Ⅳ
Ⅰ ලෝකා අස්මාන් ඛ්‍රීෂ්ටස්‍ය පරිචාරකාන් ඊශ්වරස්‍ය නිගූඨවාක්‍යධනස්‍යාධ්‍යක්‍ෂාංශ්ච මන්‍යන්තාං|
Ⅱ කිඤ්ච ධනාධ්‍යක්‍ෂේණ විශ්වසනීයේන භවිතව්‍යමේතදේව ලෝකෛ ර‍්‍යාච්‍යතේ|
Ⅲ අතෝ විචාරයද්භි ර‍්‍යුෂ්මාභිරන්‍යෛඃ කෛශ්චින් මනුජෛ ර්වා මම පරීක්‍ෂණං මයාතීව ලඝු මන්‍යතේ (අ)හමප්‍යාත්මානං න විචාරයාමි|
Ⅳ මයා කිමප්‍යපරාද්ධමිත්‍යහං න වේද්මි කින්ත්වේතේන මම නිරපරාධත්වං න නිශ්චීයතේ ප්‍රභුරේව මම විචාරයිතාස්ති|
Ⅴ අත උපයුක්තසමයාත් පූර්ව්වම් අර්ථතඃ ප්‍රභෝරාගමනාත් පූර්ව්වං යුෂ්මාභි ර්විචාරෝ න ක්‍රියතාං| ප්‍රභුරාගත්‍ය තිමිරේණ ප්‍රච්ඡන්නානි සර්ව්වාණි දීපයිෂ්‍යති මනසාං මන්ත්‍රණාශ්ච ප්‍රකාශයිෂ්‍යති තස්මින් සමය ඊශ්වරාද් ඒකෛකස්‍ය ප්‍රශංසා භවිෂ්‍යති|
Ⅵ හේ භ්‍රාතරඃ සර්ව්වාණ්‍යේතානි මයාත්මානම් ආපල්ලවඤ්චෝද්දිශ්‍ය කථිතානි තස්‍යෛතත් කාරණං යුයං යථා ශාස්ත්‍රීයවිධිමතික්‍රම්‍ය මානවම් අතීව නාදරිෂ්‍යධ්බ ඊත්ථඤ්චෛකේන වෛපරීත්‍යාද් අපරේණ න ශ්ලාඝිෂ්‍යධ්බ ඒතාදෘශීං ශික්‍ෂාමාවයෝර්දෘෂ්ටාන්තාත් ලප්ස්‍යධ්වේ|
Ⅶ අපරාත් කස්ත්වාං විශේෂයති? තුභ්‍යං යන්න දත්ත තාදෘශං කිං ධාරයසි? අදත්තේනේව දත්තේන වස්තුනා කුතඃ ශ්ලාඝසේ?
Ⅷ ඉදානීමේව යූයං කිං තෘප්තා ලබ්ධධනා වා? අස්මාස්වවිද්‍යමානේෂු යූයං කිං රාජත්වපදං ප්‍රාප්තාඃ? යුෂ්මාකං රාජත්වං මයාභිලෂිතං යතස්තේන යුෂ්මාභිඃ සහ වයමපි රාජ්‍යාංශිනෝ භවිෂ්‍යාමඃ|
Ⅸ ප්‍රේරිතා වයං ශේෂා හන්තව්‍යාශ්චේවේශ්වරේණ නිදර්ශිතාඃ| යතෝ වයං සර්ව්වලෝකානාම් අර්ථතඃ ස්වර්ගීයදූතානාං මානවානාඤ්ච කෞතුකාස්පදානි ජාතාඃ|
Ⅹ ඛ්‍රීෂ්ටස්‍ය කෘතේ වයං මූඪාඃ කින්තු යූයං ඛ්‍රීෂ්ටේන ඥානිනඃ, වයං දුර්බ්බලා යූයඤ්ච සබලාඃ, යූයං සම්මානිතා වයඤ්චාපමානිතාඃ|
Ⅺ වයමද්‍යාපි ක්‍ෂුධාර්ත්තාස්තෘෂ්ණාර්ත්තා වස්ත්‍රහීනාස්තාඩිතා ආශ්‍රමරහිතාශ්ච සන්තඃ
Ⅻ කර්ම්මණි ස්වකරාන් ව්‍යාපාරයන්තශ්ච දුඃඛෛඃ කාලං යාපයාමඃ| ගර්හිතෛරස්මාභිරාශීඃ කථ්‍යතේ දූරීකෘතෛඃ සහ්‍යතේ නින්දිතෛඃ ප්‍රසාද්‍යතේ|
ⅩⅢ වයමද්‍යාපි ජගතඃ සම්මාර්ජනීයෝග්‍යා අවකරා ඉව සර්ව්වෛ ර්මන්‍යාමහේ|
ⅩⅣ යුෂ්මාන් ත්‍රපයිතුමහමේතානි ලිඛාමීති නහි කින්තු ප්‍රියාත්මජානිව යුෂ්මාන් ප්‍රබෝධයාමි|
ⅩⅤ යතඃ ඛ්‍රීෂ්ටධර්ම්මේ යද්‍යපි යුෂ්මාකං දශසහස්‍රාණි විනේතාරෝ භවන්ති තථාපි බහවෝ ජනකා න භවන්ති යතෝ(අ)හමේව සුසංවාදේන යීශුඛ්‍රීෂ්ටේ යුෂ්මාන් අජනයං|
ⅩⅥ අතෝ යුෂ්මාන් විනයේ(අ)හං යූයං මදනුගාමිනෝ භවත|
ⅩⅦ ඉත්‍යර්ථං සර්ව්වේෂු ධර්ම්මසමාජේෂු සර්ව්වත්‍ර ඛ්‍රීෂ්ටධර්ම්මයෝග්‍යා යේ විධයෝ මයෝපදිශ්‍යන්තේ තාන් යෝ යුෂ්මාන් ස්මාරයිෂ්‍යත්‍යේවම්භූතං ප්‍රභෝඃ කෘතේ ප්‍රියං විශ්වාසිනඤ්ච මදීයතනයං තීමථියං යුෂ්මාකං සමීපං ප්‍රේෂිතවානහං|
ⅩⅧ අපරමහං යුෂ්මාකං සමීපං න ගමිෂ්‍යාමීති බුද්ධ්වා යුෂ්මාකං කියන්තෝ ලෝකා ගර්ව්වන්ති|
ⅩⅨ කින්තු යදි ප්‍රභේරිච්ඡා භවති තර්හ්‍යහමවිලම්බං යුෂ්මත්සමීපමුපස්ථාය තේෂාං දර්පධ්මාතානාං ලෝකානාං වාචං ඥාස්‍යාමීති නහි සාමර්ථ්‍යමේව ඥාස්‍යාමි|
ⅩⅩ යස්මාදීශ්වරස්‍ය රාජත්වං වාග්‍යුක්තං නහි කින්තු සාමර්ථ්‍යයුක්තං|
ⅩⅪ යුෂ්මාකං කා වාඤ්ඡා? යුෂ්මත්සමීපේ මයා කිං දණ්ඩපාණිනා ගන්තව්‍යමුත ප්‍රේමනම්‍රතාත්මයුක්තේන වා?