmon boy ha bawbakilbakil nin Siyon. Hay Pangino-on ay nagpangakò nin igwà na bayro ha Siyon ya kahampatan na; hay kahampatan ya impangakò nan igwà na ay biyay ya ayin anggawan.