ⴰⴷⵍⵉⵙ ⵉⵇⴻⴷⴷⵙⴻⵏ ⵉⵥⴻⵀⵀⵉⴷⴻⵏ 49

1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵣⴻⴳ ⴰⵢⵜ ⵏ ⵇⵓⵔⴰⵃ. ⴰⵣⴻⵀⵀⴻⴷ.

2 ⵙⵍⴻⵎ ⵉ ⵓⵢⴰ, ⵎⴰⵔⵔⴰ ⵍⴻⴳⵏⵓⵙ,

ⵙⵃⴻⵙⵙⴻⵎ ⵎⴰⵔⵔⴰ, ⴰ ⵉⵎⴻⵣⴷⴰⵖ ⵏ ⴷⴷⵓⵏⴻⵛⵜ,

3 ⴰⵎ ⵜⴰⵔⵡⴰ ⵏ ⴰⴷⴰⵎ,

ⴰⵎ ⵜⴰⵔⵡⴰ ⵏ ⵉⵊⵊ ⵏ ⵡⴻⵔⵢⴰⵣ,

ⴰⵢⵜⴱⴰⴱ ⵏ ⵡⴰⴳⵍⴰ ⴷ ⵉⵎⴻⵣⵍⴰⴹ

ⵊⵎⵉⵄ ⴰⴽ-ⴷ ⵡⴰⵢⴰⵡⵢⴰ!

4 ⴰⵇⴻⵎⵎⵓⵎ ⵉⵏⵓ ⵉⵙⵙⴰⵡⴰⵍ ⵜⵉⵖⵉⵜ,

ⵉⵅⴰⵔⵔⵉⵚⴻⵏ ⵏ ⵡⵓⵍ ⵉⵏⵓ

ⵛⵛⵓⵔⴻⵏ ⵙ ⵍⴻⴼⵀⴰⵎⴻⵜ.

5 ⵏⴻⵛⵛ ⴰⴷ ⵡⵛⴻⵖ ⴰⵎⴻⵣⵣⵓⵖ ⵉⵏⵓ

ⵉ ⵡⴰⵡⴰⵍ ⵉⵡⴻⵣⵏⴻⵏ,

ⴰⴷ ⵙⵙⴰⵔⴳⴱⴻⵖ ⵜⵃⴰⵊⵉⵜ ⵉⵏⵓ ⵏ ⵜⵡⴰⴼⵉⵜ

ⵖⴰⵔ ⵜⵉⵔⴰⵔⵜ ⵏ ⵍⴳⴰⵎⴱⵔⵉ. ◘

6 ⵎⴰⵢⴻⵎⵎⵉ ⵖⴰ ⴳⴳⵯⴻⴷⴻⵖ

ⴷⴻⴳ ⵡⵓⵙⵙⴰⵏ ⵉⵄⴻⴼⴼⴰⵏⴻⵏ,

ⵅⵎⵉ ⴷⴷ ⴰⵢⵉ ⵜᵉⵜⵜⴻⵏⵏⴻⴹ ⵍⵎⵓⵄⵚⵉⵢⵢⴻⵜ

ⵏ ⵢⵉⵏⵏⵉ ⴷ ⴰⵢⵉ ⴷⴷ-ⵉⴹⴻⴼⴼⴰⵔⴻⵏ ⴷⵉ ⵜⵉⵔⵉ ⵉⵏⵓ. ◼ ◘

7 ⴰⵇⴰ ⴷⵉⵏ ⵉⵏⵏⵉ ⵉⵜⵜⵛⴰⵍⴻⵏ

ⵅ ⵍⴻⴽⵙⵉⴱⴻⵜ ⵏⵙⴻⵏ,

ⵜⵜⴼⴻⵢⵢⵛⴻⵏ ⵙ ⵡⴰⴳⵍⴰ ⵏⵙⴻⵏ ⴰⵎⴻⵇⵇⵔⴰⵏ,

8 ⵎⴰⵛⴰ ⵓⵍⴰ ⴷ ⵉⵊⵊ ⵏ ⵜⴰⵡⵎⴰⵜ

ⵡⴰⵔ ⵉⵣⴻⵎⵎⴰⵔ ⴰⴷ ⵉⴼⴷⵉ ⵢⵉⵊⵊ ⵏ ⵡⴻⵔⵢⴰⵣ,

ⵡⴰⵔ ⵉⵣⴻⵎⵎⴰⵔ ⴰⴷ ⵉⵅⴻⴵⴻⵚ

ⴷⴷⴻⵢⵢⴻⵜ ⵏ ⵢⵉⵅⴻⴼ ⵏⵏⴻⵙ ⵉ ⴰⵔⴻⴱⴱⵉ. ◼

9 ⵜⵜⴰⵎⴰⵏ ⵏ ⵡⴻⵚⵍⴰⵃ ⵏ ⵍⴻⵄⵎⴰⵔ ⵏⵙⴻⵏ

ⵜⵉⵖⵍⴰ ⴰⵟⵟⴰⵙ, ⵡⴰⵔ ⴷⴷ-ⵜᵉⵜⵜⵉⵙ ⵉ ⵍⴻⴱⴷⴰ,

10 ⵃⵉⵎⴰ ⵏⴻⵜⵜⴰ ⴰⴷ ⵉⴷⴷⴰⵔ ⵉ ⵍⴻⴱⴷⴰ,

ⵄⴻⵎⵎⴰⵔⵚ ⵡⴰⵔ ⵉⵜⵜⴽⵉⵛⵛⵓ.

11 ⵎⴰⵖⴰⵔ ⵉⵜⵜⵡⴰⵍⴰ ⵉⵎⵉⵖⵉⵙⴻⵏ ⵎⵎⵓⵜⴻⵏ,

ⵓⵍⴰ ⴷ ⴰⴱⵓⵀⴰⵍⵉ ⴷ ⵓⵇⴻⴼⴼⵓⵃ

ⴰⴷ ⵜⵜⵡⴰⵇⴻⵙⵙⴻⵏ ⵙ ⵜⵏⴰⵢⴻⵏ,

ⴰⴷ ⵊⵊⴻⵏ ⵍⴻⴽⵙⵉⴱⴻⵜ ⵏⵙⴻⵏ

ⵉ ⵉⵏⵏⴻⵖⵏⵉ ⴰⵡⴰⵔⵏⵉ ⴰⵙⴻⵏ.

12 ⴰⵅⴰⵔⵔⴻⵚ ⵏ ⵡⵓⵍ ⵏⵙⴻⵏ

ⴰⵇⴰ ⵜⵓⴷⵔⵉⵏ ⵏⵙⴻⵏ ⴰⴷ ⵇⵇⵉⵎⴻⵏⵜ ⵉ ⵍⴻⴱⴷⴰ,

ⵜⵉⵣⴻⴷⴷⵉⵖⵉⵏ ⵏⵙⴻⵏ ⵣⵉ ⵊⵊⵉⵍ ⴰⵍ ⵊⵊⵉⵍ.

ⵡⴰⵅⵅⴰ ⵓⵍⴰ ⴷ ⵜⵉⵎⵎⵓⵔⴰ

ⴳⴳⵉⵏ ⴰⵙⴻⵏⵜ ⵉⵙⵎⴰⵡⴻⵏ ⵏⵙⴻⵏ.

13 ⴱⵏⴰⴷⴻⵎ ⵉ ⵖⴰⵔ ⵉⴵⴰ ⵛⵛⴰⵏ, ⵡⴰⵔ ⵉⵜⵜⵖⵉⵎⵉ ⵛⴰ,

ⵏⴻⵜⵜⴰ ⴰⵎ ⵍⴻⴱⵀⵉⵎⴻⵜ ⵉⴼⴻⵏⵏⴰⵏ.

14 ⵡⴰ ⴷ ⴰⴱⵔⵉⴷ ⵉ ⵖⴰⵔⵙⴻⵏ,

ⵎⵉⵏ ⵅⴻⴼ ⵜⵜⵙⴻⵏⵏⴰⴷⴻⵏ,

ⵓⵛⴰ ⵉⵏⵏⵉ ⵜⴻⵏ ⵉⴹⴻⴼⴼⴰⵔⴻⵏ ⴰⴷ ⵊⵊⵉⵡⵏⴻⵏ

ⵙ ⵓⵇⴻⵎⵎⵓⵎ ⵏⵙⴻⵏ. ⵙⵉⵍⴰⵀ. ◼

15 ⴰⵎ ⵡⵓⴵⵉ ⵙⵙⴰⵔⴻⵢⵢⵃⴻⵏ ⵏⵉⵜⵏⵉ ⵉⵅⴻⴼ ⵏⵙⴻⵏ

ⴷⵉ ⵍⴰⵅⴰⵔⵜ,

ⵍⵎⴻⵡⵜ ⴰⴷ ⵜⴻⵏ ⵜⴰⵔⵡⴻⵙ.

ⵉⵎⵙⴻⴳⴳⴰⴷⴻⵏ ⴰⴷ ⵅⴰⵙⴻⵏ ⵃⴻⴽⵎⴻⵏ ⵅ ⵚⵚⴱⴻⵃ,

ⴰⴷⴷⵓⴷ ⵏⵙⴻⵏ ⴰⴷ ⵉⴷⵡⴻⵍ ⵉ ⵍⵖⴻⵛⵛ ⴷⵉ ⵍⴰⵅⴰⵔⵜ,

ⵜⵜⵡⴰⵙⵙⵓⴼⴼⵖⴻⵏ ⵏⵉⵜⵏⵉ ⵣⵉ ⵜⵣⴻⴷⴷⵉⵖⵜ ⵏⵙⴻⵏ. ◼

16 ⵎⴰⵛⴰ ⴰⵔⴻⴱⴱⵉ ⴰⴷ ⵉⴼⴷⵉ ⵍⴻⵄⵎⴰⵔ ⵉⵏⵓ

ⵣⴻⴳ ⵓⴼⵓⵙ ⵏ ⵍⴰⵅⴰⵔⵜ,

ⵎⴰⵖⴰⵔ ⵏⴻⵜⵜⴰ ⴰⴷ ⴰⵢⵉ ⵢⴰⵡⵉ ⴰⴽⵉⵙ. ⵙⵉⵍⴰⵀ. ◼

17 ⵡⴰⵔ ⵜⵜⴻⴳⴳⵯⴻⴷ ⵛⴰ ⵎⴰⵍⴰ ⵛⴰ ⵏ ⵡⴻⵔⵢⴰⵣ

ⵉⴷⵡⴻⵍ ⴷ ⴱⵓ-ⵡⴰⴳⵍⴰ,

ⵅⵎⵉ ⵉ ⵖⴰ ⵢⴰⵔⵏⵉ ⵓⵛⵓⵡⵡⴰⵔ ⵏ ⵜⴰⴷⴷⴰⵔⵜ ⵏⵏⴻⵙ,

18 ⵎⴰⵖⴰⵔ ⴷⵉ ⵍⵎⴻⵡⵜ ⵏⵏⴻⵙ

ⵡⴰⵔ ⴽⵉⴷⴻⵙ ⵉⴽⴻⵙⵙⵉ ⵛⴰ ⵎⴰⵔⵔⴰ ⴰⵢⴰ,

ⴰⵛⵓⵡⵡⴰⵔ ⵏⵏⴻⵙ ⵡⴰⵔ ⵉⵀⴻⴽⴽⵡⵉ ⴰⴽⵉⴷⴻⵙ

ⴰⵡⴰⵔⵏⵉ ⴰⵙ.

19 ⵡⴰⵅⵅⴰ ⵉⴱⴰⵔⴻⴽ ⵍⴻⵄⵎⴰⵔ ⵏⵏⴻⵙ

ⴷⵉ ⵜⵓⴷⴰⵔⵜ ⵏⵏⴻⵙ,

ⵡⴰⵅⵅⴰ ⵏⵉⵜⵏⵉ ⴰⴷ ⵛⴻⴽ ⵙⵙⴻⵎⵖⴰⵔⴻⵏ

ⵎⴰⵖⴰⵔ ⵜⴻⴳⴳⵉⴷ ⵎⵉⵏ ⵉⵚⴻⴱⵃⴻⵏ ⵉ ⵢⵉⵅⴻⴼ ⵏⵏⴻⵛ,

20 ⴰⵇⴰ ⴰⴷ ⴷⴷ-ⵢⴰⵡⴻⴹ ⵍⴻⵄⵎⴰⵔ ⵏⵏⴻⵙ

ⵖⴰⵔ ⵊⵊⵉⵍ ⵏ ⵍⴻⵊⴷⵓⴷ ⵏⵏⴻⵙ,

ⵏⵏⵉ ⵡⴰⵔ ⵥⴰⵔⵔⴻⵏ ⵜⴰⴼⴰⵡⵜ ⵉ ⵍⴻⴱⴷⴰ.

21 ⴱⵏⴰⴷⴻⵎ ⵉ ⵖⴰⵔ ⵉⴵⴰ ⵛⵛⴰⵏ,

ⵎⴰⵛⴰ ⵡⴰⵔ ⵉⴼⴻⵀⵀⴻⵎ,

ⵏⴻⵜⵜⴰ ⴰⵎ ⵍⴻⴱⵀⵉⵎⴻⵜ ⵉⴼⴻⵏⵏⴰⵏ.

◘ 49:5 ⵉⵥⵀⴷ. 78:2; ⵎⵜ. 13:35 ◼ 49:6 ⴷⵉ ⵜⵉⵔⵉ ⵉⵏⵓ-ⵙ ⵜⵄⵉⴱⵔⴰⵏⵉⵜ ‘ⴷⴻⴳ ⵉⵏⴰⵔⵥⵉⵡⴻⵏ ⵉⵏⵓ’. ◘ 49:6 ⵉⴳⵊⴷ. 4:18 ◼ 49:8 ⵉⴼⴷⵉ-ⵅⵥⴰⵔ ⵉⵥⵀⴷ. 78:35. ◼ 49:14 ⵉⵏⵏⵉ ⵜⴻⵏ ⵉⴹⴻⴼⴼⴰⵔⴻⵏ-ⴰⵡⴰⵍⴻⵏ ⵉ ⵏᵉⵜⵜⴰⴼ ⴷⵉ ⴰⵢⴰⵜ 13-15 ⵙⵙⴰⵔⵡⴰⵙⴻⵏ ⴰⴱⵔⵉⴷ ⵏ ⵉⵡⴷⴰⵏ ⵉⵎⵄⴻⴼⴼⴰⵔⴻⵏ ⴰⴽ-ⴷ ⵡⴻⴱⵔⵉⴷ ⵏ ⵉⵛⵜ ⵏ ⵜⵃⵉⵎⴰⵔⵜ ⵏ ⵡⵓⴵⵉ ⵏⵏⵉ ⵉⴳⴳⵓⵔⴻⵏ ⴰⴽ-ⴷ ⵡⴰⵢⴰⵡⵢⴰ ⴰⵎ ⵜⵜᵉⵜⵜⴻⵏ ⴰⵔⵔⴱⵉⵄ (ⵙⵙⵢⴰⵡⴰⵏⴻⵏ ⵉⵅⴻⴼ ⵏⵙⴻⵏ ⵙ ⵓⵇⴻⵎⵎⵓⵎ ⵏⵙⴻⵏ) ⵓⵛⴰ ⴹⴻⴼⴼⴰⵔⴻⵏ ⵉⵊⵊ ⵡⴻⵏⵏⴻⵖⵏⵉ ⵓ ⵖⴰⵔ ⵓⵏⴻⴳⴳⴰⵔⵓ ⵙⵙⴰⵔⴻⵢⵢⵃⴻⵏ ⵉⵅⴻⴼ ⵏⵙⴻⵏ ⴷⵉ ⵍⴰⵅⴰⵔⵜ. ⵏⵉⵜⵏⵉ ⴳⴳⵓⵔⴻⵏ ⴰⵎ ⵜⵜᵉⵜⵜⴻⵏ ⴰⵔⵔⴱⵉⵄ, ⴰⵎⵎⵓ ⴷ ⴰⴱⵔⵉⴷ ⵏ ⵉⵎⵄⴻⴼⴼⴰⵔⴻⵏ ⴷⵉ ⵜⵓⴷⴰⵔⵜ-ⴰ. ⵏⵉⵜⵏⵉ ⴰⵔⵔⵉⵏ ⵎⴻⵥⵔⵉ ⵏⵙⴻⵏ, ⵡⴰⵔ ⴼⴻⴽⴽⴰⵔⴻⵏ ⵛⴰ ⴷⵉ ⴰⵔⴻⴱⴱⵉ, ⵎⵖⵉⵔ ⴷⵉ ⵎⵉⵏ ⵅⵙⴻⵏ ⵏⵉⵜⵏⵉ. ⵜⴰⵏⴻⴳⴳⴰⵔⵓⵜ ⵏ ⵉⵡⴷⴰⵏ-ⴰ ⵜⴱⴰⵏ ⴷⵉ ⴰⵢⴻⵜ ⵏ 15. ◼ 49:15 ⵜⴰⵥⴻⴷⴷⵉⵖⵜ-ⴰⵔⵔⵉⵎⴻⵜ ⴷ ⵜⴰⵥⴻⴷⴷⵉⵖⵜ ⵎⴰⵏⵉ ⵉⵅⵙ ⴰⵔⴻⴱⴱⵉ ⴰⴷ ⴷⵉⵏ ⵉⵥⴷⴻⵖ. ⵙ ⵓⵢⴻⵏⵏⵉ ⴰⵔⵔⵉⵎⴻⵜ ⴷ ⵜⴰⵥⴻⴷⴷⵉⵖⵜ ⵏ ⴰⵔⴻⴱⴱⵉ, ⵎⴰⵛⴰ ⴱⵏⴰⴷⴻⵎ ⵉ ⵡⴰⵔ ⵉⵜⵜⴻⵅⵙⴻⵏ ⴰⴷ ⵢⴰⵔⵥⴻⵎ ⵜⴰⵥⴻⴷⴷⵉⵖⵜ ⵏⵏⵉ ⵉ ⴰⵔⴻⴱⴱⵉ, ⴰⴷ ⵉⵜⵜⵡⴰⵙⵙⵓⴼⴼⴻⵖ ⵥⵉ ⵜⵥⴻⴷⴷⵉⵖⵜ ⵏ ⴰⵔⴻⴱⴱⵉ ⴰⵡⴰⵔⵏⵉ ⵍⵎⴻⵡⵜ ⵏⵏⴻⵙ, ⵎⵉⵏⵥⵉ ⵜⴰⵥⴻⴷⴷⵉⵖⵜ ⵏⵏⵉ ⵡⴰⵔ ⵜⴻⴵⵉ ⴷ ⵍⵎⵓⵍⴽ ⵏ ⴱⵏⴰⴷⴻⵎ, ⵎⴰⵛⴰ ⵏ ⴰⵔⴻⴱⴱⵉ. ◼ 49:16 ⵉⴼⴷⵉ-ⵅⵥⴰⵔ ⵉⵥⵀⴷ. 78:35.