123
1 ⵉⵣⵍⵉ ⵏ ⵓⴳⴻⵄⵄⴻⴷ.
ⵏⴻⵛⵛ ⵙⵙⴳⴻⵄⵄⴷⴻⵖ ⵜⵉⵟⵟⴰⵡⵉⵏ ⵉⵏⵓ ⵖⴰⵔⴻⴽ,
ⵛⴻⴽ ⵉ ⵉⵇⵇⵉⵎⴻⵏ ⵅ ⵍⴽⵓⵔⵙⵉ ⵏⵏⴻⵙ
ⴷⴻⴳ ⵓⵊⴻⵏⵏⴰ.
2 ⵅⵣⴰⵔ, ⴰⵎ ⵜⵉⵟⵟⴰⵡⵉⵏ ⵏ ⵉⵙⴻⵎⵖⴰⵏ
ⵖⴰⵔ ⵓⴼⵓⵙ ⵏ ⴱⴰⴱ ⵏⵙⴻⵏ,
ⴰⵎ ⵜⵉⵟⵟⴰⵡⵉⵏ ⵏ ⵜⴰⵢⵢⴰ
ⵖⴰⵔ ⵓⴼⵓⵙ ⵏ ⵍⴰⵍⵍⴰⵙ,
ⴰⵎⵎⵓ ⵉ ⵅⴻⵣⵣⴰⵔⴻⵏⵜ ⵜⵉⵟⵟⴰⵡⵉⵏ ⵏⵏⴻⵖ
ⵖⴰⵔ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ,
ⴰⵍ ⵅⴰⵏⴻⵖ ⵉ ⵖⴰ ⵉⵃⵉⵏⵏ.
3 ⵃⵉⵏⵏ ⵅⴰⵏⴻⵖ, ⴰ ⵙⵉⴷⵉ, ⵃⵉⵏⵏ ⵅⴰⵏⴻⵖ,
ⵎⴰⵖⴰⵔ ⵢⵓⵣⴰ ⵖⴰⵔⵏⴻⵖ ⵓⵙⴻⵃⵇⴰⵔ.
4 ⵍⴻⵄⵎⴰⵔ ⵏⵏⴻⵖ ⵢⵓⵣⴰ ⵖⴰⵔⴻⵙ ⴰⵟⵟⴰⵙ
ⵣⴻⴳ ⵓⵙⵜⴻⵀⵣⵉ ⵏ ⴰⵢⵜ ⵏ ⴱⵓ-ⵏⵏⴼⴰⵅⴻⵜ,
ⵓⵍⴰ ⵣⴻⴳ ⵓⵙⴻⵃⵇⴰⵔ ⵏ ⵉⵖⴻⴱⴱⴰⵏⴻⵏ.