9
Magezi̱ Bigakora
1 Wamagezi̱ abi̱mbi̱ri̱ nnyu̱mba gyamwe,
yaagiteera mpagi̱ musanju.
2 Ei̱ti̱ri̱ kisolo kyamwe ahyangi̱i̱rye maaci gaamwe
yaati̱mba na kiihuru.
3 Atu̱mi̱ri̱ bazaana baamwe, beete bantu
mu bicweka binyamaani mu rub̯uga.
4 “Akali ntwarwa, ei̱ze haha!”
Mpwi̱se amu̱weereeri̱ yati,
5 “I̱za, odye bidyo bi̱nti̱mbi̱ri̱,
onywe maaci gampyagi̱i̱rye.
6 Mu̱leke b̯udoma aleke mwomeere,
Libata na bakwetegereza.”
7 Acoomera mu̱gayi̱, yeesyomera bi̱lu̱mo,
ahab̯ura mubiibi, yeeleetera bihuta.
8 Otahab̯uranga mu̱gayi̱, kubba alikunoba.
Ahab̯ura mu̱gezi̱, b̯ufooka b̯u̱nywani̱.
9 B̯wolamba mu̱gezi̱, eicala na wa magezi̱,
kwegesya murungi, ateeryaho ha ki̱yeegi̱ri̱.
10 Ndugiiro gya magezi̱ gili mu ku̱ti̱i̱na Mukama,
kwega Mu̱syanu̱ Akiira Ki̱mwei̱, kubba kwetegereza.
11 Kubba na magezi̱ ki̱teeryaho biro bya kwomeera,
ki̱teerya na b̯unene b̯wa myaka mya b̯womi.
12 B̯wobba na magezi̱ obba weegasi̱i̱ri̱,
b̯wogagaya ni̱weeru̱mya wankei.
13 Mu̱kali̱ mudoma eicala naatokatooka,
tagira ngesu, tali na ki̱yeegi̱ri̱.
14 Eicaara ha mulyagu gwamwe,
ha ntebe mu kiikaru, hakyendi̱ mu rub̯uga,
15 niyeetanga bakurabaho,
bali mu mihanda myab̯u nti,
16 “Ntwarwa gyensei̱ gi̱i̱ze haha.”
Aweera mpwi̱se yati,
17 “Meezi̱ gei̱be googo gamala nnyoota,
na bidyo bibadya mu nsita, byobyo binola!”
18 Bei̱tu̱ bo badulu tibeega nti, hali̱yo b̯uzire,
bagenyi̱ baamwe beicala kuzumu.