Ebisi meta duha lohalohana ye dobikalili nige yona kabagehe. Iya ede boita yo ginauli yabayababadi yo nuwamatamatausidi yodi kabamiya (Luka 8:31, Hemasalaha 9:1-2,11, 11:7-8, 20:1-3). Hedehedede ebisi meta kalina Dimdim unai ta hai (abyss), na siya meta kalina Giliki unai se hai (abyssos).

Ekalesiya Kalinadaena ekalesiya kaniyona meta Yesu Keliso tausunumaeina. Hedehedede ta meta kalina Giliki ekklesia unai ta hai. Kalina Giliki unai, kaniyona bagubagunana ede magai tamowaidi yodi koigogo, na muliyena hinage se tolelaei tausunuma yodi koigogo unai.

Ekalesiya yodi koigogo hinage ta katai dubu. Apostolo 11:26 unai Yesu tausunumaeina se kataidi siya Kilisitiyani, kaniyona ede Keliso tamowaina o Keliso tauhemuliwatanina, matawuwuna yodi laulau wa gonogonowana doha Keliso wa.

Eliya meta Isalaela yodi peloweta saesaena hesau. Wasana ede ta hasili 1 Kin 17—19, 21, yo 22, yo 2 Kin 1—2 udiyedi.

Ewaneliya kaniyona meta wasa namwanamwana. Hedehedede ta meta kalina Giliki unai ta hai.