130
1 ⵉⵣⵍⵉ ⵏ ⵓⴳⴻⵄⵄⴻⴷ.
ⵣⵉ ⵍⴰⴵⴰⵖ ⵍⴰⵖⵉⵖ-ⴷⴷ ⵅⴰⴽ, ⴰ ⵙⵉⴷⵉ!
2 ⴰ ⵙⵉⴷⵉ ⵉⵏⵓ, ⵙⴻⵍ ⵉ ⵜⵎⵉⵊⵊⴰ ⵉⵏⵓ,
ⴻⵊⵊ ⵉⵎⴻⵣⵣⵓⵖⴻⵏ ⵏⵏⴻⵛ ⴰⴷ ⴼⴻⵜⵏⴻⵏ
ⵅ ⵜⵎⵉⵊⵊⴰ ⵏ ⵜⵓⵜⵔⴰ ⵉⵏⵓ!
3 ⴰ ⵙⵉⴷⵉ, ⵎⴰⵍⴰ ⵜⴻⵃⴹⵉⴹ
ⵍⵎⵓⵄⵚⵉⵢⵢⴰⵜ ⵎⵍⵉⵃ,
ⴰ ⵙⵉⴷⵉ ⵉⵏⵓ, ⵎⴰⵏ ⵡⴻⵏ ⵉⵣⴻⵎⵎⴰⵔⴻⵏ
ⴰⴷ ⵉⵇⵇⵉⵎ ⵉⴱⴻⴷⴷ.
4 ⵎⴰⵛⴰ ⵖⴰⵔⴻⴽ ⴰⵙⴰⵎⴻⵃ,
ⵎⴰⵃⴻⵏⴷ ⴰⴷ ⵣⵣⴰⵢⴻⴽ ⴳⴳⵯⴻⴷⴻⵏ.
5 ⵏⴻⵛⵛ ⵙⵉⵜⵉⵎⴻⵖ ⴷⵉ ⵙⵉⴷⵉ,
ⵍⴻⵄⵎⴰⵔ ⵉⵏⵓ ⵉⵛⵛⵓⵔ ⵙ ⵓⵙⵉⵜⴻⵎ,
ⵜⵜⵔⴰⵊⵉⵖ ⴰⵡⴰⵍ ⵏⵏⴻⵙ,
6 ⵍⴻⵄⵎⴰⵔ ⵉⵏⵓ ⵉⵜⵜⵔⴰⵊⴰ ⵙⵉⴷⵉ ⵉⵏⵓ,
ⴰⵟⵟⴰⵙ ⵣⴻⴳ ⵉⵄⴻⵙⵙⴰⵙⴻⵏ ⵜⵜⵔⴰⵊⴰⵏ
ⵖⴰⵔ ⵓⵜⴻⴼⴼⵓ.
7 ⴻⵊⵊ ⵉⵙⵔⴰⵉⵍ ⴰⴷ ⵉⵔⴰⵊⴰ ⵙⵉⴷⵉ,
ⵎⴰⵖⴰⵔ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ
ⴰⵇⴰ-ⵜⵜ ⵖⴰⵔ ⵙⵉⴷⵉ,
ⵖⴰⵔⴻⵙ ⴰⴼⴻⴽⴽⵉ ⵉⵛⴻⵟⵟ.
8 ⵏⴻⵜⵜⴰ ⴰⴷ ⵉⵙⵙⴻⵏⵊⴻⵎ ⵉⵙⵔⴰⵉⵍ
ⵣⵉ ⵎⴰⵔⵔⴰ ⵍⵎⵓⵄⵚⵉⵢⵢⴰⵜ ⵏⵏⴻⵙ.