131
Preya blanga trastimbat God
Preya blanga Deibid.
1 YAWEI, aibin libum ol main praudbalawei.
Ai nomo reken miselp blanga jinggabat hau blanga dum detlot ting weya im brabli adwan,
o hau blanga dum klebabala ting.
2 Bat mi jidan kwaitwan jis laiga biginini weya im jidan garram im mami.
En main hat im jidan lagijat du.
3 Yumob Isreil pipul, yumob trastim langa YAWEI tudei en olagijawan.