17
1 ⵜⴰⵥⴰⴵⵉⵜ ⵏ ⴷⴰⵡⵓⴷ.
ⴰ ⵙⵉⴷⵉ, ⵙⴻⵍ ⵖⴰⵔ ⵜⵙⴻⴳⴷⴰ,
ⴻⴳⴳ ⵍⴱⴰⵍ ⵉ ⵓⵖⵓⵢⵢⵉ ⵉⵏⵓ,
ⴻⵡⵛ ⴰⵎⴻⵣⵣⵓⵖ ⵅⵎⵉ ⵜⵜⵥⴰⴵⵉⵖ
ⵙ ⵉⵢⴻⵏⵛⵉⵛⴻⵏ ⵡⴰⵔ ⵣⵣⴰⵢⵙⴻⵏ ⴷⴷ-ⵉⵜⵜⴻⴽⴽ ⵛⴰ ⵍⵖⴻⵛⵛ.
2 ⴻⵊⵊ ⵍⵃⴻⵇⵇ ⵉⵏⵓ ⴰⴷ ⵉⴼⴼⴻⵖ
ⵣⵉ ⵣⵣⴰⵜ ⵉ ⵡⵓⴷⴻⵎ ⵏⵏⴻⵛ,
ⴻⵊⵊ ⵜⵉⵟⵟⴰⵡⵉⵏ ⵏⵏⴻⵛ ⴰⴷ ⵅⴻⵣⵣⴰⵔⴻⵏⵜ
ⵖⴰⵔ ⵎⵉⵏ ⵉⴵⴰⵏ ⵉⵙⴻⴳⴳⴷⴻⵏ.
3 ⵛⴻⴽ ⵜⵇⴻⴵⴱⴻⴷ ⵓⵍ ⵉⵏⵓ,
ⵜⴰⵔⵣⵓⴷ ⴷⴰⵢⴻⵙ ⵙ ⴵⵉⵍⴻⵜ.
ⵜⵊⴰⵔⵔⴱⴻⴷ ⴰⵢⵉ, ⵎⴰⵛⴰ ⵡⴰⵔ ⵜⵓⴼⵉⴷ ⵡⴰⵍⵓ.
ⵎⴰⵍⴰ ⵏⵡⵉⵖ ⴰⴷ ⵅⴰⵔⵔⵚⴻⵖ ⴷⵉ ⵛⴰ ⵡⴰⵔ ⵉⵃⵍⵉ,
ⵡⴰⵔ ⵉⵜⵜⴻⴼⴼⵉⵖ ⵣⴻⴳ ⵉⵢⴻⵏⵛⵉⴷⴻⵏ ⵉⵏⵓ.
4 ⵅ ⵎⵉⵏ ⵜⵜⴻⴳⴳⴻⵏ ⵉⵡⴷⴰⵏ,
ⴰⵇⴰ ⵏⴻⵛⵛ ⵃⴹⵉⵖ ⵉⵅⴻⴼ ⵉⵏⵓ
ⵣⵉ ⵜⴻⴱⵔⵉⴷⵉⵏ ⵏ ⴰⵢⵜ ⵏ ⴱⵓ-ⵍⴻⵅⵛⵓⵏⴻⵜ,
ⵄⵍⴰⵃⵙⴰⴱ ⴰⵡⴰⵍ ⵣⴻⴳ ⵉⵢⴻⵏⵛⵉⵛⴻⵏ ⵏⵏⴻⵛ.
5 ⴻⴳⴳ ⵉⵚⵓⵔⴰⴼ ⵉⵏⵓ ⴷⵉ ⵊⵊⵓⵔⵔⴰⵜ ⵏ ⵉⴹⴰⵔⴻⵏ ⵏⵏⴻⵛ,
ⵃⵉⵎⴰ ⵡⴰⵔ ⴼⴰⵔⵔⵖⴻⵏ ⵉⴹⴰⵔⴻⵏ ⵉⵏⵓ.
6 ⵏⴻⵛⵛ ⵍⴰⵖⵉⵖ ⵅⴰⴽ,
ⵎⵉⵏⵣⵉ ⵛⴻⴽ ⴰⴷ ⵅⴰⴼⵉ ⴷⴷ-ⵜⴰⵔⵔⴻⴷ, ⴰ ⴰⵔⴻⴱⴱⵉ,
ⴻⵡⵛ ⴰⵢⵉ ⴰⵎⴻⵣⵣⵓⵖ, ⵙⴻⵍ ⵉ ⵎⵉⵏ ⵖⴰ ⵉⵏⵉⵖ.
7 ⵙⵛⴻⵏ ⵍⴻⵄⵊⴰⵢⴻⴱ
ⵏ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ,
ⵛⴻⴽ ⴷ ⵡⴻⵏⵏⵉ ⵉⵙⵙⴻⵏⵊⴰⵎⴻⵏ
ⵉⵏⵏⵉ ⵖⴰⵔⴻⴽ ⵢⴰⵔⴻⴽⴽⵡⴰⵍⴻⵏ,
ⵛⴻⴽ ⴷ ⵡⴻⵏⵏⵉ ⵜⴻⵏ ⵉⵙⵙⴻⵏⵊⴰⵎⴻⵏ
ⵣⴻⴳ ⵢⵉⵏⵏⵉ ⵉⵜⵜⵖⴻⵡⵡⵖⴻⵏ ⵙ ⵓⴼⵓⵙ ⵏⵏⴻⵛ ⴰⴼⵓⵙⵉ.
8 ⵃⴹⴰ ⴰⵢⵉ ⴰⵎ ⵎⵓⵎⵎⵓ ⵏ ⵜⵉⵟⵟ ⵏⵏⴻⵛ,
ⵙⵏⵓⴼⴼⴰⵔ ⴰⵢⵉ ⴷⵉ ⵜⵉⵍⵉ ⵏ ⵡⴰⴼⵔⵉⵡⴻⵏ ⵏⵏⴻⵛ
9 ⵣⴻⴳ ⵉⵄⴻⴼⴼⴰⵏⴻⵏ ⵉⵏⵏⵉ ⵉⵅⵙⴻⵏ ⴰⴷ ⴷⴰⵢⵉ ⵃⵚⴰⵔⴻⵏ,
ⵉⵏⵏⵉ ⴷ ⵍⵄⴻⴷⵢⴰⵏ ⵏ ⵍⴻⵄⵎⴰⵔ ⵉⵏⵓ,
ⵉⵏⵏⵉ ⴷ ⴰⵢⵉ ⵉⵜⵜⵇⵓⵡⵡⴰⵔⴻⵏ.
10 ⵏⵉⵜⵏⵉ ⴱⴻⵍⵍⵄⴻⵏ ⵓⵍ ⵏⵙⴻⵏ ⵙ ⵜⴰⴷⵓⵏⵜ ⵏⵙⴻⵏ,
ⵙ ⵓⵇⴻⵎⵎⵓⵎ ⵏⵙⴻⵏ ⵙⵙⴰⵡⴰⵍⴻⵏ ⵙ ⵏⵏⴼⴰⵅⴻⵜ.
11 ⵍⴻⵅⵅⵓ ⵇⵓⵡⵡⴰⵔⴻⵏ ⵄⴰⴷ ⵉ ⵉⵚⵓⵔⴰⴼ ⵏⵏⴻⵖ,
ⵜⵉⵟⵟⴰⵡⵉⵏ ⵏⵙⴻⵏ ⵎⵎⵓⵇⵇⵍⴻⵏⵜ
ⵎⴰⵃⴻⵏⴷ ⴰⴷ ⴰⵢⵉ ⵏⴹⴰⵔⴻⵏ ⵖⴰⵔ ⵜⴻⵎⵎⵓⵔⵜ.
12 ⵏⴻⵜⵜⴰ ⵢⴰⵔⵡⴻⵙ ⴷⴻⴳ ⵡⴻⵢⵔⴰⴷ ⵏⵏⵉ ⵉⵎⴻⵥⵥⵔⴻⵏ
ⵎⴰⵃⴻⵏⴷ ⴰⴷ ⵉⵎⴻⵣⵣⴻⵇ ⵜⴰⵢⵎⴰⵔⵜ ⵏⵏⴻⵙ,
ⴷⴻⴳ ⵉⵊⵊ ⵏ ⵡⴻⵢⵔⴰⴷ ⴷ ⴰⵎⴻⵥⵢⴰⵏ
ⵉ ⵉⵇⵇⵉⵎⴻⵏ ⴷⴻⴳ ⵉⵎⵓⵛⴰⵏ ⵉⵏⵏⵓⴼⴼⴰⵔⴻⵏ.
13 ⴽⴽⴰⵔ, ⴰ ⵙⵉⴷⵉ, ⵔⵓⵃ ⵎⵙⴰⴳⴰⵔ ⴰⴽⵉⴷⴻⵙ,
ⵖⴹⴻⵍ-ⵉ-ⵜ ⵖⴰⵔ ⵜⴻⵎⵎⵓⵔⵜ.
ⴼⴻⴽⴽ ⵍⴻⵄⵎⴰⵔ ⵉⵏⵓ ⵙ ⵙⵙⵉⴼ ⵏⵏⴻⵛ ⵣⴻⴳ ⵓⵄⴻⴼⴼⴰⵏ,
14 ⵙ ⵓⴼⵓⵙ ⵏⵏⴻⵛ ⵣⴻⴳ ⵉⵔⵢⴰⵣⴻⵏ, ⴰ ⵙⵉⴷⵉ,
ⵣⴻⴳ ⵉⵔⵢⴰⵣⴻⵏ ⵏ ⴷⴷⵓⵏⴻⵛⵜ-ⴰ
ⵏⵏⵉ ⵖⴰⵔⵙⴻⵏ ⵜⵓⴷⴰⵔⵜ-ⴰ ⴷ ⵜⴰⵙⵖⴰⵔⵜ ⵏⵙⴻⵏ,
ⵉⵏⵏⵉ ⵣⵉ ⵜᵉⵜⵜⵄⴻⵎⵎⴰⵔⴻⴷ ⴰⵄⴻⴷⴷⵉⵙ ⵏⵙⴻⵏ
ⵙ ⵍⴻⴽⵏⵓⵣ ⵉⵏⵓⴼⴼⴰⵔⴻⵏ,
ⵓⵍⴰ ⴷ ⵉⵃⴻⵏⵊⵉⵔⴻⵏ ⵏⵙⴻⵏ ⵜⵜⵡⴰⵢⴰⵡⴰⵏⴻⵏ,
ⵜⵜⴻⵊⵊⴰⵏ ⵎⵉⵏ ⵉⵛⴻⵟⵟⴻⵏ ⵉ ⵜⴰⵔⵡⴰ ⵏⵙⴻⵏ.
15 ⵏⴻⵛⵛ ⴰⴷ ⵥⴰⵔⴻⵖ ⵓⴷⴻⵎ ⵏⵏⴻⵛ ⴷⵉ ⵜⵙⴻⴳⴷⴰ,
ⴰⴷ ⴷⴻⵡⵍⴻⵖ ⵊⵊⵉⵡⵏⴻⵖ ⵙ ⵡⴰⴷⴷⵓⴷ ⵏⵏⴻⵛ
ⵅⵎⵉ ⴷⴷ ⵖⴰ ⴼⴰⵇⴻⵖ.