ⴰⴷⵍⵉⵙ ⵉⵇⴻⴷⴷⵙⴻⵏ ⵉⵥⴻⵀⵀⵉⴷⴻⵏ 61

1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵣⴻⵏⵣⵓⵏ ⵅ ⵉⴼⵉⵍⴰⵏ. ⵏ ⴷⴰⵡⵓⴷ.

2 ⴰ ⴰⵔⴻⴱⴱⵉ, ⵙⴻⵍ ⵉ ⵓⵍⴰⵖⵉ ⵉⵏⵓ,

ⵙⴻⵍ ⵎⵍⵉⵃ ⵉ ⵜⵥⴰⴵⵉⵜ ⵉⵏⵓ.

3 ⵣⵉ ⵟⵟⴰⵔⴼ ⴰⵏⴻⴳⴳⴰⵔ ⵏ ⵜⴻⵎⵎⵓⵔⵜ

ⵜⵜⵍⴰⵖⵉⵖ ⵅⴰⴽ,

ⵅⵎⵉ ⵉⵜⵜⴻⴼⵛⵉⵍ ⵡⵓⵍ ⵉⵏⵓ.

ⵏⴷⴻⵀ ⴰⵢⵉ ⵅ ⵉⵊⵊ ⵏ ⵊⵊⴰⵔⴼ ⵢⵓⵄⵍⴰⵏ ⵅⴰⴼⵉ.

4 ⵎⴰⵖⴰⵔ ⵛⴻⴽ ⴷ ⴰⵎⵛⴰⵏ ⵏ ⵜⴰⵔⴻⵡⵍⴰ ⵉ ⵏⴻⵛⵛ,

ⴷ ⵍⴱⵓⵔⵊ ⵉⵊⴻⵀⴷⴻⵏ ⴹⵉⴷⴷ ⵉ ⵍⴻⵄⴷⵓ.

5 ⵏⴻⵛⵛ ⴰⴷ ⵇⵇⵉⵎⴻⵖ

ⴷⴻⴳ ⵓⵇⵉⴹⵓⵏ ⵏⵏⴻⵛ ⵉ ⵍⴻⴱⴷⴰ,

ⴰⴷ ⴰⵔⴻⵡⵍⴻⵖ

ⵙⴰⴷⵓ ⵓⴷⵓⵔⵔⵉ ⵏ ⵡⴰⴼⵔⵉⵡⴻⵏ ⵏⵏⴻⵛ. ⵙⵉⵍⴰⵀ.

6 ⵎⴰⵖⴰⵔ ⵛⴻⴽ, ⴰ ⴰⵔⴻⴱⴱⵉ,

ⵜⴻⵙⵍⵉⴷ ⵖⴰⵔ ⵍⵡⵓⵄⵓⴷ ⵉⵏⵓ.

ⵛⴻⴽ ⵜⴻⵡⵛⵉⴷ ⴰⵢⵉ ⵜⴰⵙⵖⴰⵔⵜ

ⵏ ⵢⵉⵏⵏⵉ ⵉⵜⵜⴻⴳⴳⵯⴻⴷⴻⵏ ⵉⵙⴻⵎ ⵏⵏⴻⵛ.

7 ⴰⵔⵏⵉ ⵄⴰⴷ ⵓⵙⵙⴰⵏ ⵅ ⵡⵓⵙⵙⴰⵏ ⵏ ⵓⵊⴻⴵⵉⴷ,

ⴻⵊⵊ ⴰⴷ ⴰⵔⴻⴷⴼⴻⵏ ⵉⵙⴻⴳⴳⵯⵓⵙⴰ ⵏⵏⴻⵙ

ⵉⵊⵊ ⵉ ⵡⴻⵏⵏⴻⵖⵏⵉ

ⴰⵎ ⵊⵊⵉⵍ ⵉⴹⴼⴰⵔ ⵓⵎⴰⵙ.

8 ⵏⴻⵜⵜⴰ ⴰⴷ ⵉⵇⵇⵉⵎ

ⵣⵣⴰⵜ ⵉ ⵡⵓⴷⴻⵎ ⵏ ⴰⵔⴻⴱⴱⵉ ⵉ ⵍⴻⴱⴷⴰ.

ⴰⴷ ⵅⴰⵙ ⵜⴻⵃⴹⴰ

ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴷ ⵍⴰⵎⴰⵏ.

9 ⵅⴻⵏⵏⵉ ⴰⴷ ⵣⴻⵀⵀⴷⴻⵖ ⵉ ⵢⵉⵙⴻⵎ ⵏⵏⴻⵛ ⵉ ⵍⴻⴱⴷⴰ,

ⵃⵉⵎⴰ ⴰⴷ ⴽⴻⵎⵎⵍⴻⵖ ⵍⵡⵓⵄⵓⴷ ⵉⵏⵓ,

ⴰⵙⵙ ⴰⵡⴰⵔⵏⵉ ⵓⵎⴰⵙ.