149
1 Haari̱i̱ze Mukama!
Mu̱hi̱i̱mi̱re Mukama kyembu kihyaka,
mu̱mu̱haari̱i̱ze hamwei̱ na kitebe kya bantu baamwe bensei̱ barungi.
2 Leka I̱saleeri̱ asanyukire Mu̱hangi̱ waamwe,
leka bantu ba Sayu̱u̱ni̱ basemererwe hab̯wa mukama waab̯u!
3 Leka bacekece nibahaariiza ibara lyamwe,
Leka bahi̱i̱me nibahaariiza na bi̱cekere na ndi̱ngi̱di̱!
4 Hab̯wakubba Mukama yeesu̱gu̱sya bantu baamwe,
bab̯wo bab̯u̱ndaaru̱ alibalwalya kujunwa.
5 Leka beesigwa ba Ruhanga basanyukire mu ki̱ti̱i̱ni̱sa,
Leka bahi̱i̱me na kusemererwa nibali mu ntabbu zaab̯u.
6 Leka kukugiza kwa maani hoi̱ kwa Ruhanga kuruge mu mi̱nwa myab̯u,
na mpirima mu mukono myab̯u,
7 kuhoora nzi̱go gya mahanga,
na kufubira bantu,
8 kubboha bakama ba gagwo mahanga njegere,
na balemi̱ baago na mpi̱ngo,
9 ku̱doosereerye kiragiro kya ncwamwo gya musangu!
Kiki kyokyo ki̱ti̱i̱ni̱sa kya beesigwa ba Ruhanga bensei̱.
Haari̱i̱ze Mukama!