43
ⵎⵉⵏ ⵉⵇⵇⵉⵎⴻⵏ ⵏ ⵓⵣⴻⵀⵀⴻⴷ 42
ⴰⵖ ⴰⵢⵉ ⵜⴰⵙⵖⴰⵔⵜ, ⴰⵔⴻⴱⴱⵉ,
ⵏⴷⴻⵀ ⴷⴷⴻⵄⵡⴻⵜ ⵉⵏⵓ.
ⴼⴻⴽⴽ ⴰⵢⵉ ⵣⴻⴳ ⵉⵊⵊ ⵏ ⵍⴳⴻⵏⵙ
ⵡⴰⵔ ⴷⴰⵢⴻⵙ ⴱⵓ ⵜⵎⴻⵅⵙⵉⵡⵜ,
ⵣⴻⴳ ⵡⴻⵔⵢⴰⵣ ⵏ ⵜⴻⵃⵔⴰⵢⵎⴻⵛⵜ ⴷ ⴷⴷⴻⴵ.
ⴰⵇⴰ ⵛⴻⴽ ⴷ ⴰⵔⴻⴱⴱⵉ ⵏ ⵊⵊⴻⵀⴷ ⵉⵏⵓ,
ⵎⴰⵢⴻⵎⵎⵉ ⵅⴻⵏⵏⵉ ⴷ ⴰⵢⵉ ⵜⴻⵏⴹⴰⵔⴻⴷ?
ⵎⴰⵢⴻⵎⵎⵉ ⴳⴳⵓⵔⴻⵖ ⴷⴻⴳ ⵡⴻⵔⵔⵓⴹ ⴷ ⴰⴱⴰⵔⵛⴰⵏ
ⵣⵉ ⵙⵙⵉⴱⴱⴻⵜ ⵏ ⴷⴷⴻⴵ ⵏ ⵍⴻⵄⴷⵓ?”
ⵙⴻⴽⴽ-ⴷⴷ ⵜⴰⴼⴰⵡⵜ ⵏⵏⴻⵛ ⴷ ⵜⵉⴷⴻⵜⵜ ⵏⵏⴻⵛ,
ⵎⴰⵃⴻⵏⴷ ⴰⴷ ⴰⵢⵉ ⴳⴻⵡⵡⴷⴻⵏⵜ,
ⴰⴷ ⴰⵢⵉ ⵏⴻⴷⵀⴻⵏⵜ
ⵖⴰⵔ ⵡⴻⴷⵔⴰⵔ ⵏⵏⴻⵛ ⵉⵇⴻⴷⴷⵙⴻⵏ
ⵓ ⵖⴰⵔ ⵜⵣⴻⴷⴷⵉⵖⵉⵏ ⵏⵏⴻⵛ,
ⴰⵍⴰⵎⵉ ⵉ ⵖⴰ ⴷⴷ-ⴰⵙⴻⵖ ⵖⴰⵔ ⵓⵄⴰⵍⵟⴰⵔ,
ⵍⵎⴻⴷⴱⴻⵃ ⵏ ⵡⴻⵛⵎⴰⴹ ⵏ ⴰⵔⴻⴱⴱⵉ,
ⵖⴰⵔ ⴰⵔⴻⴱⴱⵉ ⵏ ⵍⴻⴼⵔⴰⵃⴻⵜ, ⵡⴻⵏⵏⵉ ⴷ ⴰⵔⵛⴻⵇ ⵉⵏⵓ.
ⵏⴻⵛⵛ ⴰⴷ ⵛⴻⴽ ⵇⴰⴷⵉⵖ ⵙ ⵍⴳⴰⵎⴱⵔⵉ,
ⴰⵔⴻⴱⴱⵉ, ⴰⵔⴻⴱⴱⵉ ⵉⵏⵓ!
ⵍⴻⵄⵎⴰⵔ ⵉⵏⵓ, ⵎⴰⵢⴻⵎⵎⵉ ⵜⵇⴻⵏⴹⴻⴷ ⴰⵎⵎⵓ,
ⵜⵀⴻⴽⴽⵡⴻⵍⴻⴷ ⴷⴰⵢⵉ?
ⵔⴰⵊⴰ ⴰⵔⴻⴱⴱⵉ, ⵎⴰⵖⴰⵔ ⴰⴷ ⵜ ⵇⴰⴷⵉⵖ ⵄⴰⴷ
ⵅ ⵉⵙⴻⵏⵊⴰⵎⴻⵏ ⵉ ⴷⴷ-ⵉⵜⵜⴻⴼⴼⵖⴻⵏ
ⵣⵉ ⵣⵣⴰⵜ ⵏ ⵡⵓⴷⴻⵎ ⵉⵏⵓ,
ⵣⵉ ⵣⵣⴰⵜ ⵏ ⴰⵔⴻⴱⴱⵉ ⵉⵏⵓ.
 
 
43:2 ⵉⵥⵀⴷ. 35:14; 38:7; 42:10 43:5 ⵉⵥⵀⴷ. 42:6, 12