ⴰⴷⵍⵉⵙ ⵉⵇⴻⴷⴷⵙⴻⵏ ⵉⵥⴻⵀⵀⵉⴷⴻⵏ 114

114

1 ⴰⵍⴰⵎⵉ ⵉⴼⴼⴻⵖ ⵉⵙⵔⴰⵉⵍ ⵣⵉ ⵎⵉⵚⵔⴰ,

ⵜⴰⴷⴷⴰⵔⵜ ⵏ ⵢⴰⵄⵇⵓⴱ

ⵣⴻⴳ ⵉⵊⵊ ⵏ ⵍⴳⴻⵏⵙ

ⵙ ⵢⵉⵍⴻⵙ ⵏ ⵎⵉⴷⴷⴻⵏ, ◼ ◘

2 ⵉⴷⵡⴻⵍ ⵢⴰⵀⵓⴷⴰ ⴷ ⵣⵣⴰⵡⴻⵛⵜ ⵏⵏⴻⵙ ⵉⵇⴻⴷⴷⵙⴻⵏ,

ⵉⵙⵔⴰⵉⵍ ⴷ ⵜⴰⵎⵎⵓⵔⵜ ⵏ ⵍⴻⵃⴽⴰⵎⴻⵜ ⵏⵏⴻⵙ.

3 ⵍⴻⴱⵃⴰⵔ ⵉⵥⵔⴰ ⵉ-ⵜ ⵓⵛⴰ ⵢⴰⵔⵡⴻⵍ,

ⵍ’ⵓⵔⴷⵓⵏ ⵉⵏⵏⴻⵇⵍⴻⴱ ⵖⴰⵔ ⴹⴻⴼⴼⴰⵔ.

4 ⵉⴷⵓⵔⴰⵔ ⵏⴻⴳⵣⴻⵏ ⴰⵎ ⵢⵉⵛⴰⵔⵔⵉⵢⵢⴻⵏ,

ⵜⵉⵡⵔⵉⵔⵉⵏ ⴰⵎ ⵢⵉⵣⵎⴰⵔⴻⵏ.

5 ⵎⵉⵏ ⵛⴻⴽ ⵢⵓⵖⵉⵏ, ⴰ ⵍⴻⴱⵃⴰⵔ,

ⴰⵍⴰⵎⵉ ⵜⵔⴻⴽⴽⵡⴰⵍⴻⴷ,

ⴰ ⵛⴻⴽ ⵍ’ⵓⵔⴷⵓⵏ,

ⴰⵍⴰⵎⵉ ⵜⴻⵏⵇⴻⵍⴱⴻⴷ ⵖⴰⵔ ⴹⴻⴼⴼⴰⵔ? ◼

6 ⴰ ⵉⴷⵓⵔⴰⵔ, ⵎⵉⵏ ⴽⴻⵏⵏⵉⵡ ⵢⵓⵖⵉⵏ

ⴰⵍⴰⵎⵉ ⵜⵏⴻⴳⴳⵣⴻⵎ ⴰⵎ ⵢⵉⵛⴰⵔⵔⵉⵢⵢⴻⵏ,

ⵜⵉⵡⵔⵉⵔⵉⵏ ⴰⵎ ⵢⵉⵣⵎⴰⵔⴻⵏ?

7 ⴰ ⵜⴰⵎⵎⵓⵔⵜ ⴰⵔⵊⵉⵊⵉ ⵣⵣⴰⵜ ⵉ ⵡⵓⴷⴻⵎ ⵏ ⵙⵉⴷⵉ,

ⵣⵣⴰⵜ ⵉ ⵡⵓⴷⴻⵎ ⵏ ⴰⵔⴻⴱⴱⵉ ⵏ ⵢⴰⵄⵇⵓⴱ,

8 ⵡⴻⵏⵏⵉ ⵢⴰⵔⵔⵉⵏ ⵜⴰⵚⴹⴰⵔⵜ

ⴷ ⵍⵃⴻⵎⵍⴻⵜ ⵏ ⵡⴰⵎⴰⵏ,

ⵙⵙⴻⴵⴰⵃ ⴷ ⵍⵄⵓⵏⵚⴰⵔⴰⵜ ⵏ ⵡⴰⵎⴰⵏ. ◘

◼ 114:1 ⵉⵍⴻⵙ-ⵏⵉⵖ ‘ⵜⵓⵜⵍⴰⵢⵜ’. ◘ 114:1 ⵓⴼ. 13:3 ◼ 114:5 ⵍⴻⴱⵃⴰⵔ-ⵏⵉⵖ ‘ⵉⵍ’. ◘ 114:8 ⵓⴼ. 17:6; ⵍⵅⵍ. 20:11