3
Te ćerol pe šukar
1 De gođi e pačavne manušen te pokorin pe e šorutnenđe thaj kolenđe save si ko vlast, te šunen thaj te aven spremna baše sa e šukar buća.
2 Vaćar lenđe khoni te ma vaćarol bilačhe khanikastar, ma te ćeren čingara, nego te aven krotka thaj te sikaven ljubaznost premal savorende.
3 Gova vaćarav golese kaj i amen sama bigođaver, zavedime thaj ni šundam. Sama robura bašo strast thaj baše užitkura sa e vrste. Načhena amare đivesa ano bilačhipe thaj ano zavist. Mrzisade amen thaj amen mrzisadam jekh avere.
4 Al tegani sikada pe o šukaripe
thaj o manglipe e Devleso amare Spasiteljeso, premale manuša.
5 O Dol spasisada amen,
na baše pravedna buća save ćerdam,
nego baše piro milosrđe.
Spasisada amen kana thoda amen,
golesa palem bijandiljam
thaj obnovisada amen e Svetone Duxosa.
6 O Dol pe amende čhorda izobilno o Sveto Duxo
prekalo Isus Hrist o Spasitelji amaro.
7 O Dol pale leso milost opravdisada amen te bi šaj postanisa
naslednikura taro džuvdipe bizo meripe savese nadi amen.
8 Kava sikajipe si sigurno thaj mangav kava zurale te vaćare, te bi kola save pačan ano Dol posvetina pe te ćeren šukar buća. Gova si šukar thaj korisno baše sa e manuša.
9 Crde tut tare dilo pučipe, tare čingara tare spiskura tare plemenura, tare prepirke thaj čingara taro Zakon, golese kaj si bizo korist thaj čuče.
10 Te ćerda khoni maškar tumende razdor, opomeni le! Al te ćerol gova i pali dujto opomena, crde tut lestar!
11 Tu džane kaj gasavo manuš si rumimo thaj grešil. Vov korkoro pes osudil.
E Pavleso poslednjo haberi thaj pozdrav
12 Kana ka bičhalav e Arteme il e Tihike ke tute, dikh te ave ke mande ano Nikopolj! Golese kaj odlučisadem gothe te nakhavav o jevend.
13 E Zinese, e advokatese thaj e Apolose dikh te pomogni lenđe so trubul len dromese, ma te falil lenđe khanči.
14 Thaj gijate amare manuša trubun te sikljon te posvetin pe te ćeren šukar buća, sa kaj čače isi potreba, te ma bi živina čučo džuvdipe.
15 Savore save si mancar pozdravin tut.
Pozdravi e pačavnen save manđen amen ano pačajipe.
E Devleso milost te avol tumencar savorencar.