100
Zabbu̱li̱ gya Ku̱si̱i̱ma.
1 Mu̱hi̱i̱mi̱re Mukama, nywe ba mu nsi gyensei̱ neiraka lya kusemererwa!
2 Mu̱heereze Mukama nakusemererwa!
Mwi̱ze mu mei̱so gaamwe na ku̱hi̱i̱ma!
3 Mukyege nti, Mukama abba Ruhanga!
Yooyo munyakutuhanga, kandi tuli baamwe,
tuli bantu bei̱li̱i̱si̱i̱ryo lyamwe.
4 Mwi̱ngi̱re mu Yeekaaru̱ gyamwe na ku̱si̱i̱ma,
na mu zi̱gati̱ gyamwe na kuhaariiza,
mu̱mu̱si̱i̱me muhaariize ibara lyamwe!
5 Kubba Mukama murungi,
ngonzi zaamwe zinene za biro na biro,
na b̯wesigwa b̯wamwe hali mi̱hi̱hi̱ myensei̱.