ⅩⅩ
Ⅰ ཨིཏྠཾ ཀལཧེ ནིཝྲྀཏྟེ སཏི པཽལཿ ཤིཥྱགཎམ྄ ཨཱཧཱུཡ ཝིསརྫནཾ པྲཱཔྱ མཱཀིདནིཡཱདེཤཾ པྲསྠིཏཝཱན྄།
Ⅱ ཏེན སྠཱནེན གཙྪན྄ ཏདྡེཤཱིཡཱན྄ ཤིཥྱཱན྄ བཧཱུཔདིཤྱ ཡཱུནཱནཱིཡདེཤམ྄ ཨུཔསྠིཏཝཱན྄།
Ⅲ ཏཏྲ མཱསཏྲཡཾ སྠིཏྭཱ ཏསྨཱཏ྄ སུརིཡཱདེཤཾ ཡཱཏུམ྄ ཨུདྱཏཿ, ཀིནྟུ ཡིཧཱུདཱིཡཱསྟཾ ཧནྟུཾ གུཔྟཱ ཨཏིཥྛན྄ ཏསྨཱཏ྄ ས པུནརཔི མཱཀིདནིཡཱམཱརྒེཎ པྲཏྱཱགནྟུཾ མཏིཾ ཀྲྀཏཝཱན྄།
Ⅳ བིརཡཱནགརཱིཡསོཔཱཏྲཿ ཐིཥལནཱིཀཱིཡཱརིསྟཱརྑསིཀུནྡཽ དརྦྦོནགརཱིཡགཱཡཏཱིམཐིཡཽ ཨཱཤིཡཱདེཤཱིཡཏུཁིཀཏྲཕིམཽ ཙ ཏེན སཱརྡྡྷཾ ཨཱཤིཡཱདེཤཾ ཡཱཝད྄ གཏཝནྟཿ།
Ⅴ ཨེཏེ སཪྻྭེ ྅གྲསརཱཿ སནྟོ ྅སྨཱན྄ ཨཔེཀྵྱ ཏྲོཡཱནགརེ སྠིཏཝནྟཿ།
Ⅵ ཀིཎྭཤཱུནྱཔཱུཔོཏྶཝདིནེ ཙ གཏེ སཏི ཝཡཾ ཕིལིཔཱིནགརཱཏ྄ ཏོཡཔཐེན གཏྭཱ པཉྩབྷི རྡིནཻསྟྲོཡཱནགརམ྄ ཨུཔསྠཱཡ ཏཏྲ སཔྟདིནཱནྱཝཱཏིཥྛཱམ།
Ⅶ སཔྟཱཧསྱ པྲཐམདིནེ པཱུཔཱན྄ བྷཾཀྟུ ཤིཥྱེཥུ མིལིཏེཥུ པཽལཿ པརདིནེ ཏསྨཱཏ྄ པྲསྠཱཏུམ྄ ཨུདྱཏཿ སན྄ ཏདཧྣི པྲཱཡེཎ ཀྵཔཱཡཱ ཡཱམདྭཡཾ ཡཱཝཏ྄ ཤིཥྱེབྷྱོ དྷརྨྨཀཐཱམ྄ ཨཀཐཡཏ྄།
Ⅷ ཨུཔརིསྠེ ཡསྨིན྄ པྲཀོཥྛེ སབྷཱཾ ཀྲྀཏྭཱསན྄ ཏཏྲ བཧཝཿ པྲདཱིཔཱཿ པྲཱཛྭལན྄།
Ⅸ ཨུཏུཁནཱམཱ ཀཤྩན ཡུཝཱ ཙ ཝཱཏཱཡན ཨུཔཝིཤན྄ གྷོརཏརནིདྲཱགྲསྟོ ྅བྷཱུཏ྄ ཏདཱ པཽལེན བཧུཀྵཎཾ ཀཐཱཡཱཾ པྲཙཱརིཏཱཡཱཾ ནིདྲཱམགྣཿ ས ཏསྨཱད྄ ཨུཔརིསྠཏྲྀཏཱིཡཔྲཀོཥྛཱད྄ ཨཔཏཏ྄, ཏཏོ ལོཀཱསྟཾ མྲྀཏཀལྤཾ དྷྲྀཏྭོདཏོལཡན྄།
Ⅹ ཏཏཿ པཽལོ྅ཝརུཧྱ ཏསྱ གཱཏྲེ པཏིཏྭཱ ཏཾ ཀྲོཌེ ནིདྷཱཡ ཀཐིཏཝཱན྄, ཡཱུཡཾ ཝྱཱཀུལཱ མཱ བྷཱུཏ ནཱཡཾ པྲཱཎཻ ཪྻིཡུཀྟཿ།
Ⅺ པཤྩཱཏ྄ ས པུནཤྩོཔརི གཏྭཱ པཱུཔཱན྄ བྷཾཀྟྭཱ པྲབྷཱཏཾ ཡཱཝཏ྄ ཀཐོཔཀཐནེ ཀྲྀཏྭཱ པྲསྠིཏཝཱན྄།
Ⅻ ཏེ ཙ ཏཾ ཛཱིཝནྟཾ ཡུཝཱནཾ གྲྀཧཱིཏྭཱ གཏྭཱ པརམཱཔྱཱཡིཏཱ ཛཱཏཱཿ།
ⅩⅢ ཨནནྟརཾ ཝཡཾ པོཏེནཱགྲསརཱ བྷཱུཏྭཱསྨནགརམ྄ ཨུཏྟཱིཪྻྱ པཽལཾ གྲཧཱིཏུཾ མཏིམ྄ ཨཀུརྨྨ ཡཏཿ ས ཏཏྲ པདྦྷྱཱཾ ཝྲཛིཏུཾ མཏིཾ ཀྲྀཏྭེཏི ནིརཱུཔིཏཝཱན྄།
ⅩⅣ ཏསྨཱཏ྄ ཏཏྲཱསྨཱབྷིཿ སཱརྡྡྷཾ ཏསྨིན྄ མིལིཏེ སཏི ཝཡཾ ཏཾ ནཱིཏྭཱ མིཏུལཱིནྱུཔདྭཱིཔཾ པྲཱཔྟཝནྟཿ།
ⅩⅤ ཏསྨཱཏ྄ པོཏཾ མོཙཡིཏྭཱ པརེ྅ཧནི ཁཱིཡོཔདྭཱིཔསྱ སམྨུཁཾ ལབྡྷཝནྟསྟསྨཱད྄ ཨེཀེནཱཧྣཱ སཱམོཔདྭཱིཔཾ གཏྭཱ པོཏཾ ལཱགཡིཏྭཱ ཏྲོགུལླིཡེ སྠིཏྭཱ པརསྨིན྄ དིཝསེे མིལཱིཏནགརམ྄ ཨུཔཱཏིཥྛཱམ།
ⅩⅥ ཡཏཿ པཽལ ཨཱཤིཡཱདེཤེ ཀཱལཾ ཡཱཔཡིཏུམ྄ ནཱབྷིལཥན྄ ཨིཕིཥནགརཾ ཏྱཀྟྭཱ ཡཱཏུཾ མནྟྲཎཱཾ སྠིརཱིཀྲྀཏཝཱན྄; ཡསྨཱད྄ ཡདི སཱདྷྱཾ བྷཝཏི ཏརྷི ནིསྟཱརོཏྶཝསྱ པཉྩཱཤཏྟམདིནེ ས ཡིརཱུཤཱལམྱུཔསྠཱཏུཾ མཏིཾ ཀྲྀཏཝཱན྄།
ⅩⅦ པཽལོ མིལཱིཏཱད྄ ཨིཕིཥཾ པྲཏི ལོཀཾ པྲཧིཏྱ སམཱཛསྱ པྲཱཙཱིནཱན྄ ཨཱཧཱུཡཱནཱིཏཝཱན྄།
ⅩⅧ ཏེཥུ ཏསྱ སམཱིཔམ྄ ཨུཔསྠིཏེཥུ ས ཏེབྷྱ ཨིམཱཾ ཀཐཱཾ ཀཐིཏཝཱན྄, ཨཧམ྄ ཨཱཤིཡཱདེཤེ པྲཐམཱགམནམ྄ ཨཱརབྷྱཱདྱ ཡཱཝད྄ ཡུཥྨཱཀཾ སནྣིདྷཽ སྠིཏྭཱ སཪྻྭསམཡེ ཡཐཱཙརིཏཝཱན྄ ཏད྄ ཡཱུཡཾ ཛཱནཱིཐ;
ⅩⅨ ཕལཏཿ སཪྻྭཐཱ ནམྲམནཱཿ སན྄ བཧུཤྲུཔཱཏེན ཡིཧུདཱིཡཱནཱམ྄ ཀུམནྟྲཎཱཛཱཏནཱནཱཔརཱིཀྵཱབྷིཿ པྲབྷོཿ སེཝཱམཀརཝཾ།
ⅩⅩ ཀཱམཔི ཧིཏཀཐཱाཾ ན གོཔཱཡིཏཝཱན྄ ཏཱཾ པྲཙཱཪྻྱ སཔྲཀཱཤཾ གྲྀཧེ གྲྀཧེ སམུཔདིཤྱེཤྭརཾ པྲཏི མནཿ པརཱཝརྟྟནཱིཡཾ པྲབྷཽ ཡཱིཤུཁྲཱིཥྚེ ཝིཤྭསནཱིཡཾ
ⅩⅪ ཡིཧཱུདཱིཡཱནཱམ྄ ཨནྱདེཤཱིཡལོཀཱནཱཉྩ སམཱིཔ ཨེཏཱདྲྀཤཾ སཱཀྵྱཾ དདཱམི།
ⅩⅫ པཤྱཏ སཱམྤྲཏམ྄ ཨཱཏྨནཱཀྲྀཥྚཿ སན྄ ཡིརཱུཤཱལམྣགརེ ཡཱཏྲཱཾ ཀརོམི, ཏཏྲ མཱམྤྲཏི ཡདྱད྄ གྷཊིཥྱཏེ ཏཱནྱཧཾ ན ཛཱནཱམི;
ⅩⅩⅢ ཀིནྟུ མཡཱ བནྡྷནཾ ཀླེཤཤྩ བྷོཀྟཝྱ ཨིཏི པཝིཏྲ ཨཱཏྨཱ ནགརེ ནགརེ པྲམཱཎཾ དདཱཏི།
ⅩⅩⅣ ཏཐཱཔི ཏཾ ཀླེཤམཧཾ ཏྲྀཎཱཡ ན མནྱེ; ཨཱིཤྭརསྱཱནུགྲཧཝིཥཡཀསྱ སུསཾཝཱདསྱ པྲམཱཎཾ དཱཏུཾ, པྲབྷོ ཪྻཱིཤོཿ སཀཱཤཱད ཡསྱཱཿ སེཝཱཡཱཿ བྷཱརཾ པྲཱཔྣཝཾ ཏཱཾ སེཝཱཾ སཱདྷཡིཏུཾ སཱནནྡཾ སྭམཱརྒཾ སམཱཔཡིཏུुཉྩ ནིཛཔྲཱཎཱནཔི པྲིཡཱན྄ ན མནྱེ།
ⅩⅩⅤ ཨདྷུནཱ པཤྱཏ ཡེཥཱཾ སམཱིཔེ྅ཧམ྄ ཨཱིཤྭརཱིཡརཱཛྱསྱ སུསཾཝཱདཾ པྲཙཱཪྻྱ བྷྲམཎཾ ཀྲྀཏཝཱན྄ ཨེཏཱདྲྀཤཱ ཡཱུཡཾ མམ ཝདནཾ པུན རྡྲཥྚུཾ ན པྲཱཔྶྱཐ ཨེཏདཔྱཧཾ ཛཱནཱམི།
ⅩⅩⅥ ཡུཥྨབྷྱམ྄ ཨཧམ྄ ཨཱིཤྭརསྱ སཪྻྭཱན྄ ཨཱདེཤཱན྄ པྲཀཱཤཡིཏུཾ ན ནྱཝརྟྟེ།
ⅩⅩⅦ ཨཧཾ སཪྻྭེཥཱཾ ལོཀཱནཱཾ རཀྟཔཱཏདོཥཱད྄ ཡནྣིརྡོཥ ཨཱསེ ཏསྱཱདྱ ཡུཥྨཱན྄ སཱཀྵིཎཿ ཀརོམི།
ⅩⅩⅧ ཡཱུཡཾ སྭེཥུ ཏཐཱ ཡསྱ ཝྲཛསྱཱདྷྱཀྵན྄ ཨཱཏྨཱ ཡུཥྨཱན྄ ཝིདྷཱཡ ནྱཡུངྐྟ ཏཏྶཪྻྭསྨིན྄ སཱཝདྷཱནཱ བྷཝཏ, ཡ སམཱཛཉྩ པྲབྷུ རྣིཛརཀྟམཱུལྱེན ཀྲཱིཏཝཱན ཏམ྄ ཨཝཏ,
ⅩⅩⅨ ཡཏོ མཡཱ གམནེ ཀྲྀཏཨེཝ དུརྫཡཱ ཝྲྀཀཱ ཡུཥྨཱཀཾ མདྷྱཾ པྲཝིཤྱ ཝྲཛཾ པྲཏི ནིརྡཡཏཱམ྄ ཨཱཙརིཥྱནྟི,
ⅩⅩⅩ ཡུཥྨཱཀམེཝ མདྷྱཱདཔི ལོཀཱ ཨུཏྠཱཡ ཤིཥྱགཎམ྄ ཨཔཧནྟུཾ ཝིཔརཱིཏམ྄ ཨུཔདེཀྵྱནྟཱིཏྱཧཾ ཛཱནཱམི།
ⅩⅩⅪ ཨིཏི ཧེཏོ ཪྻཱུཡཾ སཙཻཏནྱཱཿ སནྟསྟིཥྚཏ, ཨཧཉྩ སཱཤྲུཔཱཏཿ སན྄ ཝཏྶརཏྲཡཾ ཡཱཝད྄ དིཝཱནིཤཾ པྲཏིཛནཾ བོདྷཡིཏུཾ ན ནྱཝརྟྟེ ཏདཔི སྨརཏ།
ⅩⅩⅫ ཨིདཱནཱིཾ ཧེ བྷྲཱཏརོ ཡུཥྨཱཀཾ ནིཥྛཱཾ ཛནཡིཏུཾ པཝིཏྲཱིཀྲྀཏལོཀཱནཱཾ མདྷྱེ྅དྷིཀཱརཉྩ དཱཏུཾ སམརྠོ ཡ ཨཱིཤྭརསྟསྱཱནུགྲཧསྱ ཡོ ཝཱདཤྩ ཏཡོརུབྷཡོ ཪྻུཥྨཱན྄ སམཱརྤཡམ྄།
ⅩⅩⅩⅢ ཀསྱཱཔི སྭརྞཾ རཱུཔྱཾ ཝསྟྲཾ ཝཱ པྲཏི མཡཱ ལོབྷོ ན ཀྲྀཏཿ།
ⅩⅩⅩⅣ ཀིནྟུ མམ མཏྶཧཙརལོཀཱནཱཉྩཱཝཤྱཀཝྱཡཱཡ མདཱིཡམིདཾ ཀརདྭཡམ྄ ཨཤྲཱམྱད྄ ཨེཏད྄ ཡཱུཡཾ ཛཱནཱིཐ།
ⅩⅩⅩⅤ ཨནེན པྲཀཱརེཎ གྲཧཎད྄ དཱནཾ བྷདྲམིཏི ཡདྭཱཀྱཾ པྲབྷུ ཪྻཱིཤུཿ ཀཐིཏཝཱན྄ ཏཏ྄ སྨརྟྟུཾ དརིདྲལོཀཱནཱམུཔཀཱརཱརྠཾ ཤྲམཾ ཀརྟྟུཉྩ ཡུཥྨཱཀམ྄ ཨུཙིཏམ྄ ཨེཏཏྶཪྻྭཾ ཡུཥྨཱནཧམ྄ ཨུཔདིཥྚཝཱན྄།
ⅩⅩⅩⅥ ཨེཏཱཾ ཀཐཱཾ ཀཐཡིཏྭཱ ས ཛཱནུནཱི པཱཏཡིཏྭཱ སཪྻཻཿ སཧ པྲཱརྠཡཏ།
ⅩⅩⅩⅦ ཏེན ཏེ ཀྲནྡྲནྟཿ
ⅩⅩⅩⅧ པུན རྨམ མུཁཾ ན དྲཀྵྱཐ ཝིཤེཥཏ ཨེཥཱ ཡཱ ཀཐཱ ཏེནཱཀཐི ཏཏྐཱརཎཱཏ྄ ཤོཀཾ ཝིལཱཔཉྩ ཀྲྀཏྭཱ ཀཎྛཾ དྷྲྀཏྭཱ ཙུམྦིཏཝནྟཿ། པཤྩཱཏ྄ ཏེ ཏཾ པོཏཾ ནཱིཏཝནྟཿ།