5
О пуя э Адамески
1 Аки о пхукаипэ катар Адам тай лэски пуендар.
Кана о Дэл кердяс э манушэс, Ов кердяс лэс, тэ ушадиел Лэски.
2 Ов кердяс муршэс тай джювля тай алгышты лэн. Кана он сас кердэ, ов тхэдяс лэн «мануш».
3 Кана о Адам бэшло 130 брэш, лэстэ аракхлило чяво, сар ов, сар лэско шавлин, тай ов тхэдяс лэс Сиф.
4 Пал ко аракхлима ки Сифеско о Адам бэшло 800 брэш, тай лэстэ сас генэ чявэ тай чяя.
5 Алаи о Адам бэшло 930 брэш тай муло.
6 Кана о Сиф бэшло 105 брэш, лэстэ аракхлило о Енос.
7 Пал ко аракхлима ки Еносеско о Сиф бэшло 807 брэш, тай лэстэ сас генэ чявэ тай чяя.
8 Алаи о Сиф бэшло 912 брэш тай муло.
9 Кана о Енос бэшло 90 брэш, лэстэ аракхлило о Каинан.
10 Пал ко аракхлима ки Каинанеско о Енос бэшло 815 брэш, тай лэстэ сас генэ чявэ тай чяя.
11 Алаи о Енос бэшло 905 брэш тай муло.
12 Кана о Каинан бэшло 70 брэш, лэстэ аракхлило о Малелеил.
13 Пал ко аракхлима ки Малелеилеско о Каинан бэшло 840 брэш, тай лэстэ сас генэ чявэ тай чяя.
14 Алаи о Каинан бэшло 910 брэш тай муло.
15 Кана о Малелеил бэшло 65 брэш, лэстэ аракхлило о Яред.
16 Пал ко аракхлима ки Яредеско о Малелеил бэшло 830 брэш, тай лэстэ сас генэ чявэ тай чяя.
17 Алаи о Малелеил бэшло 895 брэш тай муло.
18 Кана о Яред бэшло 162 брэш, лэстэ аракхлило о Енох.
19 Пал ко аракхлима ки Енохеско о Яред бэшло 800 брэш, тай лэстэ сас генэ чявэ тай чяя.
20 Алаи о Яред бэшло 962 брэш тай муло.
21 Кана о Ханох бэшло 65 брэш, лэстэ аракхлило о Мафусал.
22 Пал ко аракхлима ки Мафусалеско о Ханох пхерэлас э Дэвлэса 300 брэш, тай лэстэ сас генэ чявэ тай чяя.
23 О Ханох бэшло 365 брэш.
24 О Ханох пхерэлас э Дэвлэса, дэчи лэс на уло, вай о Дэл лиляс лэс.
25 Кана о Мафусал бэшло 187 брэш, лэстэ аракхлило о Ламех.
26 Пал ко аракхлима ки Ламехеско о Мафусал бэшэлас 782 брэш, тай лэстэ сас генэ чявэ тай чяя.
27 Алаи о Мафусал бэшло 969 брэш тай муло.
28 Кана о Ламех бэшло 182 брэш, лэстэ аракхлило чяво.
29 Ов диняс лэс нав Ной тай пхэнляс: «Ов кан дэл рагати амэн андэ хэзмэти, андэ пхари бути амарэ васта, опэр пху, дини арман э Сагбуса э Яхвэса».
30 Пал ко аракхлима ки Ноеско о Ламех бэшло 595 брэш, тай лэстэ сас генэ чявэ тай чяя.
31 Алаи о Ламех бэшло 777 брэш тай муло.
32 Кана э Ноески сас 500 брэш, лэстэ аракхлилэ о Сим, о Хам тай о Яфет.