2
1 Hab̯waki mahanga geegu̱ngwi̱ze
na bantu bategeki̱ri̱ kukora bintu bitalimwo?
2 Bakama ba mu nsi beekobi̱ri̱,
beetara hamwei̱ na balemi̱
ku̱lwani̱sya Mukama na Mutongoole waamwe.
3 Babaza nibakoba, “Tu̱kadu̱le njegere zaab̯u,
tukasuke na mpi̱ngo zaab̯u.”
4 Yogwo ei̱cali̱i̱ri̱ mwiguru abaseka b̯u̱seki̱,
Mukama agaya b̯u̱gayi̱ ntegeka zaab̯u.
5 Mwomwo mu ki̱ni̱ga kinene alibacoomera,
atab̯u̱ki̱ri̱ kandi bati̱i̱ni̱re ki̱mwei̱ naabaweera yati,
6 “Ku lusahu lwange lutongoole, Sayu̱u̱ni̱,
nteeri̱hoona mukama wange.”
7 Mukama yaabazi̱ri̱ naakoba yati, “Nkwi̱za kuranga kiragiro kya Mukama.
Mukama ki̱yambwereeri̱ nti, ‘Oli mwana wange, nku̱byeri̱, ndi bbaawu na deeru lili.
8 Nsaba, nkwi̱za kukuha mahanga ogagweterwe,
nsi gyensei̱ ndigikuha nka itungu lyamu.
9 Oligalema na mubbeere gwa kyoma,
oligacwacwana nka byese byeib̯umba!’ ”
10 Nahab̯waki̱kyo, nywe bakama, mu̱bbe na magezi̱,
nywe balemi̱ ba mu nsi, mwegyendereze.
11 Mu̱heerezenge Mukama na ki̱ti̱i̱ni̱sa,
mu̱semererwe mu̱ki̱ti̱ke.
12 Mu̱mu̱ramye aleke atasaalirwa,
akabagu̱mi̱ri̱i̱rya mu muhanda,
hab̯wakubba akwatwa ki̱ni̱ga b̯wangu.
Bali na mu̱gi̱sa bensei̱ bamwesiga